যিহিষ্কেল 17:20 - Chakma Bible

²⁰ মুই তাত্তে মঅ জালান্ পাদিম্ আর তে মঅ ফালত্ ধরা পড়িবো। তে মঅ উগুরে অবিশ্বেজি ওইয়্যে বিলিনে মুই তারে বাবিলোত্ নেযেম আর সিদু তারে সাজা দিম।

যিহিষ্কেল 17:20 ပူးပေါင်းရင်းမြစ်များ

২ শমূয়েল 18:9

অবশালোমে অদাতৎ দায়ূদো মানুচ্চুনোর মুজুঙোত্‌ পড়িলো। সে সেক্কে তা খচ্চর্‌‌বোত্‌ উদিনে যার্‌। খচ্চর্‌‌বো দাঙর্‌ এক্কো এলোন গাজর্‌ ডেলা পাদালোই ভোজ্যে তলেন্দি যেবার্‌ অক্তত্‌ অবশালোমর্ মাধাবো গাজত্‌ আক্‌সো গেলঅ। যে খচ্চর্‌‌বো উগুরে তে উদি যার্‌ সিবে গেলগোই আর তে শূন্য অবস্থায় টাঙেয়্যে রলঅ।

২ বংশধর 33:11

সেনত্তে লগেপ্রভু তারা বিরুদ্ধে আসিরিয়ার রাজার সেনাপতিগুনো ইদু আনিলো। তারা মনঃশিরে বন্দী গুরিনে তা কিয়্যেত্‌ হেবা লাগেইনে পিদোল শিগোললোই বানিনে বাবিলোত্‌ নেযেলাক্‌।

ইয়োব 10:16

যুনি মুই মাধা অজল্‌ গরং সালে তুই সিংহ ধোক্ক্যেন্ মত্তেই হাপ্‌ দি থেবে আর মরে আরঅ তর্‌ দর্‌গরেপারা বল্‌ দেগেবে।

উপদেশক 9:12

কনজনে হবর্ ন-পান্ তার্ মরণর্ অক্তবো কক্কে এবঅ। যেধোক্ক্যেন্ গুরিনে মাছে জালত্ ধরা পড়ন্ আর পেগ্‌কুনে ফালত্ পড়ন্ সেধোক্ক্যেন্ গুরিনে দজা অদাতৎ মান্‌জ্য উগুরে এজে আর তারে ফালত্ ফেলায়।

যিরমিয় 2:9

সেনত্তে মুই তমারে আর তমা বংশধরুনোরে আরঅ দুষি বানেম।

যিরমিয় 34:21

“যে শত্রুগুনে যিহূদার রাজা সিদিকিয় আর তার চাগরুনোরে মারে ফেলেবাত্তে চায় মুই সে শত্রুগুনো আঢত্ তারারে তুলি দিম। বাবিল রাজার যে সৈন্যদলুন তমা কায়-কুরেত্তুন্ যেয়োন্দোই মুই তারা আঢত্ তমারে তুলি দিম।

যিরমিয় 37:17

সে পরেদি রাজা সিদিকিয় মানুচ্ পাধেইনে তারে রাজঘরত্ ডাগি আনিনে ভিদিরে ভিদিরে পুযোর্ গুরিলো, “লগেপ্রভুর কনঅ কধা আঘে নাকি?” জোবত্ যিরমিয় কলঅ, “অয়, আঘে। তরে বাবিল রাজার আঢত্ তুলি দিয়্যে অবঅ।”

যিরমিয় 50:44

যর্দনর ঝারত্তুন্ সিংহ যেবাবোত্যেগুরি উদি এইনে দোল্ চোরেয়্যে ভূইয়োত্ শিগের্ গুরিবাত্তে যায় সেবাবোত্যেগুরি মুই কানক্কণ্ ভিদিরে বাবিলীয়গুনোরে তারার দেজত্তুন্ লোড়েই দিম্। মুই সিয়েন উগুরে মর্ বেঈ লোইয়্যে মানুচ্চোরে নেযেম। কন্না মঅ সং সং? কন্না মঅ বিরুদ্ধে থিয়্যেই পারে? কন্ গরগে মঅ বিরুদ্ধে টিগি থেই পারে?”

