যিহিষ্কেল 18:24 - Chakma Bible

²⁴ মাত্তর্ যুনি এক্কো গম্ মানুচ্ তা সততাত্তুন্ ফিরিনে পাপ গরে আর পাজি মান্‌‌জ্য ধোক্ক্যেন জঘন্য কাম গরে সালে তে কি বাঁজিবো? তার কনঅ গম্ কাম সেক্কে মুই মনে ন-গুরিম। তার কনঅ গম্ কামানি সেক্কে মুই মনে ন-গুরিম। তার অবিশ্বেজ্ আর পাপত্তে তে মুরিবো।

যিহিষ্কেল 18:24 ပူးပေါင်းရင်းမြစ်များ

২ বংশধর 24:2

ধর্মগুরু যিহোয়াদার পূরো জিংকানিগানত্‌ যোয়াশে লগেপ্রভুর চোগেন্দি যিয়েনি দোল্‌ সিয়েনি গুরিদো।

গীতসংহিতা 125:5

মাত্তর্ যিগুনে নিজোর বানেয়্যে বেঙা পধেদি উজুদো হাদে হাদে আঢন্ লগেপ্রভু অন্যেয়গুরিয়্যেগুনো সমারে তারারে দূর্ গুরি দিবো। ইস্রায়েলীয়গুনো উগুরে সুগ-শান্দি এজোক্!

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

গম্ উপদেজ্ 21:16

যে মানুচ্চো বুদ্ধিবলা পথ্‌তান ছাড়িনে অন্য কিত্তেদি যায় তে মরাগুনো লগে থেবঅ।

যিরমিয় 34:16

মাত্তর্ ইক্কিনে তুমি ঘুরি যেইয়ো আর মরে অসর্মান গোজ্য; তুমি যিদুক্কুন চাগর্ আর চাগরানিরে তারার আওজ্ মজিম যেবাত্তে উদ্ধোর্ গুরি দুয়ো তুমি পত্তিজনে তারারে আরঅ ফিরেই আনিনে চাগর্-চাগরানি বানেয়ো।

যিহিষ্কেল 17:20

মুই তাত্তে মঅ জালান্ পাদিম্ আর তে মঅ ফালত্ ধরা পড়িবো। তে মঅ উগুরে অবিশ্বেজি ওইয়্যে বিলিনে মুই তারে বাবিলোত্ নেযেম আর সিদু তারে সাজা দিম।

যিহিষ্কেল 18:18

মাত্তর্ তা বাবে তা নিজোর্ পাপত্তে মুরিবো, কিত্তে তে জোর্ গুরি টেঙা আদায় গুরিদো, ভেইয়ুনো জিনিসচানি চুর্ গুরিদো আর তা মানুচ্চুনো ভিদিরে অন্যেয় কাম গুরিদো।

যিহিষ্কেল 18:22

তে যেদক্কানি অন্যেয় গোজ্যে সিয়েনি মুই আর মনত্ ন-রাগেম। তে যেদক্কানি গম্ কাম গোজ্যে সিয়েনিত্তে তে বাঁজিবো।

যিহিষ্কেল 18:26

যুনি এক্কো গম্ মানুচ্ তা সততাত্তুন্ ফিরিনে পাপ গরে আর মরে, সালে তে তার্ পাপত্তে মুরিবো।

যিহিষ্কেল 20:27

“সেনত্তে ও মান্‌‌জ্যর পুয়োবো, তুই ইস্রায়েলীয়গুনোরে কঅ, প্রভু লগেপ্রভু কোইয়্যেদে, ‘তমা পুরোণি মানুচ্চুনে অবিশ্বেজর্ কাম গুরিনে মরে অগমান গোজ্যন্।

যিহিষ্কেল 33:18

এক্কো গম্ মান্‌‌‌‌‌‌জ্যে যুনি তার সততাগানত্তুন্ ফিরিনে ভান্ন্যেই কাম গরে সালে সিয়েনত্তে তে মুরিবো।

