যিহিষ্কেল 18:9 - Chakma Bible

⁹ তে মর্ সুদোম্ মজিম চলে আর বিশ্বেজ্ গুরিনে মর্ সুদোমানি পালায়। এ মানুচ্চো ঘেচ্চেকগুরি গম্; তে হামাক্কায় বাঁজিবো। মুই প্রভু লগেপ্রভু এ কধাগান কঙর্।

যিহিষ্কেল 18:9 ပူးပေါင်းရင်းမြစ်များ

১ রাজাবলী 9:4

আর তুই, তুই যুনি তঅ বাপ্পো দায়ূদো ধোক্ক্যেন্‌ দোল্ মনে, গমেডালে মঅ মুজুঙোত্‌ আদচ্‌ আর মর্‌ বেক্‌ উগুমানি, সুদোমানি আর নিদ্দেশ্‌ছানি পালাচ্‌,

গম্ উপদেজ্ 12:28

ন্যায়র পধেদি জিংকানি থায়, সে পধেদি মরণ নেই।

যিহিষ্কেল 11:12

সেক্কে তুমি হবর্ পেবা যে, মুয়ই লগেপ্রভু। তুমি মর্ সুদোম্ মজিম্ ন-চলঅ বা মর্ রীদি-সুদোমানিয়ো ন-পালঅ বরং তমা চেরোকিত্তে জাদ্‌তুনো সুদোম্ মজিম্ চোল্য।’”

যিহিষ্কেল 18:10

ইক্কিনে মনে গর, সে মানুচ্চোর্ এক্কো অত্যেচারী পুয়ো আঘে। তে লো ঝরায় বা অন্য কনঅ ভান্ন্যেই কাম্ গরে যিয়েনি তা বাবে কনদিন্‌অ ন-গরে। তে মুড়োমুড়ি উগুরে পূজোর্ জাগায়ানিত্ হানা-দানা গরে। তে আদাম মিলেরে বর্‌‌বাত্ লাগায়।

যিহিষ্কেল 18:17

তে নাঢাগুনোরে অত্যেচার ন-গরে আর কনঅ বাবদে সুদ্ ন-নেযায়। তে মর্ সুদোমানি রোক্ষ্যে গরে আর রীদি-সুদোমানি পালায়। তে তা বাবর্ পাপত্তে ন-মুরিবো; তে হামাক্কায় বাঁজিবো।

যিহিষ্কেল 18:19

তো তুমি কত্তে, বাবর্ দুজোত্তে কিত্তে পুয়োবো সাজা ন-পেবঅ? সেই পুয়োবো দঅ ন্যায় আর ঠিগ্ কাম গোজ্যে আর মর্ বেক সুদোমানি যত্তন্ গুরি পালেয়্যে, সেনত্তে তে হামাক্কায় বাঁজিবো।

যিহিষ্কেল 20:11

মুই তারারে মঅ সুদোমান দিলুং আর মর্ রীদি-সুদোমানি তারারে জানেলুং; যে সিয়েনি পালেব তে সিয়েনর্ ভিদিরেদি জিংকানি পেবঅ।

যিহিষ্কেল 20:13

মাত্তর্ ইস্রায়েলর মানুচ্চুনে ধূল্যেচর-চাগালাত্ মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর মর্ যে রীদি-সুদোমানি পালেইলে মানুচ্ জিংকানি পান সিয়েনি তারা এলাফেলা গুরিলাক্; তারা মর্ দিয়্যে জিরেবার দিনুনোর্ পবিত্রতাগান রোক্ষ্যে ন-গুরিলাক্। সেনত্তে মুই কলুং, মুই তারা উগুরে মঅ রাগ্‌‌‌‌‌কান ঢালি দিইনে ধূল্যেচর-চাগালাত্ তারারে ভস্ত গুরি ফেলেম।

যিহিষ্কেল 33:15

অত্তাৎ যুনি তে বন্ধক রাগেয়্যে জিনিস আর চুরো জিনিস ফিরেই দে আর জীবনদায়ী সুদোম্ পালায় আর ভান্ন্যেই কাম ন-গরে সালে তে-ন-মুরিবো, ঘেচ্চেকগুরি বাঁজিবো।

যিহিষ্কেল 36:27

তমা ভিদিরে মুই মর্ আত্মাগান থিদেবর্ গুরিম আর এমন গুরিম যেনে তুমি মর্ বেক সুদোমানি পালঅ। সেক্কে তুমি মর্ রীদি-সুদোমানি মানি চলদে মনযোগি অবা।

