যিহিষ্কেল 17:15 - Chakma Bible

¹⁵ মাত্তর্ সেই শাজন্‌গুরিয়্যেবো ঘোড়া আর এক্কো দাঙর্ সৈন্যদল পেবাত্তে মিসরত্ দূত পাধেইনে বাবিল রাজার বিরুদ্ধে উল্লোমী গুরিলো। তে কি সফল অবঅ? যে এই কামানি গরে তে কি রেহাই পেবঅ? শমক্ ভাঙিলে কি তে রোক্ষ্যে পেবঅ?

যিহিষ্কেল 17:15 ပူးပေါင်းရင်းမြစ်များ

২ রাজাবলী 24:20

যিরূশালেম আর যিহূদার মানুচ্চুনোর কারনে লগেপ্রভু রাগে জুলি উদিলো আর যেরেন্দি তে তা মুজুঙোত্তুন্‌ তারারে দূর্‌ গুরি দিলো। পরেন্দি সিদিকিয় বাবিলোর রাজার বিরুদ্ধে উল্লোমী গুরিলো।

২ বংশধর 36:13

ইয়েনিবাদে রাজা নবূখদ্‌নিৎসর, যিবে গোজেনর নাঙে তারে শমক্‌ খাবেয়্যে, তার্‌ বিরুদ্ধে তে উল্লোমি গুরিলো। তে একগেয়েমি গুরিনে আর নিজো মনান্‌ দর গুরিনে ইস্রায়েলর গোজেন লগেপ্রভুর ইন্দি ন-ফিরিলো।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

গীতসংহিতা 56:7

অন্যেয়ত্তে কি তারা সাজা ন-পেবাক্? ও গোজেন, তুই রাগে জাদ্‌তুনোরে ভস্ত গর্।

গম্ উপদেজ্ 19:5

মিজে সাক্ষিগুনে সাজা পেবাক্কে পেবাক্; যে সাক্ষিবো মিজে কধা কয় তে রেহাই ন-পেবঅ।

যিশাইয় 36:5

মুই কঙত্তে তর্ যুদ্ধো গুরিবার বুদ্ধি আর খেমতার কধানি বানা মুয়ো কধা। কদে চাং, তুই কা উগুরে বিশ্বেজ্ গুরিনে মঅ বিরুদ্ধে উল্লোমি গরর্?

যিরমিয় 32:4

যিহূদার রাজা সিদিকিয় বাবিলো রাজা আঢত্তুন্ রেহাই ন-পেবঅ বরং তারার রাজার আঢত্ তারে ঘেচ্চেকগুরি তুলি দিয়্যে অবঅ। বাবিলো রাজার মুয়োমি ওইনে তে কধা কবঅ আর নিজো চোগেদি তারে দেগিবো।

যিরমিয় 34:3

তুই তা আঢত্তুন্ রেহাই ন-পেবে; তরে ঘেচ্চেকগুরি ধুরিনে তা আঢত্ দিয়্যে অবঅ। তুই নিজো চোগেদি বাবিলো রাজারে দেগিবে; তে তর্ মুয়োমি ওইনে তঅ সমারে কধা কবঅ, আর তুই বাবিলোত্ যেবে।

যিরমিয় 38:18

মাত্তর্ যুনি বাবিল-রাজার সেনাপতিবো ইধু উদি যানা স্বিগের্ ন-গরচ্ সালে এ শঅরান বাবিলীয়গুনো আঢত্ তুলি দিয়্যে অবঅ আর তারা ইয়েন পুড়ি ফেলেই দিবাক্; আর তুই নিজেয়ো তারা আঢত্তুন্ রোক্ষ্যে ন-পেবে।’ ”

যিরমিয় 38:23

তর্ বেক মোগ্ আর ঝি-পুয়োগুনোরে বাবিলীয়গুনো ইধু নেযা অবঅ। তুই নিজেয়ো তারা আঢত্তুন্ রোক্ষ্যে ন-পেবে বরং বাবিল রাজা আঢত্ ধরা পুরিবে, আর এ শঅরান পুড়ি দিয়্যে অবঅ।”

যিরমিয় 52:3

যিরূশালেম আর যিহূদার মানুচ্চুনোত্যে লগেপ্রভু রাগে ফুলি উঠ্যে আর যেরেদি তে তা মুজুঙোত্তুন্ তারারে দূর্ গুরি দিয়্যে। পরেদি সিদিকিয় বাবিল রাজার বিরুদ্ধে উল্লোমি গুরিলো।

