যিহিষ্কেল 19:7 - Chakma Bible

⁷ তে তারার্ ঘরানি ভাঙিলো আর শঅরান্ বেক্কান ভস্ত গুরি ফেলেল। তার গুজুরোনিলোই দেজর্ বেক্কুনে দোরেলাক্।

যিহিষ্কেল 19:7 ပူးပေါင်းရင်းမြစ်များ

২ রাজাবলী 23:33

ফরৌণ-নখো পেরায় চের্‌ টন রূবো আর ঊনচোল্লিশ কেজি সোনা কর্‌ ইজেবে যিহূদা দেজ উগুরে চাপি দিলো।

গম্ উপদেজ্ 19:12

রাজার রাগ্‌কান সিংহ গুজুরোনি ধোক্ক্যেন্, মাত্তর্ তা দোয়্যেগান যেন ঘাস উগুরে পোজ্যে শিরোপানি।

গম্ উপদেজ্ 28:3

যে নাঢা মানুচ্চুনোর নেতা নাঢা মানুচ্চুনো উগুরে অত্যেচার গরে তে এমন ঝড়র্ নালা ধোক্ক্যেন্ যিয়েনর পরেদি আর কনঅ খেত্‌‌খেত্তি ন-থায়।

যিরমিয় 22:17

মাত্তর্ তর্ চোগ আর মনান্ আগেদে বানা ভান্ন্যোয়ানি পানা, নিদ্দুযি মানুচ্চুনোর লো ঝরানা আর অত্যেচার আর জুলুম গরানা উগুরে।”

যিহিষ্কেল 12:19

তুই দেজ মানুচ্চুনোরে কঅ, ইস্রায়েল দেজর্ যিরূশালেম আদাম্মেগুনো পৌইদ্যেনে প্রভু লগেপ্রভু কোইয়্যেদে, ‘তারা দোরে দোরে তারার্ হানাগানি হেবাক্ আর হতভম্ব ওইনে পানি হেবাক্, কিত্যে সিদুগোর্ আদাম্মেগুনোর অত্যেচারর্ কারনে তারার্ দেজ্‌চান খালি ওইনে পড়ি থেবঅ।

যিহিষ্কেল 19:6

সিবে সিংহ ছঅগুনো ভিদিরে ঘুরোগুরি গুরিনে এক্কো বোলী সিংহ ওইনে উদিলো। তে য়েমান শিগের্ গত্তে শিগিলো আর মানুচ্ হাঃ ধুরিলো।

যিহিষ্কেল 19:8

সেক্কে তা চেরোকিত্তে জাদ্‌তুনে তা বিরুদ্ধে এলাক্। তারা তাত্তে তারারে জাল্ পাদিলাক্, আর তে তারা গাদত্ ধরা পড়িলো।

যিহিষ্কেল 22:25

সেই দেজ মানুচ্চুনে কুজুরোমি গরন্; তারা গুজুরি উদোন্দে সিংহ ধোক্ক্যেন শিগের্ গরন। তারা মানুচ্চুনোরে গিলোন, ধন-সম্পদ আর মংগা মংগা জিনিস নেযান্ আর দেজ ভিদিরে ভালোক্কুন্ মিলেরে রানি বানেয়োন্।

যিহিষ্কেল 30:12

মুই নীল্ গাঙানর্ পানিগান শুগেই ফেলেম আর পাজি মানুচ্চুনো ইধু দেজ্‌‌‌‌চান বিজি দিম; বিদেশীগুনো আঢ্‌‌‌‌তোই দেজ্ আর সিয়েন ভিদিরে বেক্কানি মুই ভস্ত গুরি দিম। মুই লগেপ্রভু এ কধাগান কঙর্।

যিহিষ্কেল 34:4

তুমি বল্‌‌‌‌‌‌‌‌পোজ্যেগুনোরে সবল ন-গরঅ, অসুখ্যেগুনোরে গম্ ন-গরঅ, আহতগুনোরে ঘা-গানি বানি ন-দুয়ো। যিগুনে ভান্ন্যেই পধেদি যেইয়োন তারারে তুমি ফিরেই ন-আন বা আজি যেইয়্যে মানুচ্চুনোরে ন-তগঅ, বরং কড়া আর চিৎনপুজ্যেগুরি তারারে শাজন্ গোজ্য।

যিহিষ্কেল 45:8

এ জাগায়ান ইস্রায়েল দেজর্ শাজন্‌ গুরিয়্যেবোর্ অধিকারত্ থেবঅ। মর্ শাজন্‌গুরিয়্যেগুনে মঅ মানুচ্চুনো উগুরে আর্ অত্যেচার ন-গুরিবাক্, বরং ইস্রায়েল জাদরে তার গুট্টিগুন অনুসারে ভূই ভোগ্ গুরিবাত্যে দিবা।

আমোষ 6:8

বেগত্তুন্ খেমতাবলা গোজেন প্রভু লগেপ্রভু নিজো নাঙে শমক্ হেইনে কোইয়্যেদে, “মুই যাকোবর অহংকার আর তার ঘরানি অমকদ ঘিনাং; সেনত্তে মুই তমা শঅরানিত্ আর সিয়েন ভিদিরে বেক্কানি অন্য মান্‌জ্য আঢত্ দি দিম।”

মীখা 1:2

ও জাদ্‌‌তুন, তুমি বেক্কুনে কান্ পাদঅ; ও পিত্‌‌থিমীগান আর সিয়েন ভিদিরে বেক্কানি, শুনো। প্রভু লগেপ্রভু তা পবিত্র ঘরানত্তুন্ তমা বিরুদ্ধে সাক্ষ্য দিবো।