যিহিষ্কেল 18:22 - Chakma Bible

²² তে যেদক্কানি অন্যেয় গোজ্যে সিয়েনি মুই আর মনত্ ন-রাগেম। তে যেদক্কানি গম্ কাম গোজ্যে সিয়েনিত্তে তে বাঁজিবো।

যিহিষ্কেল 18:22 ပူးပေါင်းရင်းမြစ်များ

১ রাজাবলী 17:18

মিলেবো সেক্কে এলিয়রে কলঅ, “ও গোজেনর্ মানুচ্‌, মুই তর্‌ কি ক্ষতি গোজ্যং? তুই কি মরে মর্‌ পাপর্‌ কধাগান্‌ মনে গুরি দিবাত্তে আর মর্‌ পূঅবোরে মারে ফেলেবাত্তে এচ্ছোস্‌?”

২ বংশধর 6:23

সালে তুই স্বর্গত্তুন্‌ সে কধানি শুনিজ্‌ আর সেধোক্ক্যেন গুরিনে কাম্‌ গুরিচ্‌। সেক্কে তঅ চাগরুনোরে তুই বিচের্‌ গুরিনে দুষচান কামর্‌ ফলান্‌ তারে চাপি দিইনে তারে দুযি বিলিনে প্রমান গুরিচ্‌ আর নিদ্দুজিবোরে তার্‌ কাম্‌ মজিম ফল দিইনে তারে নিদ্দুযি বিলিনে প্রমান গুরিচ্‌।

গীতসংহিতা 103:12

পোজিমেত্তুন্ ধুরি পূগেন্দি যেত্তমান্ দূরোত্, আমা বেক পাপ্পানি তে সেত্তমান্ দূরোত্ সোরেই দিয়্যে।

গীতসংহিতা 19:11

সিয়েনে তর্ চাগর্‌বোরে উজিয়ার গরে, আর সিয়েনি পালন গুরিলে লাভবান অয়।

গীতসংহিতা 25:7

মর্ গাবুরো অক্তত্ পাপ্পানি আর তর্ বিরুদ্ধে উল্লোমির কধানি তুই মনত্ ন-রাগেচ্; তর্ ন-পুরেইয়্যে কোচ্‌‌পানালোই তুই মরে মনত্ রাগেচ্, কিয়া ও লগেপ্রভু, তুই মংগলময়।

গীতসংহিতা 51:1

ও গোজেন, তর্ অমকদ কোচ্‌পানাত্তে মঅ উগুরে দোয়্যে গর্; তর্ অমকদ দোয়্যে-মেয়্যেত্তে‌ তঅ উগুরে মর্ বেক্ উল্লোমিগানি ক্ষেমা গর্;

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যিরমিয় 50:20

সে অক্তত্ ইস্রায়েলর ভান্ন্যেয়র কামানি তগা অবঅ মাত্তর্ এক্কান ন-থেবঅ, যিহূদার পাব্‌‌‌‌‌পানি তগা অবঅ মাত্তর্ মাত্তর্ এক্কান্‌অ পাহ্ ন-যেবঅ, কিত্তে মুই যিগুনোরে বাঁজেই রাগেম্ তারারে মুই খেমা গুরিম।

যিহিষ্কেল 18:24

মাত্তর্ যুনি এক্কো গম্ মানুচ্ তা সততাত্তুন্ ফিরিনে পাপ গরে আর পাজি মান্‌‌জ্য ধোক্ক্যেন জঘন্য কাম গরে সালে তে কি বাঁজিবো? তার কনঅ গম্ কাম সেক্কে মুই মনে ন-গুরিম। তার কনঅ গম্ কামানি সেক্কে মুই মনে ন-গুরিম। তার অবিশ্বেজ্ আর পাপত্তে তে মুরিবো।

যিহিষ্কেল 33:16

তে যেদক্কানি পাপ গোজ্যে সিয়েনর্ কনগান তা বিরুদ্ধে ইদোত্ রাগা ন-অবঅ। তে ন্যায় আর ঠিগ্ কাম গোজ্যে বিলিনে তে ঘেচ্চেকগুরি বাঁজিবো।

মীখা 7:19

তুই আরঅ আমা উগুরে মেয়্যে গুরিবে; তুই আমা বেক্ পাপ্‌পানি টেঙোই উড়িবে আর আমা বেক্ অন্যেয়ানি সাগর গভীন পানিত্ ফেলেই দিবে।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

ইব্রীয় 8:12

সেনত্যে মুই তারার্ অন্যেয়ানি ক্ষেমা গুরিম, তারার্ পাপ্‌‌পানি আর কনদিনঅ মনত্ ন-রাগেম।”

১ যোহন 3:7

পুয়ো-ছাগুন, কেঅ যেন তমারে ভান্ন্যেই পধেদি ন-নেযান। খ্রীষ্ট অন্যেয় ন-গরে, আর যে কেঅ নিজোরে ন্যায় কামত্ রাগান তেয়ো অন্যেয় ন-গরে।