যিহিষ্কেল 37:24

“‘মঅ চাগর্ দায়ুদে তারার্ রাজা অবঅ আর তারার্ বেক্কুনোর পালক একজন অবঅ। তারা মর্ রীদি-সুদোম মজিম্ চলিবাক আর মর্ বেক সুদোমানি উজিয়ার্ ওইনে পালেবাক্।

লেবীয় 18:5

মর্‌ সুদোম আর রীদি-সুদোমানি তমাত্তুন্‌ পালন গরা পুরিবো, কিত্তে যে সিয়েনি পালন গুরিবো তে তার্‌ মাধ্যমে জীংকানি পেবঅ। মুই লগেপ্রভু।

আমোষ 5:14

তুমি যেনে বাঁজি থেই পারঅ সেনত্তে গম্ পধেদি যঅ, ভান্ন্যেয় পধেদি নয়; সালে যেবাবোত্যে তুমি কোই থাগঅ সেবাবোত্যে বেগত্তুন্ খেমতাবলা গোজেন লগেপ্রভু ঘেচ্চেকগুরি তমা লগে লগে থেবঅ।

আমোষ 5:24

তাত্তুন্ বরং ন্যায়বিচের্ গাঙ ধোক্ক্যেন আর সততা উমরর্ বেঈ যেইয়্যে গঙার্ পানি ধোক্ক্যেন বেঈ যোক্।

আমোষ 5:4

ইস্রায়েল মানুচ্চুনোরে লগেপ্রভু কোইয়্যেদে, “তুমি মইদু এজঅ, সেক্কে বাঁজিবা।

হবক্‌‌‌‌কূক 2:4

বাড়্‌‌‌‌বো গুরিয়্যে বাবিলান্ গম্ নয়, মাত্তর্ যিবেরে নিদ্দুজি বিলিনে মানি লুয়ো অর্ তে তার বিশ্বেজ্‌‌‌চান্দোই বাঁজি থেবঅ।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

যোহন 14:21

যে মর্ বেক্‌ উগুমানি কোই পারে আর পালন্ গরে তেয়ই মরে কোচ্‌পায়। যে মরে কোচ্‌পায় মঅ বাপ্পো তারে কোচ্ পেবঅ। মুইয়ো তারে কোচ্‌পেম্ আর তা ইধু নিজোরে ফগদাং গুরিম্।

প্রেরিত্‌ 24:16

সেনত্তে মুই গোজেন আর মান্‌জ্য ইধু আমিযে মর্ বিবেগরে সাব্ রাগেবার চেষ্টা গরং।

রোমীয় 1:17

গোজেনে কেধোক্ক্যেন্ গুরি মান্‌জ্যরে নিদ্দুজি বিলিনে মানি লয় সে কধাগান্ এ গম্ হবর্ ভিদিরে ফগদাং গরা ওইয়্যে। পৌইল্যাত্তুন্ ধুরি থুম্ সং বানা বিশ্বেজর্ মাধ্যমে মান্‌জ্যরে নিদ্দুজি বিলিনে মানি লুয়ো অয়। পবিত্র বোইবোত্ লেগা আঘে, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।”

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

দ্বি’লম্বর বিররণ 11:1

তমার গোজেন লগেপ্রভুরে কোচ্‌পেবা আর তে যিয়েন্‌ চায় সিয়েন্‌ গুরিবা আর তার্‌ সুদোমানি, হুকুমানি আর উগুমানি আমিঝে পালন গুরিবা।

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।

দ্বি’লম্বর বিররণ 6:25

আমি যুনি আমা গোজেন লগেপ্রভুর মুজুঙোত্‌ তার্‌ উগুম মঝিম এ রীদি-সুদোমানি মানি চলিবাত্তে মনান্‌ দিই সালে সিয়েনোই অবঅ আমা পক্ষেন্দি তার্‌ আওজ্ মজিম্ চলানা।

১ যোহন 2:29

তুমি যুনি কোই পারঅ, তে কনদিন্অ অন্যেয় ন-গরে মাত্তর্ ইয়েন হবর্ পেইয়ো-যিগুনে ন্যায় কামত্ নিজোরে কামত্ লাগান, গোজেনত্তুন্ তারার্ জর্ম ওইয়্যে।

১ যোহন 3:7

পুয়ো-ছাগুন, কেঅ যেন তমারে ভান্ন্যেই পধেদি ন-নেযান। খ্রীষ্ট অন্যেয় ন-গরে, আর যে কেঅ নিজোরে ন্যায় কামত্ রাগান তেয়ো অন্যেয় ন-গরে।