যিহিষ্কেল 18:7 - Chakma Bible

⁷ তে কাররে অত্যেচার্ ন-গরে বরং সুদি টেঙা লোইয়্যে মান্‌জ্যরে বন্ধগী জিনিস ফিরেই দে। তে চুর্ ন-গরে, মাত্তর্ যিগুনোর পেট্ পুরের্ তারারে হেবাত্তে দে আর লাংটা-বাংটা গুনোরে কাবড় দে।

যিহিষ্কেল 18:7 ပူးပေါင်းရင်းမြစ်များ

নহিমিয় 5:10

মানুচ্চুনোর ইত্তুন্‌ মর্‌, মর্‌ ভেইয়ূনোর্‌ আর মর্‌ কামগুরিয়্যেগুনোর্‌অ টেঙা আর ধান পেবার্‌ আঘে। মাত্তর্‌ এজঅ, আমি ইগুন্‌ বেক্কুন্‌ মাফ্‌ গুরি দিই।

ইয়োব 22:6

তুই এনেবাদে তঅ ভেইয়ুনোত্তুন্‌ বন্ধক্‌ নেযেদে; তুই মানুচ্চুনোর্‌ কাবড়ানি খুলি নেযেইনে তারারে লাংটা-ভাংটা রাগেইদে।

ইয়োব 24:3

তারা বাপ-মা নেইয়্যেগুনোর গাধাগুন নেযান্ আর রানিমিলেগুনোর গোরুগুন বন্ধক্ রাগান।

ইয়োব 24:9

বাপনেইয়্যে চিজিবোরে সেই শদানুনে মা বুগোত্তুন্ কাড়ি নেযান্ আর কজ্জত্যে নাঢা মানুচ্চুনোর পুঅগুনোরে বন্ধক্ রাগান।

গীতসংহিতা 112:4

যে মনেদি দোল্ তাত্তে আন্ধারত্‌অ পহর্ দেগে, কিত্তে তে দোয়্যে-মেয়্যেলোই ভরা আর গম।

গীতসংহিতা 112:9

তে গম মনে নাদা মানুচ্চুনোরে দান গোজ্যে; তার গম কামানি উমরত্যে থিদেবর্ গোজ্যে। তার খেমতা আর সর্মানান বাড়িবো।

গীতসংহিতা 41:1

বর্‌পেইয়্যে সেই মানুচ্চো, যিবের মনানে নাঢা মানুচ্চুনোত্তে চিদে গরে; দুঘোর্ দিনোত্ লগেপ্রভু তারে উদ্ধোর্ গরে।

যাত্রা 22:25

মর্‌ কনঅ‌ নাদা মান্‌জ্যরে যুনি তুই‌ টেঙা উদোর্‌ দুয়োচ্‌ সালে তাগোয়্যে মান্‌জ্য ধোক্ক্যেন গুরি তাত্তুন্‌ কনঅ‌ সুদ ন-নেযেচ্।

যাত্রা 22:26

যুনি তুই কারর্‌ কিয়্যে কাবড়্‌ বন্ধক্‌ রাগাচ্‌ সালে বেলান্‌ ডুবিবার আগেদি সিয়েন্‌ ফিরেই দিয়্যে পুরিবো।

যাত্রা 23:9

পর্‌ভাস্যেগুনো উগুরে অত্যেচার্‌ ন-গোজ্য। পর্‌ভাস্যে অনা যে কেধোক্ক্যেন সিয়েন্‌ তুমি নিজেই হবর্‌ পঅ‌, কিত্তে মিশর্‌ দেজত্‌ তুমিয়ো একদিন পর্‌ভাস্যে এলা।

গম্ উপদেজ্ 14:31

যিবে নাঢা মান্‌‌‌জ্য উগুরে অত্যেচার গরে তে তার সিরিষ্টি গুরিয়্যেবোরে অগমান গরে, মাত্তর্ যে মানুচ্চো অভাবীগুনোরে দোয়্যে গরে তে তার সিরিষ্টি গুরিয়্যেবোরে সর্মান গরে।

গম্ উপদেজ্ 28:27

যে মানুচ্চো নাঢা মান্‌‌জ্যরে দান গরে তার অভাব ন-অয়, মাত্তর্ যে তারারে দেগিনেয়ো ন-দেগেত্তে দগ্ থায় তে বোউত অভিশাব্ কুড়োয়।

