যিহিষ্কেল 19:12 - Chakma Bible

¹² মাত্তর্ লগেপ্রভু তার রাগে সিবে উগুরেনে মাদিত্ ফেলেই দিলো। পূগে বোইয়্যেরে সিবে শুগেই গেলঅ, তা গুলোগুলিগুন ঝুরি পড়িলাক্; তার দরমর ডেলাগুন ভাঙিনে শুগেই গেলাক্, আর আগুনানে সিগুন পুড়ি ফেলেল।

যিহিষ্কেল 19:12 ပူးပေါင်းရင်းမြစ်များ

২ রাজাবলী 23:29

যোশিয়োর রাজাগিরির সময়োত্‌ মিসরর রাজা ফরৌণ-নখো আসিরিয়ার রাজারে বল্‌ দিবাত্তে ইউফ্রেটিস গাঙ ইন্দি গেলঅ। সেক্কে রাজা যোশিয় তা লগে যুদ্ধো গুরিবাত্তে নিগিলিলো, মাত্তর্‌ ফরৌণ-নখো তা লগে যুদ্ধো গুরিনে তারে মগিদ্দোত মারে ফেলেল।

২ রাজাবলী 23:34

তে যোশিয়োর আর এক্কো পুয়ো ইলিয়াকীমরে তা বাপ্পো যোশিয়োর জাগানত্‌ রাজা বানেল আর ইলিয়াকীমোর নাঙান্‌ বুদুলিনে যিহোয়াকীম রাগেল। ফরৌণ-নখো যিহোয়াহসরে মিসরত্‌ নেযেল, আর সিদু যিহোয়াহসে মুরি গেলঅ।

২ রাজাবলী 24:6

পরেন্দি তে তা পূরোণি মানুচ্চুনো ইদু গেলগোই আর তা জাগানত্‌ তা পুয়োবো যিহোয়াখীনে রাজা অলঅ।

গীতসংহিতা 52:5

মাত্তর্ গোজেনে তরে উমরত্তে ভস্ত গুরিবো; তে তরে টানি আনিবো, তর্ তাম্বুলোত্তুন্ কারি আনিবো, জেদাগুনোর দেজত্তুন্ তরে উগুরে ফেলেব।

গীতসংহিতা 80:16

সে গাজ্‌ছুন আগুনে পুড়ি যেয়োন, সিগুন কাবি ফেলা ওইয়্যে; তঅ মানুচ্চুনে তর্ গেইল্ হেইনে শেজ্ ওই যাদন্।

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যিশাইয় 27:8

তে বিচের্ গুরিনে তারে নিগিলেই দিয়্যে, মাত্তর্ সিয়েনত্ পাওনাত্তুন্ বেশ্ সাজা দিয়্যে ন-অয়; পুগো বোইয়্যের ধোক্ক্যেন্ গুরি তা অমকদ ঝাবুদোলোই তে তারে ধাবেইনে নিগিলেই দিয়্যে।

যিরমিয় 22:30

লগেপ্রভু কোইয়্যেদে, “তুই লেগ্, এ মানুচ্চোর যেন কনঅ পুয়ো-ছা নেই। তে তার জিংকানিকালত্ ফোলেই ন-পারিবো আর তার কনঅ পুয়ো-ছায়ো গম্ ন-অবাক। তারাত্তুন কনজনে দায়ূদোর সিংহাসনত্ ন-বজিবাক্ বা যিহূদা দেজঅ উগুরে রাজাগিরি ন-গুরিবাক্।”

যিরমিয় 31:28

মুই যেবাবোত্যেগুরি তারারে উগুড়ে ফেলানা, ভাঙি ফেলানা আর মেলা মারিবাত্যে আর তারা উগুরে ভস্ত আর দজা আনানা ইন্দি খিয়েল্ রাগেয়োং সেবাবোত্যেগুরি তারারে শিগেইনে তুলিবার আর চারা ধোক্ক্যেন লাগেই দেনার্ ইন্দিয়ো খিয়েল্ রাগেম।

আবিলেচ্ 2:1

হায়, লগেপ্রভু কিবাবোত্যেগুরি তার্ রাগে সিয়োন-ঝিবোরে আন্ধারত্ ঢাগি ফেলেয়্যে! ইস্রায়েলর সয়সাগোজ্যেগানি তে আগাজত্তুন্ পিত্‌‌থিমীত্ ফেলেই দিয়্যে। তার্ রাগ্ উঠ্যেদে দিন্নোত্ তা টেঙানি রাগেবার জাগায়ানরে তে ইদোত্ ন-রাগায়।

যিহিষ্কেল 15:2

ও মান্‌জ্যর্ পুয়োবো, আংগুর গাজর্ ডেলাগুন্ কি ঝারর্ অন্য যে কনঅ গাজ ডেলাত্তুন্ গম্?

