যিহিষ্কেল 19:3 - Chakma Bible

³ তার এক্কো ছঅ দাঙর্ ওইনে বোলী সিংহ ওই উদিলো। তে য়েমান শিগের্ গরানা শিগিলো আর মানুচ্ হাঃ ধুরিলো।

যিহিষ্কেল 19:3 ပူးပေါင်းရင်းမြစ်များ

২ রাজাবলী 23:34

তে যোশিয়োর আর এক্কো পুয়ো ইলিয়াকীমরে তা বাপ্পো যোশিয়োর জাগানত্‌ রাজা বানেল আর ইলিয়াকীমোর নাঙান্‌ বুদুলিনে যিহোয়াকীম রাগেল। ফরৌণ-নখো যিহোয়াহসরে মিসরত্‌ নেযেল, আর সিদু যিহোয়াহসে মুরি গেলঅ।

যিহিষ্কেল 19:2

সিংহগুনো ভিদিরে তঅ মাবো এলদে সেরা পাড়িসিংহ। তে গাবুজ্যে সিংহগুনো মোধ্যে পড়ি থেদঅ; তা ছঅগুনোরে তে পালেদ।

যিহিষ্কেল 19:4

জাদ্‌‌‌তুনে তা পৌইদ্যেনে শুনিলাক্; তে তারার গাঢ্‌‌‌তোদ্ ধরা পড়িল। তারা তা নাগত্ হেবা দিইনে মিসর দেজত্ নেযেলাক্।

যিহিষ্কেল 19:6

সিবে সিংহ ছঅগুনো ভিদিরে ঘুরোগুরি গুরিনে এক্কো বোলী সিংহ ওইনে উদিলো। তে য়েমান শিগের্ গত্তে শিগিলো আর মানুচ্ হাঃ ধুরিলো।

যিহিষ্কেল 22:25

সেই দেজ মানুচ্চুনে কুজুরোমি গরন্; তারা গুজুরি উদোন্দে সিংহ ধোক্ক্যেন শিগের্ গরন। তারা মানুচ্চুনোরে গিলোন, ধন-সম্পদ আর মংগা মংগা জিনিস নেযান্ আর দেজ ভিদিরে ভালোক্কুন্ মিলেরে রানি বানেয়োন্।

যিহিষ্কেল 32:2

ও মান্‌‌‌জ্যর পুয়োবো, মিসরর রাজা ফরৌণ পৌইদ্যেনে তুই আবিলেচ্ গুরি গুরি তারে কঅ, তুই মনে গুরিদে তুই জাদ ভিদিরেত্তুন্ এক্কো সিংহ ধোক্ক্যেন, মাত্তর্ আজলে তুই গাঙ সংমোধ্যে কুমোর ধোক্ক্যেন্। তুই নিজো গাঙ ভিদিরে লাপালাপি গুরিদে, টেঙোই পানিগান উলোত্-পালত্ গুরিদে আর গাঙ পানিগান কুলুগ্ গুরিদে। ‌

সখরিয় 11:3

ভেড়া গরগ্‌কুনোর আবিলেচ্ শুনো; তারার্ গম্ গম্ চড়াইদ্যে বামানি বর্‌বাত্ ওই যেইয়্যে। সিংহগুনোর গুজুরোনি শুনো; যর্দনর ঝারানি ভস্ত ওই যেইয়্যে।

দ্বি’লম্বর বিররণ 33:22

দান পৌইদ্যেনে তে কোইয়্যেদে, “তে যেন বাশনত্তুন জাম্‌ দি এস্যে সিংহর ছঅ।”