যিহিষ্কেল 17:16 - Chakma Bible

¹⁶ মুই প্রভু লগেপ্রভু মর্ জিংকানির দিব্য দিইনে কঙর্, তারে যে রাজাবো সিংহাসনত্ বোজেল, যিবের্ শমক্তানরে তে ঈচ্ গুরিলো, আর যিবের্ চুক্তি তে ভাঙি ফেলেল তে সেই রাজার দেজত্ বাবিলোত্ মুরি যেবঅ।

যিহিষ্কেল 17:16 ပူးပေါင်းရင်းမြစ်များ

২ শমূয়েল 21:2

রাজা সেক্কে গিবিয়োনীয়গুনোরে ডাগিনে তারা লগে কধা কলঅ। গিবিয়োনীয়গুনে ইস্রায়েলীয় ন-এলাক্। আজলে তারা এলাক্কে ইমোরীয়গুনোর বাঁজি রোইয়্যে মানুচ্‌। তারারে ভস্ত ন-গুরিবাক্ বিলিনে ইস্রায়েলীয়গুনে শমক্‌ হেইয়োন, মাত্তর্‌ ইস্রায়েল আর যিহূদার উগুরে বিশেজ্ আওজত্তে শৌল তারারে বেক্কুনোরে মারে ফেলেবার চেট্ট্যা গুরিলো।

২ রাজাবলী 24:17

তে যিহোয়াখীনোর জাগানত্‌ তা কুদ্‌‌তোবোয়ো মত্তনিয়রে রাজা বানেল আর তা নাঙান বদলে সিদিকিয় রাগেল।

২ রাজাবলী 24:20

যিরূশালেম আর যিহূদার মানুচ্চুনোর কারনে লগেপ্রভু রাগে জুলি উদিলো আর যেরেন্দি তে তা মুজুঙোত্তুন্‌ তারারে দূর্‌ গুরি দিলো। পরেন্দি সিদিকিয় বাবিলোর রাজার বিরুদ্ধে উল্লোমী গুরিলো।

গীতসংহিতা 15:4

ঘিনাইদে মানুচ্চুনোরে ছাড়িনে যায় আর লগেপ্রভুর্ ভক্তগুনোরে সর্মান গরে, ক্ষেতি অলেয়ো এগেমান্ রোক্ষ্যে গরে,

যাত্রা 20:7

কনঅ‌ ভান্ন্যেই আশাই তুমি তমার গোজেন লগেপ্রভুর্‌ নাঙান্‌ ন-গিনিবা। যিবে সিয়েন্‌ গুরিবো তারে লগেপ্রভু সাজা-দিবো।

যাত্রা 8:2

যুদি তুই তারারে যেবাত্তে ন-দুয়োচ্‌ সালে পুরো দেজ্‌ছান উগুরে মুই বেঙর্ তামাজা গুরিবাত্তে যাঙর্।

যিরমিয় 34:21

“যে শত্রুগুনে যিহূদার রাজা সিদিকিয় আর তার চাগরুনোরে মারে ফেলেবাত্তে চায় মুই সে শত্রুগুনো আঢত্ তারারে তুলি দিম। বাবিল রাজার যে সৈন্যদলুন তমা কায়-কুরেত্তুন্ যেয়োন্দোই মুই তারা আঢত্ তমারে তুলি দিম।

যিরমিয় 39:7

সে পরেদি তে সিদিকিয়র চোগ্‌কুন্ তুলি ফেলেইনে তারে বাবিলোত্ নেযেবাত্তে পিদল শিগোল্লোই বানিলাক্।

যিরমিয় 52:11

সে পরেদি তে সিদিকিয়র্ চোগ্ দ্বিবে তুলি ফেলেল, তারে পিদোল শিগোল্লোই বানিনে বাবিলোত্ নেযেল আর তে ন-মরানা সং তারে জেলখানাত্ রাগেল।

