যিহিষ্কেল 18:17 - Chakma Bible

¹⁷ তে নাঢাগুনোরে অত্যেচার ন-গরে আর কনঅ বাবদে সুদ্ ন-নেযায়। তে মর্ সুদোমানি রোক্ষ্যে গরে আর রীদি-সুদোমানি পালায়। তে তা বাবর্ পাপত্তে ন-মুরিবো; তে হামাক্কায় বাঁজিবো।

যিহিষ্কেল 18:17 ပူးပေါင်းရင်းမြစ်များ

ইয়োব 29:16

মুই নাদামানুচ্চুনোর্ বাবঅ ধোক্ক্যেন এলুং, আর অচেনাগুনোর পক্ষে মুই তারার বিচের ভারান্ নিদুং।

গীতসংহিতা 119:1

বর্ পেইয়্যে সেই মানুচ্চুন, যিগুনে দোল্ জিংকানি কাদান্ আর লগেপ্রভুর উগুম্ মজিম চলন্।

গীতসংহিতা 119:3

তারা কনঅ ভুল্ ন-গরন; তারা লগেপ্রভুর পধেদি চলন্।

গম্ উপদেজ্ 14:31

যিবে নাঢা মান্‌‌‌জ্য উগুরে অত্যেচার গরে তে তার সিরিষ্টি গুরিয়্যেবোরে অগমান গরে, মাত্তর্ যে মানুচ্চো অভাবীগুনোরে দোয়্যে গরে তে তার সিরিষ্টি গুরিয়্যেবোরে সর্মান গরে।

গম্ উপদেজ্ 29:14

যে রাজাবো গমেডালে নাঢা মানুচ্চুনোর বিচের গরে তা সিংহাসনান্ নিত্য থির্ থায়।

গম্ উপদেজ্ 29:7

নাঢা মানুচ্চুনো উগুরে যেন ন্যায় বিচের গরা অয় সিন্দি গোজেন ভক্ত মানুচ্চুনোর চোগ্ আঘে, মাত্তর্ পাজিগুনে ইয়েনি কিচ্চু ন-বুঝোন্।

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

যিরমিয় 22:16

তে দুঘী আর অভাবীগুনোর তপ্পে নেযেদ বিলি বেক্কানি গমে চলিদো। লগেপ্রভুরে হবর্ পানা মানে এ কামানি গরানা।

যিহিষ্কেল 18:13

তে সুদি টেঙা উদোর্ দে আর বেশ্ সুদ নেযায়। সেই পুয়োবো কি বাঁজিবো? তে ন-বাঁজিবো। এই বেক্ জঘন্য কামানি গোজ্যে বিলিনে তে মুরিবোদে মুরিবো। তে তার মরণত্তে নিজেই দায়ী অবঅ।

যিহিষ্কেল 18:18

মাত্তর্ তা বাবে তা নিজোর্ পাপত্তে মুরিবো, কিত্তে তে জোর্ গুরি টেঙা আদায় গুরিদো, ভেইয়ুনো জিনিসচানি চুর্ গুরিদো আর তা মানুচ্চুনো ভিদিরে অন্যেয় কাম গুরিদো।

যিহিষ্কেল 18:28

তার অন্যেয়র্ কধানি ভাবিনে সিয়েনিত্তুন্ ফিজ্যে বিলিনে তে হামাক্কায় বাঁজিবো, ন-মুরিবো।

যিহিষ্কেল 20:18

সিদু তারার্ পুয়ো-ঝিগুনোরে মুই কলুং, তারা যেন তারার্ পুরোণি মানুচ্চুনো ধোক্ক্যেন কাম্ ন-গরন, তারার আচার-বেবহার মজিম্ ন-চলন আর তারার্ মূত্তিগুন দিইনে নিজোরে অসিজি ন-গরন।

যিহিষ্কেল 20:30

সেনত্তে লগেপ্রভু মরে কোইয়্যেদে, তুই ইস্রায়েলীয়গুনোরে কঅ, প্রভু লগেপ্রভু কোইয়্যেদে, তুই কি তমা পুরোণি মানুচ্চুনো ধোক্ক্যেন গুরি নিজোরে অসিজি গুরিবা আর তারার জঘন্য মূত্তিগুনোরে পূজো গুরিবা?