আবিলেচ্ 1:13

তে উগুরেত্তুন্ মঅ আড়্‌গড়াগুনো ভিদিরে আগুন পাদেয়্যে। মঅ টেঙানিত্তে তে জাল বিজেয়্যে আর মরে পিজেদি ফিরদে বাধ্য গোজ্যে। তে মরে মানুচ্ নেইয়্যে গোজ্যে, গদাদিন্নো বল্‌‌‌পোজ্যে গুরি রাগেয়্যে।

আবিলেচ্ 4:20

যিবে লগেপ্রভুর বেঈ লোইয়্যে, যিবে আমার জিংকানির বোইয়্যের্, তে তারার ফালত্ ধরা পোজ্যে; মাত্তর্ আমি মনে গোজ্যেদে তা ছাবাত্ জাদ্‌তুনো ভিদিরে আমি বজত্তি গুরিবোং।

যিহিষ্কেল 12:13

মুই তাত্তে জাল্ পাদিম্ আর তে মঅ ফালত্ পড়িবো। মুই তারে বাবিলীয়গুনোর দেজত্ বাবিলোত্ নেযেম, মাত্তর্ তে সিয়েন রিনি ন-চেবঅ; সিয়োদোই তে মুরি যেবঅ।

যিহিষ্কেল 15:8

দেজ্‌চান মুই মানুচ্ নেইয়্যে গুরিম, কিত্তে তারা অবিশ্বেজি ওইয়োন্। মুই প্রভু লগেপ্রভু এ কধাগান কঙর্।”

যিহিষ্কেল 17:19

“‘মুই প্রভু লগেপ্রভু মর্ জিংকানির নাঙে কঙর্, তে মঅ নাঙে শমক্ গুরিনে সিয়েনি ঈচ্ গোজ্যে আর অধীনতার চুক্তিগান ভাঙে বিলিনে তা ফল মুই তারে দিম।

যিহিষ্কেল 18:24

মাত্তর্ যুনি এক্কো গম্ মানুচ্ তা সততাত্তুন্ ফিরিনে পাপ গরে আর পাজি মান্‌‌জ্য ধোক্ক্যেন জঘন্য কাম গরে সালে তে কি বাঁজিবো? তার কনঅ গম্ কাম সেক্কে মুই মনে ন-গুরিম। তার কনঅ গম্ কামানি সেক্কে মুই মনে ন-গুরিম। তার অবিশ্বেজ্ আর পাপত্তে তে মুরিবো।

যিহিষ্কেল 32:3

মুই প্রভু লগেপ্রভু কঙর্, মানুচ্চুনোর এক্কো দাঙর্ দল নিইনে মুই তঅ উগুরে মঅ জালান্ ফেলেম; তারা মঅ জালান্দোই তরে টানি তুলিবাক্।

যিহিষ্কেল 38:22

মুই ভানা আর লো ঝোরেইনে গোগরে সাজা দিম্; মুই অমকদ ঝড়, শিল্ আর জ্বোল্ জোল্যে গন্ধক তা উগুরে, তা সৈন্যগুনো উগুরে আর তা লগে বেক্ জাদ উগুরে ঢালি দিম।

হোশেয় 2:2

তমা মাবোরে গেইল্ দুয়ো, গেইল্ দুয়ো তারে, কিত্যে তে মর্ মোগ্ নয় আর মুইয়ো তার নেক্ নয়। তে তার্ চোগো টার্ মারানাত্তুন্ বেশ্যেগিরি আর তা বুগোত্তুন্ বেভিচের্ দূর গোরোক্।

হোশেয় 7:12

তারা যেক্কে যেবাক্ সেক্কে মুই তারা উগুরে মঅ জালান্ ফেলেম; আগাজ পেগ্‌‌‌‌‌‌‌‌‌কুনো ধোক্ক্যেন গুরি মুই তারারে টানিনে লামেম্। ইস্রায়েলীয়গুনো ইধু যেবাবোত্যে কুয়ো ওইয়্যে সেবাবোত্যেগুরি মুই তারারে সাজা দিম।

মীখা 6:2

ও মুড়ো-মুড়িগুন, তুমি লগেপ্রভুর আবিত্তিগানি শুনো; ও পিত্‌‌‌‌‌‌‌‌‌‌থিমীর উমর খুদোগুন, তুমিয়ো শুনো। ইয়েনর কারনান্ তা মানুচ্চুনো বিরুদ্ধে লগেপ্রভুর কিজু কবার্ আঘে; তে ইস্রায়েল বিরুদ্ধে এক্কান মাম্‌‌‌‌‌‌‌‌‌‌‌লা দিয়্যে।