যিহিষ্কেল 19:1 - Chakma Bible

¹ লগেপ্রভু মরে কোইয়্যেদে, তুই ইস্রায়েলর শাজন্‌গুরিয়্যেগুনোত্তে আবিলেচ্ গুরিনে কঅ,

যিহিষ্কেল 19:1 ပူးပေါင်းရင်းမြစ်များ

২ রাজাবলী 23:34

তে যোশিয়োর আর এক্কো পুয়ো ইলিয়াকীমরে তা বাপ্পো যোশিয়োর জাগানত্‌ রাজা বানেল আর ইলিয়াকীমোর নাঙান্‌ বুদুলিনে যিহোয়াকীম রাগেল। ফরৌণ-নখো যিহোয়াহসরে মিসরত্‌ নেযেল, আর সিদু যিহোয়াহসে মুরি গেলঅ।

২ রাজাবলী 24:12

যিহূদার রাজা যিহোয়াখীন, তা মাবো, তা বল্‌দিয়্যেগুনে, তা সেনাপতিগুনে আর তা কাম্‌গুরিয়্যেগুনে বেক্কুনে নবূখদ্‌নিৎসরর আঢত্‌ নিজোরে তুলি দিলাক্‌। নবূখদ্‌নিৎসরর রাজাগিরির আস্‌তো বজরত্‌ তে যিহোয়াখীনরে বন্দী গুরি নেযেল।

২ রাজাবলী 24:6

পরেন্দি তে তা পূরোণি মানুচ্চুনো ইদু গেলগোই আর তা জাগানত্‌ তা পুয়োবো যিহোয়াখীনে রাজা অলঅ।

২ বংশধর 35:25

যোশিয়োত্তে যিরমিয় আবিলেজর্‌ গান রোজেল আর এজঅ সং বেক্‌ গানগেইয়্যেগুনে যোশিয়ো পৌইদ্যেনে আবিলেজর্‌-গান গরন্‌। ইস্রায়েলত্‌ ইয়েন্‌ এক্কান্‌ চলেদে সুদোম্‌ ওই গেলঅ আর আবিলেজ্‌-গানর্‌ বোইবোত্‌ সিয়েন্‌ লেগা অলঅ।

২ বংশধর 36:10

বজরর্‌ শেজত্‌ রাজা নবূখদ্‌নিৎসরে মানুচ্‌ পাদেইনে তারে আর তা লগে লগেপ্রভুর ঘরর্‌ মংগা পযাপিরানিয়ো বাবিলোত্‌ নেযেল, আর যিহোয়াখীনোর কুত্‌তো সিদিকিয়রে যিহূদা আর যিরূশালেমর রাজা বানেল।

২ বংশধর 36:3

মিসরর রাজা নখো যিরূশালেমত্‌ তারে সিংহাসনত্তুন্‌ সোরেই দিইনে যিহূদার উগুরে পেরায়্‌ চের্‌ টন্‌ রূবো আর ঊনচোল্লিশ কেজি সোনা কর্‌ বোজেল।

২ বংশধর 36:6

বাবিলোর রাজা নবুখদ্‌নিৎসরে তারে আক্রমণ গুরিনে বাবিলোত্‌ নেযেবাত্তে তারে পিদোলর্‌ শিগোল্‌লোই বানিলো।

যিরমিয় 22:28

এ যিহোয়াখীনে কি এন্ এক্কো ঈচ্ গরেপারা ভাঙা পিলে যিবেরে কনজনে ন-চায়? কিত্তে তারে আর তা পুয়ো-ছাগুনোরে তারার হবর্ ন-পেইয়্যে এক্কান দেজত্ ছিদি ফেলা অবঅ?

যিরমিয় 22:30

লগেপ্রভু কোইয়্যেদে, “তুই লেগ্, এ মানুচ্চোর যেন কনঅ পুয়ো-ছা নেই। তে তার জিংকানিকালত্ ফোলেই ন-পারিবো আর তার কনঅ পুয়ো-ছায়ো গম্ ন-অবাক। তারাত্তুন কনজনে দায়ূদোর সিংহাসনত্ ন-বজিবাক্ বা যিহূদা দেজঅ উগুরে রাজাগিরি ন-গুরিবাক্।”

যিরমিয় 24:1

বাবিলর রাজা নবূখদ্‌নিৎসরে যিহোয়াকীমর পুয়ো যিহূদার রাজা যিহোয়াখীন আর যিহূদার রাজা যিহোয়াখীন আর যিহূদার রাজকর্মচারীগুন, কালিগর আর কর্মকারুনোরে যিরূশালেমত্তুন বাবিলোত্ বন্দী গুরি নেযানার পরেদি লগেপ্রভু মরে তা ঘর মুজুঙোত্ থোইয়্যে দ্বিকাল্যং ডোমোর গুলো দেগেল।

যিরমিয় 24:8

“মাত্তর্ এই বজং ডোমোর, যিগুন এদক্ বজং যে, হা ন-যায়, সিগুনো ধোক্ক্যেন গুরি মুই যিহূদার রাজা সিদিকিয়, তার রাজার্ চাগর্ আর যিরূশালেমর যে মানুচ্চুনে দেজত্ রোইয়োন বা মিসরত্ বজত্তি গত্তন তারা লগে ভান্ন্যেই বেবহার গুরিম।

