যিহিষ্কেল 17:24 - Chakma Bible

²⁴ ইয়েন্দোই মাদর্ বেক গাজ্‌‌‌চুনে হবর্ পেবাক যে, মুই লগেপ্রভু অজল্ গাজরে তলে গরং আর তলে গাজরে অজল্ গরং। মুয়ই য়্যেল্ গাজরে শুগুনো গরং আর শুগুনো গাজরে জেদা গরং। “মুয়ই লগেপ্রভু এ কধাগান কোইয়োং আর মুই সিয়েন গুরিম।”

যিহিষ্কেল 17:24 ပူးပေါင်းရင်းမြစ်များ

ইয়োব 40:12

বেক্ বাড়্‌‌বো মানুচ্চুনোরে তর্ চোগো ইজিরেলোই তলেদি লামা; শদানুনে যিয়েনত্ আগন্ সিয়েনদই তারারে গুড়ি গর্।

ইয়োব 5:11

নাদা মানুচ্চুনোরে তে অজলত্‌ তুলে; যিগুনে আবিলেচ্‌ হান্‌ তারারে তে গমেডালে রাগায়।

গীতসংহিতা 89:38

মাত্তর্ তুয়ই ফেলেই যেয়োচ্, টেঙোই ঠেল্যচ্; তর্ অভিষেগ্ গোজ্যে মানুচ্চো উগুরে তুই অমকদ বেজার্ ওইয়োচ্।

গীতসংহিতা 89:45

তার গাবুজ্যের্ দিনুন্ তুই কোমেই দুয়োচ্, লাজে তারে নাঢি দুয়োচ্।

যিশাইয় 22:19

তঅ পোজিশনানত্তুন্ মুই তরে সোরেই দিম্; তঅ জাগানত্তুন্ তরে তলেদি লামেই দিয়্যে অবঅ।

যিশাইয় 26:5

যিগুনে অজলত্ বজত্তি গরন্ তারারে তে তলে লামায়; সে অজল্ শঅরানরে তে ভস্ত গুরিনে তলে গরে। তে সিয়েন মাদিত্, এমন্ কি, ধূল্যেত্ মিজেই দে।

যিহিষ্কেল 12:25

সেক্কে মুই লগেপ্রভু যিয়েনি কোম্ সিয়েনি ফলিবো, দিরি ন-অবঅ। ও উল্লোমী জাদ্‌তো, মুই যিয়েনি কঙর্ সিয়েনি তমা সময়োত্ ফোলেই দিম্। মুই প্রভু লগেপ্রভু এ কধাগান কঙর্।’”

যিহিষ্কেল 18:1

পরেদি লগেপ্রভু মরে কলঅ,

যিহিষ্কেল 21:26

মুই প্রভু লগেপ্রভু কঙর্, তঅ খবঙান্ খুল্, মুকুট্‌‌তো লামেই ফেলা। যেবাবোত্যে এলঅ সেবাবোত্যে আর ন-অবঅ। চিগোন্নোরে দাঙর্ আর দাঙর্‌‌‌বোরে চিগোন গরা অবঅ।

যিহিষ্কেল 22:14

মুই যেদিন্যে তত্তুন্ ইজেব নিম্ সেদিন্যে কি তর্ সাহস থেবঅ? তঅ আঢত্ কি জোর্ থেবঅ? মুই লগেপ্রভু এ কধাগান কলুং আর মুই সিয়েন হামাক্কায় গুরিম।

যিহিষ্কেল 24:14

মর্ কাম গুরিবার সময় এচ্চ্যে। মুই সিয়েন গুরিম্‌বে গুরিম, মেয়্যেয়ো ন-গুরিম বা নরমঅ ন-ওম্। তর্ আচার-বেবহার আর তর্ কাম মজিম্ তরে বিচের্ গরা অবঅ। মুই প্রভু লগেপ্রভু এ কধাগান কঙর্।’”

যিহিষ্কেল 36:36

সেক্কে তমা চেরোকিত্তে বাঁজি থেইয়্যে জাদ্‌‌তুনে হবর্ পেবাক যে, মুই লগেপ্রভু ভাঙা জাগানি আরঅ তুল্যং আর পড়ি থেইয়্যে জাগাত্ আরঅ গাজ লাগেয়োং। মুই লগেপ্রভু এ কধাগান কোইয়োং আর মুই সিয়েনই গুরিম।’”

যিহিষ্কেল 37:14

মঅ আত্মাগান মুই তমা ভিদিরে দিম্ আর তুমি জেদা অবা। তমা নিজো দেজত্ মুই তমারে বজত্তি গোরেম্। সেক্কে তুমি হবর্ পেবাদে যে, মুই লগেপ্রভু এ কধাগান কোইয়োং আর সিয়েন গোজ্যং।’”

দানিয়েল 5:21

তারে মান্‌জ্য ইত্তুন ধাবেই দিইনে এক্কো য়েমান খাচ্চ্যত্ দিয়্যে অলঅ। যেদক্ বিলোন সং তে মানি ন-নেযেল, দাঙর্ গোজেনে মান্‌জ্য রেজ্যগানি উগুরে কাবিদ্যঙ্‌গিরি গরে আর যিবেরে আওজ্ তারে সেই বেক্ রেজ্যগানি উগুরে বজায় সেদক্ দিন সং তে ঝার্‌বো গাধাগুনো লগে বজত্তি গুরিদো আর গোরু ধোক্ক্যেন ঘাস খেদ আর আগাজ শিরোপানিয়ে ভিজিদো।

আমোষ 9:11

লগেপ্রভু কত্তে, “সেদিন্যে মুই দায়ূদোর পুড়ি যেইয়্যে ঘরান আরঅ তুলিম। মুই তার্ ভাঙা জাগানি তুনিম্, ভস্ত ওইয়্যে জাগানি ঠিগ্ গুরিম আর আগে যেবাবোত্যে এলঅ সেবাবোত্যে গুরি সিয়েনি বানেম্,

গণাণা 17:8

তার্‌কেল্যে মোশি সাক্ষ্য-তাম্বুলোত্‌ চোমেইনে দেগিলো, লেবি-গুট্টির পক্ষে থোয়্যে হারোণর লুদিক্কো উগুরে বানা যে অংকুর দেগা দিয়্যে সিয়েন নয় সিয়েনত্‌ বোল্‌ পোজ্যে, ফুল ফুদিনে বাদামঅ ধোজ্যে।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

লূকে লেখ্যে গম্ হবর্ 1:33

তে যাকোব গুট্টি মানুচ্চুনো উগুরে জনম্‌ভরা রাজাগিরি গুরিবো। তার রাজাগিরি কনদিন্অ থুম্ ন-অবঅ।”

লূকে লেখ্যে গম্ হবর্ 21:33

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।