যিহিষ্কেল 18:20 - Chakma Bible

²⁰ যে পাপ গুরিবো তেয়ই মুরিবো। পুয়োবো বাব দুজোত্তে সাজা ন-পেবঅ। গম্ মানুচ্ তা গম্ কামর্ ফল পেবঅ আর পাজি মানুচ্ তার পাজিগানির ফল পেবঅ।

যিহিষ্কেল 18:20 ပူးပေါင်းရင်းမြစ်များ

১ রাজাবলী 14:13

ইস্রায়েলর বেক্কুনে তাত্তে আবিলেচ্‌ গত্তে গত্তে তারে গোর্ দিবাক্‌। যারবিয়ামর্‌ নিজো মানুচ্চুনোর্‌ ভিদিরে বানা তেয়ই গোর্‌ পেবঅ, কিত্যে যারবিয়ামর্‌ বংশত্‌ বানা সেই পূঅবোর্‌ মাধ্যমে ইস্রায়েলর্‌ গোজেন লগেপ্রভু তা উগুরে ভোক্তি দেখ্যে।

১ রাজাবলী 8:32

মাত্তর্‌ তুই স্বর্গত্তুন্‌ সে কধানি শুনিচ্‌ আর সেধোক্কেনগুরি কাম্‌ গুরিচ্‌। সেক্কে তঅ চাগরুনোরে তুই বিচের্‌ গুরিনে দুষোর্‌ ফল তা মাঢাবোত্‌ চাপি দিইনে তারে দুষি বিলিনে প্রমাণ গুরিচ্‌ আর নিদ্দুজীবোরে তা কাম্‌ অনুসারে ফল দিইনে তারে নিদ্দুজি বিলিনে প্রমাণ গুরিচ্‌।

২ রাজাবলী 14:6

মাত্তর্‌ মোশির রীদি-সুদোম বোইবোত্‌ যিয়েনি লেগা আঘে সেধোক্ক্যেন গুরিনে তে তারা পুয়োগুনোরে মারে ন-ফেলেল। সে বোইবোত্‌ লগেপ্রভুর এ উগুমান্‌ লেগা এলঅ, “পুয়ো-ঝিগুনোর্ পাপত্তে বাপ্পোরে বা বাপ্পো পাপত্তে পুয়ো-ঝিগুনোরে মারে ফেলেই ন-পারিবো, মাত্তর্‌ পত্তিজনত্তুন্‌ তা নিজো পাপত্তে মরা পুরিবো।”

২ বংশধর 25:4

মাত্তর্‌ তে তারার্‌ ঝি-পুয়োগুনোরে মারে ন-ফেলেল বরং মোশির বোইবোত্‌ যে রীদি-সুদোমানি লেগা এলঅ সে মোজিম্‌ কাম্‌ গুরিলো। সে বোইবোত্‌ লগেপ্রভুর এ উগুমান্‌ লেগা এলঅ, “ঝি-পুয়োগুনোর পাপত্তে বাবত্তুন্‌ বা বাপ্পোর পাপত্তে ঝি-পুয়োগুনোরে মারে ফেলানা ন-চলিবো, মাত্তর্‌ বেক্কুনোত্তুন্‌ তার্‌ নিজোর্‌ পাপত্তে মরা পুরিবো।”

২ বংশধর 6:23

সালে তুই স্বর্গত্তুন্‌ সে কধানি শুনিজ্‌ আর সেধোক্ক্যেন গুরিনে কাম্‌ গুরিচ্‌। সেক্কে তঅ চাগরুনোরে তুই বিচের্‌ গুরিনে দুষচান কামর্‌ ফলান্‌ তারে চাপি দিইনে তারে দুযি বিলিনে প্রমান গুরিচ্‌ আর নিদ্দুজিবোরে তার্‌ কাম্‌ মজিম ফল দিইনে তারে নিদ্দুযি বিলিনে প্রমান গুরিচ্‌।

