যিহিষ্কেল 18:10 - Chakma Bible

^10-11 ইক্কিনে মনে গর, সে মানুচ্চোর্ এক্কো অত্যেচারী পুয়ো আঘে। তে লো ঝরায় বা অন্য কনঅ ভান্ন্যেই কাম্ গরে যিয়েনি তা বাবে কনদিন্‌অ ন-গরে। তে মুড়োমুড়ি উগুরে পূজোর্ জাগায়ানিত্ হানা-দানা গরে। তে আদাম মিলেরে বর্‌‌বাত্ লাগায়।

যিহিষ্কেল 18:10 ပူးပေါင်းရင်းမြစ်များ

যাত্রা 21:12

কনঅ‌ মান্‌জোরে আঘাত্‌ গুরিবার্‌ কারনে যুনি তার্‌ মরণ অয়্‌ সালে আঘাত গুরিয়্যেবোরে হামাক্কায়্‌ মারে ফেলা পুরিবো।

যাত্রা 22:2

যুনি কনঅ‌ চুরে চুর্‌ গুরিবাত্তে যেইনে ঘরত্‌ চোমেবার্‌ অক্তত্‌ ধরা খায়্‌ আর আহত ওইনে মুরি যায়্‌, মাত্তর্‌ যিবের্‌ আঘাত্তোই‌ তে মুরি গেলঅ তে খুনোর্‌ দায়ী ন অবঅ।

যিহিষ্কেল 18:9

তে মর্ সুদোম্ মজিম চলে আর বিশ্বেজ্ গুরিনে মর্ সুদোমানি পালায়। এ মানুচ্চো ঘেচ্চেকগুরি গম্; তে হামাক্কায় বাঁজিবো। মুই প্রভু লগেপ্রভু এ কধাগান কঙর্।

হোশেয় 12:14

মাত্তর্ ইফ্রয়িমে লগেপ্রভুরে অমকদ অহুজি গোজ্যে; সেনত্তে তা গিরোজ্‌‌‌সো তার্ ভান্ন্যেই কামানিত্তে তারে দায়ী গুরিবো আর তে যে অগমান গোজ্যে সেই অগমানান্ তারে ফিরেই দিবো।

লেবীয় 19:13

কনঅ মান্‌জ্য উগুরে অন্যেয় গুরি সুবিধা আদায়্‌ গরানা বা জোর্‌ গুরি তার জিনিস্‌চান্‌ নেযানা ন-চলিবো। কামগুরিয়েগুনোর দিনোর্‌ পাওনা দিনেই দিয়া পুরিবো; সিগুন্‌ বেন্যেমাদান্ সং আক্‌সো রাগানা ন-চলিবো।

গণাণা 35:31

মরণান্‌ যিবের্‌ পাইদে সাজা এধোক্ক্যেন কনঅ খুনিরে টেঙালোই উদ্ধোর গুরি ন-পারিবো। তারে মারে ফেলাই পুরিবো।

যোহন 18:40

সেক্কে বেক্কুনে রঅ ছাড়িনে কলাক্, “তারে নয়, বারাব্বারে।” সেই বারাব্বা এক্কো ডাগেদ্ এলঅ।

১ যোহন 3:12

সেনত্যে মুই কঙর্, আমি যেন কয়িন ধোক্ক্যেন ন-ওই। কয়িনে শদানর্ মানুচ্‌ এলঅ আর তা ভেইবোরে তে খুন্ গোজ্জ্যে। কিত্ত্যেই তে তারে খুন্ গোজ্জ্যে? কিয়া তে ভান্ন্যেই কাম গত্ত আর তা ভেইবো ন্যায় কাম গুরিদো।