যিহিষ্কেল 18:14 - Chakma Bible

¹⁴ আরঅ ধোজ্য, সেই পুয়োবোর এক্কো পুয়ো আঘে। তে তা বাবরে এ পাপ্‌‌‌পানি গত্তে দেগিনেয়ো সিয়েনি ন-গরে।

যিহিষ্কেল 18:14 ပူးပေါင်းရင်းမြစ်များ

২ রাজাবলী 22:1

যোশিয় আস্‌তো বজর্‌ বয়জত্‌ রাজা ওইয়্যে আর এগত্রিশ বজর্‌ যিরূশালেমত্‌ রাজাগিরি গোজ্যে। তা মাবো নাঙান্‌ অলদে যিদীদা; তে অলদে বস্কৎ আদামর আদায়ার ঝি।

২ রাজাবলী 22:2

লগেপ্রভুর চোগেন্দি যিয়েনি গম্‌ যোশিয় সিয়েনি গুরিদো আর তা পূরোনি মানুচ্‌ দায়ূদো ধোক্ক্যেন চলিদো সে পধত্তুন্‌ ডেনে- বাঙে ন-যেদঅ।

২ বংশধর 34:21

“যে বোইবো পাহ্ যেইয়্যে সিবে ভিদিরে কি লেগা আঘে সিবে তুমি যেইনে মর্‌ আর ইস্রায়েল আর যিহূদার বাদবাগি মানুচ্চুনোত্তে লগেপ্রভুরে পুযোর্‌ গর্‌। আমা পুরোণি মানুচ্চুনে লগেপ্রভুর কধানি ন-পালান্‌ আর এ বোইবোত্‌ যিয়েনি লেগা আঘে সেই মজিম কাম্‌ ন-গরে বিলিনে তার্‌ জদবদে রাগ্‌কান আমা উগুরে পোজ্যে।”

গম্ উপদেজ্ 17:21

জ্ঞান বুদ্ধি নেইয়্যে পুয়ো মা-বাবর দুঘ্ আনে; ভোক্তি নেইয়্যে পুয়োবো বাবর্ হুজি বলতে কিচ্চু নেই।

গম্ উপদেজ্ 23:24

গোজেন ভক্তবোর্ বাব্‌পো বোউত্ হুজি অয়; জ্ঞানীবলা পুয়োবোর বাব্‌পো তা পুয়োবোলোই সুগি অয়।

যিশাইয় 44:19

কনজনে এক্কানা চিদেয়ো ন-গরন্; কারর্ জ্ঞান বা বুদ্ধি নেই যে কয়, “মুই ইয়েনর্ এক কট্টালোই আগুন জ্বালেয়োং, সিয়েনর্ আঙারাগুনো উগুরে রুটি সেক্কোং আর য়েরা অদ্দেক্ পুড়ি হেইয়োং। সালে কি ইয়েনর্ বাদ্‌বাগি কট্টাগান্‌দোই মুই ঈচ্ গরেদে জিনিস বানেম? গাজ তক্তাগানরে কি মুই মাদিত্ পড়িনে জু জু জানেম?” ‍‌‍

যিরমিয় 44:17

আমি যিয়েনি কোইয়্যেই সিয়েনি বেক্কানি আমি হামাক্কায় গুরিবোং। যেবাবোত্যেগুরি আমি আমা পুরোণি মানুচ্চুনে, রাজাগুনে আর রাজার চাগরুনে যিহূদার শঅরত্ আর যিরূশালেমর পধে পধে আগাজ-রাণী নাঙে আগর্‌বাট্টি জ্বালেদং আর ঢাল্যে-উৎসর্বর অনুষ্ঠান গুরিদোং সেবাবোত্যেগুরি আমি গুরিবোং গুরিবোং। সে অক্তত্ আমার্ বোউত্ হানা এলঅ আর আমা অবস্থায়ো গম্ এলঅ আর আমি কনঅ দুঘ্ ন-পেই।

যিরমিয় 8:6

মুই মন দি শুন্যং, তারা ঠিগ্ কধা ন-কন। পাজিগানিত্তুন মনান ফিরেইনে কনজনে ন-কন্দে, হায়, মুই কি গুরিলুং! ঘোড়া যেবাবোত্যেগুরি দাবা যেইনে যুদ্ধোত্ যায় সেবাবোত্যেগুরি পত্তি জনে যার্ যার্ পধেদি চলন্।