২ বংশধর 6:30

সালে তর্‌ থেবার জাগা স্বর্গত্তুন্‌ তুই সিয়েনি শুনিজ্‌ আর তারে খেমা গুরিচ্‌। তার্‌ বেক্‌ কামানি অনুসারে বিচের্‌ গুরিচ্‌, কিয়া তুই দঅ তার্‌ মনর্‌ অবস্থাগান জানচ্‌-বানা তুয়ই বেক্‌ মানুচ্চুনোর্‌ মনর্‌ হবরানি জানচ্‌।

যাত্রা 32:33

জোবত্‌ লগেপ্রভু মোশিরে কলঅ‌, “যিগুনে মর্‌ বিরুদ্ধে পাপ গোজ্যন বানা তারার্‌ নাঙানিয়ই মুই মর্‌ বোইবোত্তুন্‌ বাদ্‌ দিম্‌।

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

যিহিষ্কেল 14:14

এ অবস্থাত্ সিয়েনত্ যুনি নোহ, দানিয়েল আর ইয়োব-এ তিনজন মানুচ্ থেদাক্ সালে তারার্ সততাগানত্তে তারা বানা নিজোরে রোক্ষ্যে গুরি পারিদাক্। মুই প্রভু লগেপ্রভু এ কধাগান কঙর্।

যিহিষ্কেল 14:16

মঅ জিংকানিগানর্ নাঙে কঙর্, সেই তিনজন মানুচ্ সিয়েনত্ থেলেয়ো তারা নিজো ঝি-পুয়োগুনোরে রোক্ষ্যে গুরি ন-পারিদাক্। তারা নিজে রোক্ষ্যে পেদাক্ মাত্তর্ দেজ্‌চান মানুচ্ নেইয়্যে ওই যেদাক্।

যিহিষ্কেল 18:13

তে সুদি টেঙা উদোর্ দে আর বেশ্ সুদ নেযায়। সেই পুয়োবো কি বাঁজিবো? তে ন-বাঁজিবো। এই বেক্ জঘন্য কামানি গোজ্যে বিলিনে তে মুরিবোদে মুরিবো। তে তার মরণত্তে নিজেই দায়ী অবঅ।

যিহিষ্কেল 18:30

“সেনত্তে ও ইস্রায়েলীয়গুন, মুই তমার পত্তিজনর্ আচার-ব্যবহার মজিম্ বিচের্ গুরিম। তুমি ফিরো, তমা বেক্ অন্যেয় কামানিত্তুন্ মনান্ ফিরো; সালে পাপত্তুন্ তুমি ভস্ত ন-অবা।

যিহিষ্কেল 18:4

জেদা বেক্ মানুচ্চুন মর্, বাপ্ আর পুয়ো দ্বিয়োবো মর্। যে পাপ গুরিবো তেয়ই মুরিবো।

যিহিষ্কেল 33:10

ও মান্‌জ্যর পুয়োবো‌‌‌‌‌‌‌‌‌‌‌, তুই ইস্রায়েল জাদরে কঅ, তুমি কত্তে তমা ভান্ন্যেয়ানি আর পাপর্ ভারানি তমা উগুরে চাবি দিয়্যে আঘে; সেনত্তেই তুমি ক্ষয় ওই যর্, বাঁজিবার আজা নেই।

যিহিষ্কেল 33:6

মাত্তর্ ধোজ্য, সেই চুগিদার্‌‌‌‌‌‌‌‌বো সৈন্যদলুন্ এত্তে দেগিনেয়ো মানুচ্চুনোরে উজিয়ার গুরিবাত্তে তূরী ন-বাজেল। সে পরেদি সৈন্যগুনে এইনে কনঅ এক্কোরে মারে ফেলেলাক্। সালে বুঝো পুরিবো সেই মানুচ্চো তার নিজোর পাপত্তে মুরি গেলঅ, মাত্তর্ তার মরণত্তে মুই সেই চুগিদার্‌‌‌‌‌‌‌‌‌বোরে দায়ী গুরিম।

