যিহিষ্কেল 18:18 - Chakma Bible

¹⁸ মাত্তর্ তা বাবে তা নিজোর্ পাপত্তে মুরিবো, কিত্তে তে জোর্ গুরি টেঙা আদায় গুরিদো, ভেইয়ুনো জিনিসচানি চুর্ গুরিদো আর তা মানুচ্চুনো ভিদিরে অন্যেয় কাম গুরিদো।

যিহিষ্কেল 18:18 ပူးပေါင်းရင်းမြစ်များ

উপদেশক 5:8

তঅ চাগালাত্ যুনি কনঅ নাঢা মান্‌জ্যরে অত্যেচার্ অদে দেগচ্ বা কনজনরে ন্যায়বিচের্ বা তার পেবার্ অধিকার ন-পাদে দেগচ্ মাত্তর্ ন-দোরেচ্, কিত্তে এক্কো কামগুরিয়্যে উগুরে দাঙর্ আর এক্কো কামগুরিয়্যে আঘে আর তারার্ দ্বিজন উগুরে আরঅ দাঙর্ দাঙর্ নেতা আগন্।

যিশাইয় 3:11

হায়! পাজিগুন্! তারা উগুরে দজা এবঅ। তারা যিয়েনি গোজ্যন্ তারা সিয়েনির পাওনাগান্ পেবাক্।

যিহিষ্কেল 18:17

তে নাঢাগুনোরে অত্যেচার ন-গরে আর কনঅ বাবদে সুদ্ ন-নেযায়। তে মর্ সুদোমানি রোক্ষ্যে গরে আর রীদি-সুদোমানি পালায়। তে তা বাবর্ পাপত্তে ন-মুরিবো; তে হামাক্কায় বাঁজিবো।

যিহিষ্কেল 18:19

তো তুমি কত্তে, বাবর্ দুজোত্তে কিত্তে পুয়োবো সাজা ন-পেবঅ? সেই পুয়োবো দঅ ন্যায় আর ঠিগ্ কাম গোজ্যে আর মর্ বেক সুদোমানি যত্তন্ গুরি পালেয়্যে, সেনত্তে তে হামাক্কায় বাঁজিবো।

যিহিষ্কেল 18:20

যে পাপ গুরিবো তেয়ই মুরিবো। পুয়োবো বাব দুজোত্তে সাজা ন-পেবঅ। গম্ মানুচ্ তা গম্ কামর্ ফল পেবঅ আর পাজি মানুচ্ তার পাজিগানির ফল পেবঅ।

যিহিষ্কেল 18:24

মাত্তর্ যুনি এক্কো গম্ মানুচ্ তা সততাত্তুন্ ফিরিনে পাপ গরে আর পাজি মান্‌‌জ্য ধোক্ক্যেন জঘন্য কাম গরে সালে তে কি বাঁজিবো? তার কনঅ গম্ কাম সেক্কে মুই মনে ন-গুরিম। তার কনঅ গম্ কামানি সেক্কে মুই মনে ন-গুরিম। তার অবিশ্বেজ্ আর পাপত্তে তে মুরিবো।

যিহিষ্কেল 18:26

যুনি এক্কো গম্ মানুচ্ তা সততাত্তুন্ ফিরিনে পাপ গরে আর মরে, সালে তে তার্ পাপত্তে মুরিবো।

যিহিষ্কেল 18:4

জেদা বেক্ মানুচ্চুন মর্, বাপ্ আর পুয়ো দ্বিয়োবো মর্। যে পাপ গুরিবো তেয়ই মুরিবো।

যিহিষ্কেল 3:18

মুই যেক্কে এক্কো পাজি মান্‌‌‌‌‌‌‌‌জ্যরে কং, তুই হামাক্কায় মুরিবে, সেক্কে তুই যুনি তারে উজিয়ার ন-গরচ্, বা তার্ পরাণান বাঁজেবাত্তে ভান্ন্যেই পধত্তুন্ ফিরেবাত্তে কিজু ন-কচ্, সালে সেই পাজি মানুচ্চোত্তে তার পাপত্তে মুরিবে, মাত্তর্ তার মরণত্তে মুই তরে দায়ী গুরিম।

যোহন 8:21

যীশু আরঅ ফরীশীগুনোরে কলঅ, “মুই যাঙর্। তুমি মরে তোগেবা, মাত্তর্ তুমি তমা পাপে মুরিবা। মুই যিধু যাঙর্ তুমি সিধু এই ন-পারিবা।”

যোহন 8:24

সেনত্তে মুই তমারে কঙর্, তুমি তমার্ পাপে মুরিবা। যুনি তুমি বিশ্বেজ্ ন-গরঅ যে, মুয়ই সিবে, সালে তুমি তমা পাপে মুরিবা।”