যিহিষ্কেল 18:6 - Chakma Bible

⁶ তে মুড়োমুড়ি উগুরে কনঅ পূজোর্ জাগানত্ হানা-দানা ন-গরে, বা ইস্রায়েলীয়গুনোর কনঅ মূত্তি পূজো ন-গরে। তে আদামর্ কনঅ মিলেরে বর্‌‍‌বাত ন-গরে, বা মাসিক অর্ এবাবোত্যে মিলে লগে ন-মিজেই।

যিহিষ্কেল 18:6 ပူးပေါင်းရင်းမြစ်များ

গীতসংহিতা 121:1

মুই সেই মুড়োবো ইন্দি রিনি চেম্; কুত্তুন্ মর্ এজাল্ এবঅ?

যাত্রা 34:15

যিগুনে সেই দেজত্‌ বজত্তি গত্তন্‌ তারা লগে কনঅ‌ চুক্তি ন-গুরিবা, কিত্তে তারা যেক্কে ভান্ন্যেই মনভাব্‌পোই তারার্‌ দেবেদা পূজোত্‌ নিজোরে তুলি দিবাক্‌ আর সিগুনোর্‌ নাঙে য়েমান্‌ ডালি দিবাক্‌ সেক্কে তারা তমারে বাত্যেবাক্‌ আর তুমি তারার্‌ ডালি দিয়্যে য়েরানি হেবা।

গম্ উপদেজ্ 6:29

যে মানুচ্চো অন্য মোগো ইদু যায় তা দজাগান্ এবাবোত্যে অয়; যে সেই মিলেবোরে ধরে তাত্তুন্ সাজা পাহ্ পড়িবো।

যিহিষ্কেল 18:15

তে মুড়ো উগুরে পূজোর্ জাগায়ানিত্ হানা-দানা ন-গরে বা ইস্রায়েলীয়গুনোর মূত্তিত্ পূজো ন-গরে। তে তার আদাম্মে মিলেরে বর্‌‌‌বাত্ ন-লাগায় বা কাররে অত্যেচার ন-গরে। তে সুদি টেঙালোই কনঅ কিজু বন্ধগ্ ন-নেযায়। তে চুর্ ন-গরে বরং যিবের্ পেট পুরের্ তারে হানা দিয়্যে আর লাংটা-বাংটাগুনোরে কাবড় দিয়্যে।

যিহিষ্কেল 18:5

ধোজ্য এক্কো গম্ মান্‌জ্যে ন্যায় আর ঠিগ্ কাম গরে।‍‌

যিহিষ্কেল 20:24

কিত্তে তারা মর্ রীদি-সুদোমানি ন-পালান, মর্ সুদোমানি এলাফেলা গোজ্যন্, মর্ দিয়্যে জিরেবার দিনুনোর পবিত্রতাগান রোক্ষ্যে ন-গরন, আর তারার পুরোণি মানুচ্চুনোর মূত্তিগুন তারা ইধু গম্ লাক্যে।

যিহিষ্কেল 20:28

যে দেজ্‌‌‌চান দিবার শমক্ মুই তারা ইধু গোজ্যং সিদু নেযানার পরেদি যেক্কে তারা কনঅ অজল্ মুড়ো বা ডেলা ছিদি পোজ্যে য়েল্ গাজ দেগিলাক্ সিয়েনত্ তারা তারার এ্যামানুন উৎসর্ব গরা ধুরিলাক্। সেই উৎসর্বর অনুষ্ঠানান্ গুরিনে তারা মর্ অহুজি অনাগান জাগেই তুলিলাক্। ইয়েনি বাদেয়ো তারা সিয়েনত্ তারার তুম্বাজ্-আগর্‌বাট্টি জ্বালেলাক্ আর পানীয় উৎসর্বর অনুষ্ঠানান্ গুরিলাক্।