যিরমিয় 9:14

সিয়েনর বদলে তারা তারার মনর্ একঘেয়েমি অনুসারে চলদন; তারার বাপ্‌পুনোর শিক্ষ্যে মজিম তারা বাল দেবেদার পিজেদি চলদন্।

যিহিষ্কেল 18:10

ইক্কিনে মনে গর, সে মানুচ্চোর্ এক্কো অত্যেচারী পুয়ো আঘে। তে লো ঝরায় বা অন্য কনঅ ভান্ন্যেই কাম্ গরে যিয়েনি তা বাবে কনদিন্‌অ ন-গরে। তে মুড়োমুড়ি উগুরে পূজোর্ জাগায়ানিত্ হানা-দানা গরে। তে আদাম মিলেরে বর্‌‌বাত্ লাগায়।

যিহিষ্কেল 18:15

তে মুড়ো উগুরে পূজোর্ জাগায়ানিত্ হানা-দানা ন-গরে বা ইস্রায়েলীয়গুনোর মূত্তিত্ পূজো ন-গরে। তে তার আদাম্মে মিলেরে বর্‌‌‌বাত্ ন-লাগায় বা কাররে অত্যেচার ন-গরে। তে সুদি টেঙালোই কনঅ কিজু বন্ধগ্ ন-নেযায়। তে চুর্ ন-গরে বরং যিবের্ পেট পুরের্ তারে হানা দিয়্যে আর লাংটা-বাংটাগুনোরে কাবড় দিয়্যে।

যিহিষ্কেল 18:28

তার অন্যেয়র্ কধানি ভাবিনে সিয়েনিত্তুন্ ফিজ্যে বিলিনে তে হামাক্কায় বাঁজিবো, ন-মুরিবো।

যিহিষ্কেল 20:18

সিদু তারার্ পুয়ো-ঝিগুনোরে মুই কলুং, তারা যেন তারার্ পুরোণি মানুচ্চুনো ধোক্ক্যেন কাম্ ন-গরন, তারার আচার-বেবহার মজিম্ ন-চলন আর তারার্ মূত্তিগুন দিইনে নিজোরে অসিজি ন-গরন।

হোশেয় 7:2

মাত্তর্ তারা ন-বুঝোন্, তারার্ বেক অন্যেয় কামানি মুই ইদোত্ রাগাং। তারার পাপ্‌‌‌‌‌‌পানিয়ে পুরোপুরি গুরিনে তারারে ঘিরি রাগেয়্যে; সিয়েনি নিত্য মঅ মুজুঙোত্ রোইয়্যে।

হগয় 1:5

মুই বেগত্তুন্ খেমতাবলা লগেপ্রভু কঙর্, তুই কিবাবোত্যেগুরি চলর্ সিয়েন গমেডালে চিন্তে গুরি চাহ্।

হগয় 1:7

সেনত্তে তুমি কেনে চলর্ সিয়েনি গমেডালে চিন্তে গুরি চঅ।

হগয় 2:18

এচ্চ্যে নয় মাসর্ চোব্বিশ দিনোত্ মঅ ঘরানর্ গড়াগান থিদেবর্ গরা অলঅ। এবেরা মুই তমাত্তে কি গুরিবাত্তে যাঙর্ সিয়েন চঅ।

মথি লেখ্যে গম্ হবর্ 23:32

সালে তমা পূরোণি মানুচ্চুনে যিয়েনি আরাম্ভ গুরি যেইয়োন্ সিয়েনর্ বাদ্‌বাগি ভাগ্‌কান তুমি শেজ্ গরঅ।

১ পিতর 1:18

তুমি কোই পারঅ, জিংকানির্ পধত্ চলিবাত্যে তমা পূরোণি মানুচ্চুনোত্তুন্ পেইয়্যে বাজে খাচ্চ্যদত্তুন্ সনা বা রূবো ধোক্ক্যেন ক্ষয় ওই যেইয়্যে কনঅ জিনিস্‌চোই তমারে উদ্ধোর গরা ন-অয়;