যিহিষ্কেল 15:4

জ্বালেবার তক্তা ইজেবে সিয়েন আগুনোত্ ফেলানার পরেদি যেক্কে তক্তাগানর দ্বিকিত্তেদি পড়ি যায় আর সংমোধ্যেগান কালা ওই যায় সেক্কে কি সিয়েন কনঅ কামত্ লাগে?

যিহিষ্কেল 17:10

যুনিয়ো তারে গমেডালে লাগা ওইয়্যে তো তে ন-বাঁজিবো। যে ভুইয়োত্ তে বাড়ি উঠ্যে সিয়েনত্ পূগো বোইয়্যেরে তে এক্কুবারে শুগেই যেবঅ।’”

যিহিষ্কেল 19:11

তার ডেলাগুন এলাক্ দরমর, শাজন্‌গুরিয়্যেবোর রাজলুদিক্ অবার্ যগাজ্যে। সেই গাজ্‌‌সো অজল্ ওইনে যেন মেঘত্ লুমিলো; সেনত্তে তা পাদালোই-ভরা ডেলাগুন সহজে চোগোত্ পড়িলো।

যিহিষ্কেল 28:17

তর্ দোল্ অনাত্তে তর্ মনান্ অহংকারে ভুরি উঠ্যে আর তর্ সয়-সাগোজ্যে গানত্তে তুই তর্ জ্ঞানানরে বর্‌বাত্ গোজ্যস্। সেনত্তে মুই তরে মাদিত্ ফেলেই দিলুং; রাজাগুনো মুজুঙোত্ মুই তরে রাগেলুং যেনে তরে দেগিনে তারা হুজি অন্।

হোশেয় 13:15

যুনিয়ো বা ইফ্রয়িমে তা ভেইয়ুনো ভিদিরে ফলায় তো লগেপ্রভুত্তুন্ এক্কান পূগো বোইয়্যের ধূল্যেচর-চাগালাত্তুন্ বেঈ এবঅ; তার্ পয়নালাবোত্ পানি ন-থেবঅ আর তার্ কুয়োবো শুগেই যেবঅ। তার্ ভান্ডালর্ বেক মংগা জিনিসচানি লুদো অবঅ।

যোনা 4:8

যেক্কে বেলান্ উদিলো সেক্কে গোজেনে গরম পূগো বোইয়্যের্ বেঈ দিলো; সেক্কে যোনা মাঢাবোত্ এমন রোদ বাঁজিলো যে, তে পেরায়্ অজ্ঞান অইদ্যে ধোক্ক্যেন অলঅ। সেক্কে তে মুরিবাত্তে চেইনে কলঅ, “মর্ বাঁজি থানাত্তুন মুরি যানা গম্।”

মথি লেখ্যে গম্ হবর্ 3:10

গাজ গড়াত্ কুড়োল্ বাজেয়্যে আঘে। যে গাজত্ গম্ ফল ন-ধরে সিবে কাবিনে আগুনোত্ ফেলে দিয়্যে অবঅ।

যোহন 15:6

যুনি কেঅ মঅ সমারে ন-থায় সালে কাপ্প্যে ডেলা ধোক্ক্যেন্ তারে বারেদি ফেলেই দিয়্যে অয় আর সিবে শুগেই যায়। সেক্কে সেই ডেলাগুন্ কুড়েইনে আগুনোত্ ফেলে দিয়্যে অয় আর সিগুন পুড়ি যান্।

দ্বি’লম্বর বিররণ 29:28

জদবদে রাগ্‌কোই, অমকদ জ্বলেদে রাগ্‌কোই, তে দেজত্তুন্‌ তারারে তুলি নেযেইনে অন্য দেজত্‌ ছিদিনে ফেলেই দিয়্যে, আর্‌ এজঅ তারা সিয়োদোই আগন্‌।

দ্বি’লম্বর বিররণ 32:22

মর্‌ রাগর আগুনান জুলি উঠ্যে; সেই আগুনান জ্বলের গোরর্ বেগত্তুন তলেন্দি জাগান সং। সেই আগুনান পিত্‌থিমী আর তার বেক ফসলানি হেই ফেলেব আর আগুনান্ লাগেব বেক মুড়োবোর গড়াত্‌।