যিহিষ্কেল 20:7

মুই তারারে কোইয়োং, যিদুক্কুন জঘন্য মূত্তি তারার ইধু গম্ লাক্যে সিগুন যেন তারা পত্তিজনে দূর গুরি দুয়োন আরঅ মিসরর মূত্তিগুন দিইনে নিজোরে অসিজি ন-গরন, কিত্তে মুয়ই তারার গোজেন লগেপ্রভু।

যিহিষ্কেল 6:13

ইস্রায়েলীয়গুনে তারার্ পূজোর্ চেরোকিত্তে মূত্তিগুনো ভিদিরে, বেক্ দাঙর্ দাঙর্ মুড়োগুন উগুরে, ডেলা ছিদি পোজ্যে পত্তি গাজর্ তলে আর পাদালোই ভরা পত্তি এলোন গাজর্ তলাত্, অত্তাৎ যেদক্কানি জাগাত্ তারার্ মূত্তিগুনোর নাঙে তারা তুম্বাজ্ আগর্‌বাট্টি উৎসর্ব গুরিদাক্ সেই বেক্ জাগানিত্ মুরিনে পড়ি থেবাক্। সেক্কে বাঁজি থেইয়্যে মানুচ্চুনে হবর্ পেবাক্ যে, মুয়ই লগেপ্রভু।

লেবীয় 20:10

যুনি কনজনে তার্‌ পাড়াল্যে মোগো সমারে, অত্তাৎ অন্য কনঅ মান্‌জ্যর্‌ মোগো সমারে সিনেলী গরে সালে বেভিচারী আর বেভিচারিনী দ্বিজনরেই মারে ফেলা পুরিবো।

লেবীয় 20:18

কনঅ মিলেমান্‌জ্যর্‌ মাসকাবরর্‌ সময়োত্‌ যে মানুচ্চো তা সমারে কিয়্যেদি মিজেই তে সেই মিলেমানুচ্চোর্‌ লো-স্রাবর্‌ মান্‌ ন-দিলো আর সেই মিলেবো নিজেয়ো তার্‌ মর্যাদা ন-রাগায়। দ্বিজনরে তারার্‌ জাদত্তুন্‌ তুলি ফেলা পুরিবো।

গণাণা 25:2

এই বেক্‌ মিলেগুনে তারার্‌ দেব-দেবেদাগুনোর নাঙে য়েমানডালির্ উৎসবত্‌ ইস্রায়েলীয়গুনোরে বাত্যেয়োন, আর ইস্রায়েলীয়গুনেয়ো তারা লগে খানা-দানা গুরিনে সেই বেক্‌ দেবেদাগুনোরে পূজো গুরিলাক্।

মথি লেখ্যে গম্ হবর্ 5:28

মাত্তর্ মুই তমারে কঙর্, যে কনজনে কনঅ মিলে ইন্দি অন্য চোগেদি রিনি চায় তে সেক্কে মনে মনে তা সমারে সিনেলী গুরিলো।”

১ করিন্হীয় 10:20

সিয়েন নয়, বরং মুই কঙর্, অযিহূদীগুনে যিয়েনি উৎসর্ব গরন্ সিয়েনি গোজেন ইধু ন-গরন্, ভান্ন্যেই আত্মাগুনো ইধু গরন্। মুই ন-চাং, ভান্ন্যেই আত্মাগুনো সমারে তমার কনঅ উদো-বসা থায়।

দ্বি’লম্বর বিররণ 4:19

আগাজ মোক্কে রিনি চেইনে বেলান্‌, চাঁন্নো আর তারাগুন, এক্কু কধায় আগাজত্‌ সাজেই রাগেয়্যে বেক্‌ পহর্‌ দিয়্যেগুন্‌ যেক্কে তমার চোগোত্‌ পুরিবো সেক্কে পিত্‌থিমীর বেক্‌ জাদ্‌তুনোরে দিয়্যে তমা গোজেন লগেপ্রভুর্‌ এ বেক্‌ জিনিস্‌ছানিরে সালাম আর পূজো গুরিনে তুমি ভান্ন্যেই পদথ্‌ ন-যেয়ো।

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।