যিহিষ্কেল 33:6

মাত্তর্ ধোজ্য, সেই চুগিদার্‌‌‌‌‌‌‌‌বো সৈন্যদলুন্ এত্তে দেগিনেয়ো মানুচ্চুনোরে উজিয়ার গুরিবাত্তে তূরী ন-বাজেল। সে পরেদি সৈন্যগুনে এইনে কনঅ এক্কোরে মারে ফেলেলাক্। সালে বুঝো পুরিবো সেই মানুচ্চো তার নিজোর পাপত্তে মুরি গেলঅ, মাত্তর্ তার মরণত্তে মুই সেই চুগিদার্‌‌‌‌‌‌‌‌‌বোরে দায়ী গুরিম।

সফনিয় 1:6

যিগুনে লগেপ্রভুর পিজেদি চলানাত্তুন্ ফিরি যেইয়োন আর তার্ আওজ্ মজিম ন-চলন্ আহ্ তার্ আওজ্‌চান জানিবাত্তেয়ো ন-চান তারারে মুই শেজ্ গুরি দিম।”

মার্ক 13:13

মত্তে বেক্কুনে তমারে ঘিনেবাক্, মাত্তর্ যে থুম্ সং থির্ থেবঅ তে উদ্ধোর্ পেবঅ।

যোহন 8:21

যীশু আরঅ ফরীশীগুনোরে কলঅ, “মুই যাঙর্। তুমি মরে তোগেবা, মাত্তর্ তুমি তমা পাপে মুরিবা। মুই যিধু যাঙর্ তুমি সিধু এই ন-পারিবা।”

যোহন 8:24

সেনত্তে মুই তমারে কঙর্, তুমি তমার্ পাপে মুরিবা। যুনি তুমি বিশ্বেজ্ ন-গরঅ যে, মুয়ই সিবে, সালে তুমি তমা পাপে মুরিবা।”

গালাতীয় 3:3

তুমি কি এদক্ অবুঝ? পবিত্র আত্মার্ মাধ্যমে নুয়ো জিংকানি আরাম্ভ গুরিনে কি ইক্কিনে নিজো চেষ্টায় পূর্ণতাগান্ লাভ গুরিবাত্যে যর্?

গালাতীয় 3:4

তুমি কি মিজে মিজে এদক্ দুঘ্ ভুগোর্? মুই আজা গরং তমার্ সেই দুঘ্ ভুগোনা অনত্তক্ ন-অয়।

গালাতীয় 5:7

তুমি দঅ ভারী গমেডালে চোল্ল্য; মাত্তর্ সত্যর্ বাধ্য অদে কন্না তমারে মানা গুরিলো?

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

২ যোহন 1:8

তুমি সজাক্ থাগঅ, যেনে তমার কামর্ ফল ন-আরেইনে তুমি বক্‌শিজোর্ বেক্কান পেই পারঅ।

যিহূদা 1:12

এ মানুচ্চুনে যেক্কে দুঘ্ সাহচ্‌‌সোই তমার কোচ্‌পানার-হানাত মিলোন্ সেক্কে তমার সেই হানা ভিদিরে তারা কাজর ধোক্ক্যেন অন্। ইগুনে বানা নিজো পৌইদ্যেনে চিন্তে গরন্। ইগুনে বৈয়্যেরত্ ভাজেই নেযেইয়্যে পানি-নেইয়্যে মেঘ ধোক্ক্যেন। গুলোগুলি পাড়িবার অক্তত্ গুলোগুলি নেই বিলিনে শিঙোর্ সুদ্ধো উগুরেই ফেল্ল্যে গাজ ধোক্ক্যেন ইগুনে দ্বি'কিত্যেদি মরা।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।

ফগদাং পেইয়্যে 3:11

মুই সবরে এজঙর্। তর্ যিয়েনি আঘে সিয়েনি দরমর গুরি ধুরি থঅ, যেন কেঅ তর্ জিদেনার্ বক্‌শিজ্‌চান কাড়ি ন-লয়।

১ শমূয়েল 15:11

“শৌলরে রাজা বানানা মর্‌ দুঘোর্ বেপার্ ওইয়্যে, কিত্যে তে মত্তুন্‌ সুরি যেয়েগোই আর মর্‌ উগুমান অমান্য গোজ্যে।” এই কধাগান শুনিনে শমুয়েলে তাদি উদিলো আর পুরো রেত্তো তে লগেপ্রভুর ইদু কানাকুদি গরা ধুরিলো।