যিহিষ্কেল 19:11 - Chakma Bible

¹¹ তার ডেলাগুন এলাক্ দরমর, শাজন্‌গুরিয়্যেবোর রাজলুদিক্ অবার্ যগাজ্যে। সেই গাজ্‌‌সো অজল্ ওইনে যেন মেঘত্ লুমিলো; সেনত্তে তা পাদালোই-ভরা ডেলাগুন সহজে চোগোত্ পড়িলো।

যিহিষ্কেল 19:11 ပူးပေါင်းရင်းမြစ်များ

পত্থম 49:10

যেদকদিন সং শীলো ন-লুমেগি আর বেক্‌ জাদতুনে তা উগুমানি মানি চলন, সেদক্‌দিন সং দাঙর সাজা-যিহূদা বংশত্‌ থেবঅ; আর তা দ্বিবে আদু সংমোধ্যে থেবঅ বিচের লুদিক্‌।

১ রাজাবলী 5:1

সোরের রাজা হীরমে যেক্কে শুনিলো, শলোমনরে তা বাবঅ জাগানত্‌ রাজপদথ্‌ অভিষেগ গরা ওইয়্যে সেক্কে তা মানুচ্চুনোরে তে শলোমনর্ ইদু পাদেল, কিত্তেই দায়ূদ লগে তার সমাজ্যের মিল্ এলঅ।

ইষ্রা 4:20

খেমতাবলা রাজাগুনে ‍যিরূশালেমত্তুন্ ধুরি ইউফ্রেটিস গাঙর্ পোজিম্ পারর্ বেক জাগায়ানিত্ রাজাগিরি গুরি এচ্চ্যন্ আর সিদুগোর্ মানুচ্চুনে তারার্ খাজনা, কর্‌ আর শুল্ক দুয়োন্।

ইষ্রা 5:11

জোবত্ তারা আমারে কলাক্, “আমি স্বর্গ আর পিত্‌থিমীর্ গোজেনর্ দাস। আমি সেই উবোসনা-ঘরান আরঅ বানের্ যিয়েন ইস্রায়েলর এক্কো দাঙর্ রাজা ভালোক্ দিন আগেদি বানেইনে থুম্ গোজ্যে।

গীতসংহিতা 110:2

তর্ রাজকীয় খেমতাগান লগেপ্রভু সিয়োনত্তুন্ ফগদাং গুরিবো; তে কবঅ, “তঅ শত্রুগুনো সংমধ্যেত্তুন্ তুই রাজাগিরি গর্।”

গীতসংহিতা 80:15

যে চারা গাজ্‌ছোরে তুই নিজো আঢ্‌তোই লাগেয়োচ্, যিবের ডেলাগুন তর্ নিজোত্যে তুই দরমর গোজ্যস্;

গীতসংহিতা 80:17

তর্ বেঈ লোইয়্যে মানুচ্চুনো উগুরে তুই আঢ্‌তানি রাগা; আঢ্‌তানি রাগা সেই মানুচ্চো উগুরে যিবেরে তুই নিজোত্যে দরমর গোজ্যস্।

যিশাইয় 11:1

যিশয়র গড়াত্তুন্ এক্কো নূয়ো চারা নিগিলিবো; তা শিঙোরর্ সেই চারাবোত্ গুলোগুলি ধুরিবাক্।

যিহিষ্কেল 19:12

মাত্তর্ লগেপ্রভু তার রাগে সিবে উগুরেনে মাদিত্ ফেলেই দিলো। পূগে বোইয়্যেরে সিবে শুগেই গেলঅ, তা গুলোগুলিগুন ঝুরি পড়িলাক্; তার দরমর ডেলাগুন ভাঙিনে শুগেই গেলাক্, আর আগুনানে সিগুন পুড়ি ফেলেল।

যিহিষ্কেল 19:14

তার গুড়িগানিত্তুন্ আগুন ছিদি পড়িলো; তার ডেলা আর গুলোগুলিগুন পুড়ি গেলাক্। শাজন্‌গুরিয়্যেবোর রাজলুদিক্ অবার যগাজ্যে কনঅ দরমর ডেলা সিয়েনত্ ন-থেলঅ। “ইবে এক্কো আবিলেচ্ গরানা; দুঘোর্ গান ইজেবে ইবে বেবহার গরা অবঅ।”

যিহিষ্কেল 21:10

কাবি ফেলেবাত্তে সিয়েন ধারা ওইয়্যে, সিয়েন পালিশ্ গরা ওইয়্যে আর সিয়েন কারেন ধোক্ক্যেন ঝক্‌‌‌‌‌‌‌‌ঝক্ গরের্।’ ” ইস্রায়েলীয়গুনে কদন্, “যিহূদার রাজলুদিক্কো নিইনে আমি ফুত্তি গুরিবোং; সেই রাজলুদিক্কো বেক্ লুদিক্কুনোরে ঈচ্ গরের্।”

যিহিষ্কেল 21:13

এ পোরোক্ষ্যেবো এবদে এবঅ। যিহূধার রাজা যুনি মর্ সাজাগানরে ঈচ্ গরে সালে কি তে টিগি থেই পারিবো?

যিহিষ্কেল 31:3

আসিরিয়ার কধা চিন্তে গুরি চাহ্, তে একদিন লেবাননর্ এরস গাজ্ এলঅ। তার দোল্ দোল্ ডেলাগুন ঝারত্ ঘন ছাবা ফেলেদ; সিবে অমকদ অজল্ এলঅ, তার মাঢাবো যেন আগাজ ইধু লুম্মেগোই।

দানিয়েল 4:11

গাজ্‌‌‌চো বাড়ি উদিনে দাঙর্ আর দরমর অলঅ আর তা মাঢাবো যেইনে আগাজত্ লুমিলো; পিত্‌‌‌থিমীর শেজ্ দুযিত্তুন্‌অ গাজ্‌‌‌চোরে দেগা যার্।

লেবীয় 23:40

পত্তম দিনোত্‌ তমার নিজোত্তে গাজর্‌ বেগত্তুন্‌ গম ফল, খাজোর গাজ পাদা, উইলো গাজ্‌ আর অন্য পাদালোই ভোজ্যে গাজর্‌ বাগল্‌ লোইনে এবা। সে পরেদি সাত দিন ধুরি তুমি তমার গোজেন লগেপ্রভুর্ মুজুঙোত্ ফুত্তি গুরিবা।

গণাণা 24:17

‘ইক্কিনে ন-অলেয়ো মুই তারে দেগঙর্, যুনিয়ো তে কোয়-কুরে নয় তো তা উগুরে মর্‌ চোগ্‌ পোজ্যে। এক্কো তারা উদিবো যাকোবর্‌ বংশত্‌, এক্কো রাজদন্ড উদিবো ইস্রায়েলর মোধ্যেত্তুন। মোয়াবীয়গুনোর্‌ আর শেথর পুয়োগুনোর্‌ মাঢাগুন তে গুড়ি গুরি দিবো।