যিহিষ্কেল 4:4

সে পরেদি তুই বাঙেদি ফিরিনে ঘুমেবে আর ইস্রায়েলর পাপর সাজা তঅ নিজো উগুরে নেযেবে। যে কয়দিন তুই এক ডাক্ক্যে গুরি ঘুমেবে সেদক্ দিন তারার্ সাজাগান তুই ভুগিবে।

লেবীয় 10:17

পাপ-উৎসর্বর্ য়েরাগান কিত্তে তুমি পবিত্র তাম্বুল-ঘরর্ চাগালা ভিদিরে হেই ন-ফেল? ইয়েন দঅ দাঙর্ পবিত্র জিনিস। লগেপ্রভুর্ মুজুঙোত্ ইস্রায়েলীয়গুনোর পাপ ঢাগিনে তারার্ সাজাত্তুন উদ্ধোর গুরিবাত্তেই সিয়েন তমারে দিয়্যে অইয়্যে।

লেবীয় 16:22

সে মানুচ্চোই সিবেরে ধূল্যেচর-চাগালাত্‌ ইরি দিইনে এবঅ। ছাগল্লো কনঅ মানুচ্‌-জন নেইয়্যে জাগাত্‌ তারার্‌ বেক্‌ অন্যেয়ানি বোইনে বেরেব।

লেবীয় 19:8

যে সিয়েন্‌ হেবঅ তারে তার্‌ অন্যেয়ানত্তে দায়ী গরা অবঅ, কিত্যে সেক্কে মর্‌ পবিত্র জিনিস্‌চানরে অপবিত্র গরা অবঅ। সেই মানুচ্চোরে তার্‌ জাদত্তুন্‌ তুলি ফেলা অবঅ।

লেবীয় 5:1

“নিজোর্‌ দেগানা বা শুনোনা কনঅ পৌইদ্যেনে বিচের অক্তত্‌ সাক্ষী দিবার্‌ সুযোগ পেইনেয়ো যুনি কনজনে জুরো গুরি থায়্‌ ছালে সিয়েন্‌ তার্‌ পক্ষে পাপ অবঅ আর সে অন্যেয়ানত্তে তারে দায়ী গরা অবঅ।”

লেবীয় 5:17

“যুনি কনজনে হবর্ ন-পেইনে লগেপ্রভুর্ মানা গোজ্যে কনঅ কিজু গুরিনে অন্যেয়্‌ গুরি ফেলায় ছালে তে দুষি অবঅ আর সেনত্তে তাত্তুন্‌ দায়ী উয়ো পুরিবো।

গণাণা 15:31

লগেপ্রভুর কধাগান তুচ্ছো গরানা আর তাঁর উগুমান ন-মানানার কারনে তারে হামাক্কায়্‌ তুলি দিয়্যে পুরিবো, আর তার দুষ্‌চান তা উগুরে থেই যেবঅ।”

গণাণা 18:1

লগেপ্রভু হারোণরে কলঅ, “পবিত্র তাম্বুলোর বিরুদ্ধে যেদক্কানি অন্যেয় গরা অবঅ তার্‌ ভারান্ নেযা পুরিবো তত্তুন্‌, তর্‌ পূঅগুনোর আর তর্‌ বংশর অন্য মানুচ্চুনোর্। ইয়েনবাদে ধর্মগুরুর্ কামানিত্ যেদক্কানি অন্যেয় অবঅ তার ভারান্অ তত্তুন্‌ আর তর্‌ পূঅগুনোত্তুন্‌ বুয়োই নেযা পুরিবো।

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

দ্বি’লম্বর বিররণ 24:16

ঝি-পূঅগুনোর পাপর কারণে বাপ্পোত্তুন বা বাপ্পোর্‌ পাবত্তে ঝি-পূঅগুনোরে মারে ফেলেই ন-পারিবো। বেক্কুনোত্তুন্‌ তার নিজোর পাবত্তে মরা পুরিবো।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।