যিহিষ্কেল 18:21 - Chakma Bible

²¹ মাত্তর্ যুনি এক্কো পাজি মানুচ্ তার বেক পাপ্পানিত্তুন্ ফিরিনে মর্ বেক সুদোমানি পালায় আর ন্যায় আর ঠিগ্ কাম গরন সালে হামাক্কায় বাঁজিবো, ন-মুরিবো।

যিহিষ্কেল 18:21 ပူးပေါင်းရင်းမြစ်များ

পত্থম 26:5

কিত্তে অব্রাহামে মর্‌ বাধ্য থেইনে মর্‌ বেক্‌ দাবিগানি, সুদোমানি আর উগুমানি পালেয়্যে।”

গীতসংহিতা 119:1

বর্ পেইয়্যে সেই মানুচ্চুন, যিগুনে দোল্ জিংকানি কাদান্ আর লগেপ্রভুর উগুম্ মজিম চলন্।

গীতসংহিতা 119:112

নিত্য, এন্ কি, থুম্ সং তঅ সুদোমানি পালেবাত্তে মঅ মনান্ মুই থির্ গোজ্যং।

গীতসংহিতা 119:80

তর্ সুদোমানি পালাদে মর্ মনান যেন গম্ থায়, যেনে মুই লাজত্ ন-পড়ং।

গম্ উপদেজ্ 28:13

যে মানুচ্চো নিজোর পাপ গুমুরোত্ রাগায় তার ভালেদি ন-অয়, মাত্তর্ যে সিয়েনি স্বিগের্ গুরিনে ছাড়ি দে তে দোয়্যে পায়।

যিরমিয় 26:3

অয়ত তারা শুনিবাক্ আর পত্তিজনে তারার ভান্ন্যেই পধত্তুন ফিরি এবাক্। সালেন্ তারার ভান্ন্যেই কামানিত্তে মুই তারা উগুরে যে দজাগান্ আনিবার পরিকল্পনা গোজ্যং সিয়েন আর ন-আনিম।

যিহিষ্কেল 13:22

যে গম্ মানুচ্চুনোরে মুই দুঘ্ ন-দুয়োং, মিজে কধা কোইনে তুমি তারারে আশানেইয়্যে ন গোজ্য আর পাজি মানুচ্চুনোরে তুমি উচ্চোমি দুয়ো যেনে তারা পরাণানি বাজেবাত্তে ভান্ন্যেই পধত্তুন্ ন-ফিরোন্।

যিহিষ্কেল 18:17

তে নাঢাগুনোরে অত্যেচার ন-গরে আর কনঅ বাবদে সুদ্ ন-নেযায়। তে মর্ সুদোমানি রোক্ষ্যে গরে আর রীদি-সুদোমানি পালায়। তে তা বাবর্ পাপত্তে ন-মুরিবো; তে হামাক্কায় বাঁজিবো।

যিহিষ্কেল 18:19

তো তুমি কত্তে, বাবর্ দুজোত্তে কিত্তে পুয়োবো সাজা ন-পেবঅ? সেই পুয়োবো দঅ ন্যায় আর ঠিগ্ কাম গোজ্যে আর মর্ বেক সুদোমানি যত্তন্ গুরি পালেয়্যে, সেনত্তে তে হামাক্কায় বাঁজিবো।

যিহিষ্কেল 18:30

“সেনত্তে ও ইস্রায়েলীয়গুন, মুই তমার পত্তিজনর্ আচার-ব্যবহার মজিম্ বিচের্ গুরিম। তুমি ফিরো, তমা বেক্ অন্যেয় কামানিত্তুন্ মনান্ ফিরো; সালে পাপত্তুন্ তুমি ভস্ত ন-অবা।

যিহিষ্কেল 18:5

ধোজ্য এক্কো গম্ মান্‌জ্যে ন্যায় আর ঠিগ্ কাম গরে।‍‌

যিহিষ্কেল 18:9

তে মর্ সুদোম্ মজিম চলে আর বিশ্বেজ্ গুরিনে মর্ সুদোমানি পালায়। এ মানুচ্চো ঘেচ্চেকগুরি গম্; তে হামাক্কায় বাঁজিবো। মুই প্রভু লগেপ্রভু এ কধাগান কঙর্।

যিহিষ্কেল 3:21

মাত্তর্ পাপ ন-গুরিবাত্তে যুনি তুই সেই গম্ মানুচ্চুনোরে উজিয়ার গরচ্ আর তে পাপ ন-গরে সালে উজিয়ার অবার্ কধা শুনিবার ফলে তে হামাক্কায় বাঁজিবো আর তুইয়ো নিজোরে রোক্ষ্যে গুরিবে।”

যিহিষ্কেল 33:19

এক্কো পাজি মানুচ্ যুনি তার পাজিগানিত্তুন্ ফিরিনে ন্যায় আর ঠিগ্ কাম্ গরে সালে সিয়েনত্তে তে বাঁজিবো।

যিহিষ্কেল 36:27

তমা ভিদিরে মুই মর্ আত্মাগান থিদেবর্ গুরিম আর এমন গুরিম যেনে তুমি মর্ বেক সুদোমানি পালঅ। সেক্কে তুমি মর্ রীদি-সুদোমানি মানি চলদে মনযোগি অবা।

দানিয়েল 4:27

সেনত্তে ও মহারাজ, তুই মঅ সল্লাগান ধর্। তুই ন্যায় কাম্ গুরিনে আর নাঢাগুনো উগুরে দোয়্যেলু ওইনে তর্ পাপ আর অন্যেয়ানি ছাড়ি দে। সালে অয়ত তর্ গম্ অবস্থা থির্ থেবঅ।”

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

লূকে লেখ্যে গম্ হবর্ 24:47

আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

রোমীয় 8:13

যুনি তুমি পাপ-খাচ্চ্যদ্ মজিম চলঅ সালে তুমি উমরত্তে মুরিবা। মাত্তর্ যুনি পবিত্র আত্মালোই কিয়্যের্ বেক্‌ ভান্ন্যেই কামানি ভস্ত গুরি ফেলঅ সালে উমরত্তে জেদা থেবা,

যাকোব 2:14

মঅ ভেইয়ুন, যুনি কেঅ কয় তাত্তুন্ বিশ্বেজ্ আঘে মাত্তর্ কামেদি সিয়েন ন-দেগায় সালে সিয়েনত্ কি লাভ্? সেই বিশ্বেজ্‌‌চানে কি তারে পাপত্তুন্ উদ্ধোর্ গুরি পারে?

যাকোব 2:26

পরাণান্ বাদে কিয়্যেগান যেধোক্ক্যেন মরা ঠিগ্ সেধোক্ক্যেন কাম বাদে বিশ্বেজ্‌চান মরা।