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

যিরমিয় 9:10

মুড়োমুড়িগুনোত্তে মুই কানিম্ আর আবিলেচ্ গুরিম আর আবিলচ্ গুরিম ধূল্যেচর-চাগালার য়েমান চোড়েবার জাগানিত্তে। সিয়েনি ভস্ত ওই যেইয়্যে, সিয়েনত্ কনজনে যানা-এযানা ন-গরন্। য়েমান পালর ডাগনি আর শুনো ন-যায়। আগাজ পেগ্‌কুনে ধেই যেইয়োন আর এ্যামানুনে যেয়োন্দোই।‍

আবিলেচ্ 4:20

যিবে লগেপ্রভুর বেঈ লোইয়্যে, যিবে আমার জিংকানির বোইয়্যের্, তে তারার ফালত্ ধরা পোজ্যে; মাত্তর্ আমি মনে গোজ্যেদে তা ছাবাত্ জাদ্‌তুনো ভিদিরে আমি বজত্তি গুরিবোং।

আবিলেচ্ 5:12

দাঙর্ পোজিশনর্ কামগুরিয়্যেগুনোর আঢ্‌তানি বানিনে টাঙেই রাগা ওইয়্যে; বুড়ো নেতাগুনোরে সর্মান দেগা ন-অয়।

যিহিষ্কেল 19:14

তার গুড়িগানিত্তুন্ আগুন ছিদি পড়িলো; তার ডেলা আর গুলোগুলিগুন পুড়ি গেলাক্। শাজন্‌গুরিয়্যেবোর রাজলুদিক্ অবার যগাজ্যে কনঅ দরমর ডেলা সিয়েনত্ ন-থেলঅ। “ইবে এক্কো আবিলেচ্ গরানা; দুঘোর্ গান ইজেবে ইবে বেবহার গরা অবঅ।”

যিহিষ্কেল 19:2

সিংহগুনো ভিদিরে তঅ মাবো এলদে সেরা পাড়িসিংহ। তে গাবুজ্যে সিংহগুনো মোধ্যে পড়ি থেদঅ; তা ছঅগুনোরে তে পালেদ।

যিহিষ্কেল 2:10

মঅ মুজুঙোত্ তে সিবে খুলিনে ধুরিলো। সিবের্ দ্বিকিত্তেদি লেগা রোইয়্যেদে আবিলেচ্, চিৎপুরোনা আর দুঘো কধানি।

যিহিষ্কেল 26:17

সেক্কে তারা তঅ পৌইদ্যেনে আবিলেচ্ গুরিনে কবাক্, ও নাঙ্-গোজ্যে শঅরান্, তুই কিবাবোত্যেগুরি ভস্ত ওই গেলে! তঅ মানুচ্চুনে দঅ সাগরত্ আদাউদো গুরিদাক্। সাগরত্ তুই আর তঅ আদাম্মেগুনে খেমতাবলা এলাক্; সাগর পারত্ যিগুনে বজত্তি গুরিদাক্ তারা বেক্কুনে তরে দোরেদাক্।

যিহিষ্কেল 27:2

ও মান্‌‌‌‌‌‌‌‌‌‌‌‌জ্যর্ পুয়োবো, সোরর পৌইদ্যেনে তুই আবিলেচ্ গর্।

যিহিষ্কেল 27:32

তারা তত্তে গুজুরি গুজুরি কানিবাক্ আর চিৎপরা হেবাক্; তরে নিইনে তারা এই আবিলেচ্ গুরিবাক্; “‘সাগর-ঘিজ্যে সোর ধোক্ক্যেন্ গুরি আর কাররে কি জুরো গুরি দিয়্যে ওইয়্যে?

যিহিষ্কেল 28:12

“ও মান্‌‌জ্যর্ পুয়োবো, সোরর রাজা পৌইদ্যেনে তুই আবিলেচ্ গুরি গুরি তারে কঅ, প্রভু লগেপ্রভু কোইয়্যেদে, ‘তুই এলে পুরোপুরি থুদি নেইয়্যে, জ্ঞানে ভরা আর দোল্‌‌লোই পরিপূরোন্।

যিহিষ্কেল 32:16

“‘এই বেক্ কধানি তারা মিসরত্তে দুঘ কধা ফগদাং গুরিনে গেবাক্। নানান্ জাদর্ মিলেগুনেয়ো সিয়েন গেবাক্; তারা মিসর আর তার বেক মানুচ্চুনোত্তে সিয়েন গেবাক্। মুই প্রভু লগেপ্রভু এ কধাগান কঙর্।’”

যিহিষ্কেল 32:18

ও মান্‌‌জ্যর পুয়োবো, মিসর মানুচ্চুনোত্তে আবিলেচ্ গর আর যিগুনে মরণ জাগাত্ লামদন্ তারা লগে তারে আর অন্য খেমতাবলা জাদর্ মানুচ্চুনোরে পিত্‌‌‌থিমীর গভীনোত্ পাধেই দে।

যিহিষ্কেল 32:2

ও মান্‌‌‌জ্যর পুয়োবো, মিসরর রাজা ফরৌণ পৌইদ্যেনে তুই আবিলেচ্ গুরি গুরি তারে কঅ, তুই মনে গুরিদে তুই জাদ ভিদিরেত্তুন্ এক্কো সিংহ ধোক্ক্যেন, মাত্তর্ আজলে তুই গাঙ সংমোধ্যে কুমোর ধোক্ক্যেন্। তুই নিজো গাঙ ভিদিরে লাপালাপি গুরিদে, টেঙোই পানিগান উলোত্-পালত্ গুরিদে আর গাঙ পানিগান কুলুগ্ গুরিদে। ‌

আমোষ 5:1

ও ইস্রায়েলর মানুচ্চুন, তমা বিষয়ানিলোই মুই ইয়েনি যে আবিলেচ্ গরঙর্ সিয়েনি শুনো।