যিহিষ্কেল 12:13

মুই তাত্তে জাল্ পাদিম্ আর তে মঅ ফালত্ পড়িবো। মুই তারে বাবিলীয়গুনোর দেজত্ বাবিলোত্ নেযেম, মাত্তর্ তে সিয়েন রিনি ন-চেবঅ; সিয়োদোই তে মুরি যেবঅ।

যিহিষ্কেল 16:59

“তর্ কাম মজিম্ মুই তঅ লগে বেবহার গুরিম, কিত্যে তুই মর্ থিদেবর্ গোজ্যে সুদোমান ভাঙিনে মর্ শমক্তান্ তুচ্ছো গোজ্যস্।

যিহিষ্কেল 17:10

যুনিয়ো তারে গমেডালে লাগা ওইয়্যে তো তে ন-বাঁজিবো। যে ভুইয়োত্ তে বাড়ি উঠ্যে সিয়েনত্ পূগো বোইয়্যেরে তে এক্কুবারে শুগেই যেবঅ।’”

যিহিষ্কেল 17:13

সে পরেদি তে রাজপরিবারর্ একজন সমারে চুক্তি গুরিনে তারে তার বাধ্য থেবাত্তে শমক্ হাবেল। তে দেজর্ আজল্ আজল্ মানুচ্চুনোরে ধুরি নেযেল যেনে সেই রেজ্যগানর্ অধিনে রাগা যায় আর সিয়েন খেমতাবলা ওইনে উদি ন-পারে মাত্তর্ চুক্তি রোক্ষ্যে গুরিনে টিগি টেই পারে।

যিহিষ্কেল 21:23

যিরূশালেমর যে মানুচ্চুনে বাবিল রাজার অধীনোত্ থেবার শমক্ হেইয়োন তারা ইধু এই গোণা-পড়া মিজে মনে অবঅ, মাত্তর্ তারার দুষোর্ কধানি তে তারারে ইদোত্ তুলি দিবো আর তারারে বন্দী গুরি নেযেব।

হোশেয় 10:4

মানুচ্চুনে বোউত্ বাজে কধা কন্ আর চুক্তি গুরিবার সময় মিজে শমক্ খান। সেনত্তে চাজ্ গোজ্যে ভূইয়োত্ বিষবলা হেরপদনা ধোক্ক্যেন মামলা-মগদ্দমা গেজেই উদে।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

রোমীয় 1:31

গম্-ভান্ন্যেয়র্ জ্ঞান্ তারাত্তুন্ নেই, আর তারা অবিশ্বেজি। পরিবার ইন্দি তারার্ কোচ্‌পানা নেই আর তারার্ মনত্ দোয়্যে-মেয়্যে নেই।

১ তীমথিয় 1:10

যিগুনে সিনেলী গরন, যিগুনে সমকামী, যিগুনে চাগর বেবসা গরন্, যিগুনে মিজে কধা কন্ আর মিজে সাক্ষি দুয়োন, আর যিগুনে সত্য শিক্ষ্যের বিরুদ্ধে অন্য কনঅ কাম্ গরন।

২ তীমথিয় 3:3

তারা ইধু কোচ্‌পানা জিনিস্‌চান ন-থেবঅ, আর তারা কোল্-কোজ্জ্যে গুরিনে মিলেমিলি ন-অবাক্। তারা পররে বন্নাং গুরিবাক্, নিজোরে দোঙেই ন-পারিবাক্, চিৎ-নপুজ্জ্যে অবাক্, আর যিয়েন গম্ সিয়েন ঘিনেবাক্।

যিহোশূয় 9:20

তো আমি তারাত্ত্যেই এই কামান্‌ গুরিবোং, আমি তারারে পরাণে ন-মারিবোং যেনে আমি তারা ইদু যে শমক্তান্‌ গোজ্যেই সিয়েন ভাঙিবার কারনে লগেপ্রভুর রাগ্‌কান্‌ আমা উগুরে ন-পড়ে।”