গম্ উপদেজ্ 28:8

যে কনঅ বাবোত্যে সুদি টেঙালোই যে মানুচ্চো তার ধনান্ বাড়ায়, তে সিগুন এমন একজনত্তে তুবোই যে নাঢাগুনো উগুরে দোয়্যেলু।

গম্ উপদেজ্ 3:31

কনঅ অত্যেচারি মান্‌জ্যরে দেগিনে ইংসেই ন-জুলিচ্, বা তার কনঅ পধ্‌অ তুই বেঈ ন-নেযেচ্;

যিশাইয় 1:17

তুমি গম্ কাম গুরিবাত্তে শিগো, দোল্ বিচের গরঅ, অত্যেচার্ গুরিয়্যেগুনোরে ঠিগ্ গরঅ, মা-বাপ নেইয়্যেগুনোর্ তপ্পেদি থাগঅ, রানি মিলেগুনোর মগদ্দমাগানি উদো লঅ।”

যিশাইয় 33:15

তেয়ই বজত্তি গুরি পারে, যে মানুচ্চো গমেডালে আঢাউদো গরে আর যিয়েন ঠিগ্ সিয়েন কয়, যে মানুচ্চো জুলুম গুরিনে লাভ্ পানাগান ঘিনাই আর ঘুষ্ নেযানাত্তুন্ আঢ্‌তান সোরেই রাগায়, যে মানুচ্চো খুনোর্ কুজুরোমির্ কধা শুনোনাত্তুন্ কানানি নাঢি রাগায় আর বজং কাম গরদে দেগানাত্তুন্ চোগ্‌‌‌‌‌কুন নাঢি রাগায়। ‌‌

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

যিরমিয় 22:3

লগেপ্রভু কোইয়্যেদে, ‘যিয়েন ন্যায্য আর ঠিগ্ তুমি সিয়েনই গরঅ। যিবেরে লুদো ওইয়্যে তারে তা অত্যেচারিগুনোর আঢত্তুন উদ্ধোর গরঅ। বিদেশী, মা-বাপ নেইয়্যে আর রানিমিলেগুনো উগুরে কনঅ অন্যেয় বা অত্যেচার ন-গোজ্য আর এ জাগাত্ নিদ্দুযির্ লো ন-ঝোরেয়ো।

যিহিষ্কেল 16:49

তর্ বোন্নো সদোমর পাপ্পানি ইয়েনি-তে আর তা ঝিগুনে এলাক্ বাড়্‌বো, কিত্যে তারার্ বোউত্ হানা এলঅ আর তারা গমেডালে বজত্তি গুরিদাক্, মাত্তর্ তারা নাঢা আর অভাবীগুনোরে সাহায্য ন-গুরিদাক্।

যিহিষ্কেল 18:12

তে নাঢা আর অভাবীগুনোরে অত্যেচার গরে। তে চুর্ গরে আর বন্ধগী জিনিস্‌‌চানি ফিরেই ন-দে। তে মূত্তিপূজো গরে আর জঘন্য কাম্ গরে।

যিহিষ্কেল 18:18

মাত্তর্ তা বাবে তা নিজোর্ পাপত্তে মুরিবো, কিত্তে তে জোর্ গুরি টেঙা আদায় গুরিদো, ভেইয়ুনো জিনিসচানি চুর্ গুরিদো আর তা মানুচ্চুনো ভিদিরে অন্যেয় কাম গুরিদো।

যিহিষ্কেল 33:15

অত্তাৎ যুনি তে বন্ধক রাগেয়্যে জিনিস আর চুরো জিনিস ফিরেই দে আর জীবনদায়ী সুদোম্ পালায় আর ভান্ন্যেই কাম ন-গরে সালে তে-ন-মুরিবো, ঘেচ্চেকগুরি বাঁজিবো।

যিহিষ্কেল 7:23

“শিগোল্ ঠিগ্ গরা আঘে, কিত্যে দেজ্‌‌চান লো ঝোড়েয়্যেলোই আর শঅরান্ অত্যেচারে ভুরি যেইয়্যে।