যিহিষ্কেল 3:21

মাত্তর্ পাপ ন-গুরিবাত্তে যুনি তুই সেই গম্ মানুচ্চুনোরে উজিয়ার গরচ্ আর তে পাপ ন-গরে সালে উজিয়ার অবার্ কধা শুনিবার ফলে তে হামাক্কায় বাঁজিবো আর তুইয়ো নিজোরে রোক্ষ্যে গুরিবে।”

যিহিষ্কেল 33:13

যুনি মুই এক্কো গম্ মান্‌‌‌জ্যরে কং, তে ঘেচ্চেকগুরি বাঁজিবো, মাত্তর্ তে পরেদি তার সততাগান উগুরে বিশ্বেজ্ গুরিনে ভান্ন্যেই কাম গরে সালে তে আগে যেদক্কানি গম্ কাম গোজ্যে সিয়েনির কনগান মনে গরা ন-অবঅ; তে যে ভান্ন্যেই কাম্ গোজ্যে সিয়েনত্তে তে মুরিবো।

দানিয়েল 4:27

সেনত্তে ও মহারাজ, তুই মঅ সল্লাগান ধর্। তুই ন্যায় কাম্ গুরিনে আর নাঢাগুনো উগুরে দোয়্যেলু ওইনে তর্ পাপ আর অন্যেয়ানি ছাড়ি দে। সালে অয়ত তর্ গম্ অবস্থা থির্ থেবঅ।”

লেবীয় 18:26

মাত্তর্‌ তুমি মর্‌ সুদোম আর রীদি-সুদোমানি মানি চলিবা। তমার জাদর্‌ বা তমা ভিদিরেত্তুন বজত্তি গোজ্যে অন্য জাদর্‌ কনঅ মানুচ্‌ যেন এবাবোত্যে কনঅ জঘন্য কাম ন-গরন্‌।

লেবীয় 18:30

মর্‌ উগুমানি তুমি মানি চলিবা আর সিদু লুমিনেই আগ আদাম্মেগুনোর্‌ জঘন্য চালচলনর্‌ এক্কানঅ তুমি ন-গুরিবা। ইয়েনিলোই তুমি নিজোরে ফি-বলা ন-গুরিবা। মুই লগেপ্রভু তমার গোজেন।”

লেবীয় 18:4

তমার্‌ চলা পুরিবো মর্‌ রীদি-সুদোম মজিম। মর্‌ দিয়্যে ‍সুদোম তমাত্তুন্‌ যত্তন্‌ গুরি পালা পুরিবো। মুই লগেপ্রভু তমার গোজেন।

মালাখি 3:7

তমা পুরোণি মানুচ্চুনোর সময়ত্তুন্ ধুরি তুমি মর্ বেক সুদোমানিত্তুন্ সুরি যেইয়ো আর সিয়েনি ন-পালঅ। মইদু ফিরি এজঅ, আর মুইয়ো তমা ইধু ফিরি এইম্। মাত্তর্ তুমি কত্তে, ‘আমি কেধোক্ক্যেন গুরি ফিরি এবং?’

লূকে লেখ্যে গম্ হবর্ 19:8

সক্কেয় সিধু থিয়্যেইনে প্রভুরে কলঅ, “প্রভু, মুই মর্ ধন সোম্বোত্তির্ অদ্দেক্ নাঢাগুনোরে দি দুয়োঙর্ আর যুনি কাররে থোগেই থাং সালে সিগুনোর্ চেরগুন্ ফিরেই দোঙর্।”

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।