যিহিষ্কেল 17:18

তে দঅ চুক্তি ভাঙিনে শমক্তান্ ঈচ্ গোজ্যে। তে অধীনতার চুক্তি গুরিনেয়ো এ কামানি গোজ্যে বিলিনে রেহাই ন-পেবঅ।

যিহিষ্কেল 17:7

মাত্তর্ সিয়েনত্ পোর্‌লোই ঢাক্যে দাঙর্ ডুয়োবলা আর এক্কো দাঙর্ ঈগল এলঅ। সেই লুদিগানে পানি পেবাত্তে তা শিঙোরানি আর আগাগুন সিয়েনত্তুন্ সেই ঈগল ইন্দি বাড়েই দিলো।

যিহিষ্কেল 17:9

“তুই তারারে কঅ, প্রভু লগেপ্রভু কোইয়্যেদে, ‘তে কি বাড়ি উদিবো? তে যেনে শুগেই যায় সেনত্তে কি তারে উগুরে ফেলেইনে তা ফলুন্ ফেলেই দিয়্যে অবঅ? তার্ নুয়ো গোজেয়্যে আগা বেক্কুন শুগেই যেবাক্। তার শিঙোর্ ধুরি তুলি ফেলেবাত্তে কনঅ খেমতাবলা আঢ্ বা ভালোক্কুন মানুচ্ ন-লাগিবাক্।

যিহিষ্কেল 21:25

ও অসিজি আর পাজি ইস্রায়েলর রাজা, তঅ দিন্নো আজিল্ ওইয়্যে, তর্ সাজার্ সময় এচ্চ্যে।

যিহিষ্কেল 21:28

“ও মান্‌জ্যর পুয়োবো‌‌‌, তুই আগাম্ কধা কঅ, অম্মোনীয়গুনো পৌইদ্যেনে আর তারার্ অগমানর্ পৌইদ্যেনে প্রভু লগেপ্রভু কোইয়্যেদে, ‘এক্কান লাম্বাছুরি ধোক্ক্যেন ঝিমিলায়।

যিহিষ্কেল 23:20

সিদু তে এমন অমকদ পেরেত্যে মানুচ্চুনোরে আজা গুরিদো যিগুনে এলাক্ গাধা আর ঘোড়া ধোক্ক্যেন্ পেরেত্যে।

যিহিষ্কেল 29:16

ইস্রায়েলীয়গুনে আর কনদিন্‌অ মিসর উগুরে বিশ্বেজ্ ন-গুরিবাক্। মিসরর্ অবস্থাগান্ দেগিনে তারা বুঝি পারিবাক্, সাহায্যত্তে মিসর ইন্দি ফিরিনে তারা পাপ গোজ্যন্। সেক্কে তারা হবর্ পেবাক্, মুয়ই প্রভু লগেপ্রভু।’”

যিহিষ্কেল 29:7

তারা তরে আঢ্‌‌তোই ধুরিলে পরেদি তুই ফাদি যেইনে তারার্ কানা উগুরে আঘাত্ গুরিদে। তারা যেক্কেনে তঅ উগুরে ভর্ দিদাক্ সেক্কে তুই ভাঙি যেদে আর তারার্ পিঠ্‌‌তানি সেক্কে মজরা যেদঅ।

মথি লেখ্যে গম্ হবর্ 23:33

সাপ দল আর সাপর বংশগুন! কেধোক্ক্যেন্ গুরি তুমি নরগর্ সাজাত্তুন্ রোক্ষ্যে পেবা?

দ্বি’লম্বর বিররণ 17:16

সে রাজাবো যেনে নিজোত্তে ভালোক্কুন ঘোড়া যুগুলোনার ইন্দি মন্‌ ন-দে আর যেরেন্দি আরঅ ঘোড়া যুগুলেবাত্তে ইস্রায়েলীয়গুনোরে মিসর দেজত্‌ ন পাদায়, কিত্যে লগেপ্রভু তমারে কোইয়্যেদে, তুমি সেই পথ্‌তানন্দি আর্‌ ফিরি ন যেবা।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

যিহোশূয় 9:20

তো আমি তারাত্ত্যেই এই কামান্‌ গুরিবোং, আমি তারারে পরাণে ন-মারিবোং যেনে আমি তারা ইদু যে শমক্তান্‌ গোজ্যেই সিয়েন ভাঙিবার কারনে লগেপ্রভুর রাগ্‌কান্‌ আমা উগুরে ন-পড়ে।”