দানিয়েল 4:27

সেনত্তে ও মহারাজ, তুই মঅ সল্লাগান ধর্। তুই ন্যায় কাম্ গুরিনে আর নাঢাগুনো উগুরে দোয়্যেলু ওইনে তর্ পাপ আর অন্যেয়ানি ছাড়ি দে। সালে অয়ত তর্ গম্ অবস্থা থির্ থেবঅ।”

লেবীয় 19:13

কনঅ মান্‌জ্য উগুরে অন্যেয় গুরি সুবিধা আদায়্‌ গরানা বা জোর্‌ গুরি তার জিনিস্‌চান্‌ নেযানা ন-চলিবো। কামগুরিয়েগুনোর দিনোর্‌ পাওনা দিনেই দিয়া পুরিবো; সিগুন্‌ বেন্যেমাদান্ সং আক্‌সো রাগানা ন-চলিবো।

লেবীয় 19:15

অন্যেয় গুরি বিচের্‌ গরানা ন-চলিবো। বিচেরত্‌ চিগোন-দাঙর্‌ কারঅ‌ পক্ষ নেযানা ন-চলিবো; তুমি বেক্কুনো উগুরে দোল্‌বিচের্‌ গুরিবা।

লেবীয় 25:14

তুমি নিজো ভিদিরে ভূই বেজা-কিনে গুরিবার সময়োত্‌ কারঅ‌ উগুরে অন্যেয় ন-গোজ্য।

আমোষ 2:6

লগেপ্রভু কত্তে, ইস্রায়েলর তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম। তা মানুচ্চুনে টেঙা-পোজেত্যে গম্ মানুচ্চুনোরে আর টেঙর্ এক জড়া জদাত্তে নাঢাগুনোরে বেজন্।

আমোষ 2:8

তারা পত্তি পূজো ইধু বন্ধক নেযেয়্যে পোজাগ উগুরে ঘুম যান। তারার্ উবোসনা-ঘরত্ তারা জরিমানার টেঙালোই কিন্যে আংগুর-রস হান্।

আমোষ 3:10

প্রভু লগেপ্রভু কত্তে, “তারা ঠিগ্ কাম গুরিবাত্তে ন-জানন্; তারা ঘরানি ভিদিরে তারা অত্যেচারর্ আর লুদেয়্যে মাল থুবেই রাগেয়োন। সেনত্তে একজন শত্রু তারার্ দেজ্‌‌চান ঘিরিবো; তে তারার্ দরমর রোক্ষ্যে গরেদে পথ্‌‌তানি ভস্ত গুরিবো আর ঘরানি লুদেব।”

আমোষ 6:3

তুমি মনে গরত্তে যে, তুমি দযার্ দিন্নোরে দূরোত্ সোরেই দুয়োর্, মাত্তর্ আজলে তুমি সন্ত্রাজর্ রাজাগিরি চালর্।

মীখা 2:1

অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

মীখা 3:2

তুমি দঅ গম্ কামানিরে ঈচ্ গুরিনে ভান্ন্যেই কামানিরে গম্‌‌‌‌‌পঅ; তুমি মঅ মানুচ্চুনোর কিয়্যেনিত্তুন্ চামাড়া আর আড়ত্তুন্ য়েরানি সোরেই নেযর্;

সফনিয় 1:9

যিগুনে ফাল্যেনে চৌকাঠ পার্ অন আর অত্যেচার আহ্ ছলনালোই তারার্ দেবেদাগুনোর্ ঘরানি ফেলেং ফেলেং গরন্ সেদিন্যে মুই তারারে সাজা দিম।”

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

লূকে লেখ্যে গম্ হবর্ 3:11

যোহনে তারারে কলঅ, “যুনি কারর্ দ্বিবে সিলুম্ থায় সালে যার্ সিলুম্ নেই তে তারে এক্কো দোক্। যার্ হানা আঘে তেয়ো সেবাবোত্যে গোরোক্।”

দ্বি’লম্বর বিররণ 24:17

বিদেশী বাসিন্দা বা অসহায় উগুরে অন্যেয় বিচের অবাত্তে ন-দুয়ো। কনঅ রানিমিলেত্তুন বন্ধক ইজেবে তার্‌ কিয়্যের্‌ কাবড়ান্ ন-নেযেয়ো।