যিহিষ্কেল 16:8 - Chakma Bible

⁸ পরেদি মুই তঅ কায়-কুরেদি যেবার অক্তত্ তন্দি রিনি চেইনে দেগিলুং, তর্ ইক্কিনে প্রেম গুরিবার সময় ওইয়্যে; সেনত্তে মঅ পোজাগর্ কিজু ভাগ্ মুই তঅ উগুরে বিজেই দিইনে তর্ লাংটা-বাংটাগান নাঢি দিলুং। মুই তইধু শমক্ হেইনে তঅ সমারে চুক্তি গুরিলুং, আর সেক্কে তুই মর্ অলে।

যিহিষ্কেল 16:8 ပူးပေါင်းရင်းမြစ်များ

যাত্রা 32:13

তঅ চাগর্‌ অব্রাহাম, ইস্‌হাক আর ইস্রায়েলর কধা মনত্‌ তুল্। তুই নিজোর্‌ নাঙে শমক্‌ খেইনে তারারে কোইয়োচ্‌, তারার্‌ বংশধরুনোরে আগাজ তারা ধোক্ক্যেন গুণি ন-পুড়েইয়্যে গুরি তুলিবে আর তর্‌ শমক্‌ খেইয়্যে দেজ্‌চান পুরো বেক্কানই উমরর্ অধিকার ইজেবে তারার্‌ বংশধরুনোরে দিবে।

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিশাইয় 43:4

মুই তঅ বদলে অন্য মানুচ্চুনোরে দিম্ আর তঅ পরাণানর্ বদলে অন্য জাদ্‌তুনোরে দিম, কিত্তে তুই মঅ চোগেদি মূল্যবান আর সর্মান পেইয়্যে, আর মুই তরে কোচ্‌‌পাং।

যিরমিয় 31:3

সে অক্তত্ ইস্রায়েলীয়গুনে কোইয়োন, লগেপ্রভু দূরোত্তুন্ তারারে দেগা দিয়্যে। সেক্কে লগেপ্রভু তারারে কোইয়্যেদে, “অমকদ কোচ্‌‌পানালোই মুই তমারে কোচ্‌‌পেইয়োং; অমকদ কোচ্‌‌পানালোই মুই তমারে কায়কুরে টান্যং।”

যিরমিয় 31:32

মিসর দেজত্তুন্ তারার পুরোণি মানুচ্চুনোরে মুই আঢ্‌‍‍‍‍‍‍‍‍তানি ধুরিনে নিগিলেই আনিবার অক্তত্ তারাত্তে যে সুদোমান থিদেবর্ গোজ্যং এ নূয়ো সুদোমান সেই সুদোমান ধোক্ক্যেন ন-অবঅ। মুই যুনিয়ো তারার নেগ ধোক্ক্যেন এলুং তো তারা মঅ সুদোমান ভাঙ্যন্। ‍

যিহিষ্কেল 16:6

মুই তঅ মুজুঙেদি যেবার অক্তত্ তরে লোগানত্ ছদ্‌‌ফদাদে দেগিলুং। সেক্কে মুই তরে উগুম দিলুং যেন তুই তর্ লো-লোই বাঁজি থাচ্।

হোশেয় 11:1

লগেপ্রভু কত্তে, ইস্রায়েল চিগোন অক্তত্ মুই তারে কোচ্‌পেদুং আর মিসরত্তুন্ মর্ পুয়োবোরে ডাগি আন্যং।‌‌‌‌‌‌

হোশেয় 2:15

মুই সিদু তার আংগুর খেত্‌‌‌তান তারে ফিরেই দিম আর আখোর্ কলগ্‌‌‌কানরে আজার দোর্ বানেম। তার গাবুজ্যে জিংকানি ধোক্ক্যেন গুরি তে সিদু গীদ্ গেইনে জোব্ দিবো যেবাবোত্যেগুরি তে দিয়্যে মিসরত্তুন্ নিগিলি এবার্ দিনোত্।

হোশেয় 2:7

তে তার্ লাঙেগুনো পিজেদি যেবঅ মাত্তর্ তারারে ধুরি ন-পারিবো; তে তারারে তোগেব মাত্তর্ ন-পেবঅ। সেক্কে তে কবঅ, মুই মর্ পত্তম্ নেক্কো ইধু ফিরি যেইম্, কিত্যে সেক্কে মুই ইত্তুন্ বেশ্ গমে এলুং।

মালাখি 1:2

লগেপ্রভু কত্তে, “মুই তমারে কোচ্‌পেইয়োং‌,” মাত্তর্ তুমি কত্তে, “তুই কেধোক্ক্যেন গুরি আমারে কোচ্‌‌পেইয়োচ্?” ইয়েনর্ জোবত্ লগেপ্রভু কত্তে, “এষৌ কি যাকোবর ভেই ন-এলঅ? তো দঅ মুই যাকোবরে কোচ্‌পেইয়োং মাত্তর্ এষৌরে এলাফেলা গোজ্জ্যং। মুই তা মুড়োগুন ভস্তর্ জাগা বানেয়োং আর তার জাগাগান ধূল্যেচর-চাগালার শিয়েলুনোরে দুয়োং।”

রোমীয় 5:8

মাত্তর্ গোজেনে যে আমারে কোচ্‌পায় সিয়েনর্ প্রমাণ্ ইয়েন্, আমি পাপী থাগদে খ্রীষ্ট আমাত্যে পরাণান্ দিয়্যে।

দ্বি’লম্বর বিররণ 4:31

তমা গোজেন লগেপ্রভু দোয়্যেবলা; তে তমারে ফেলেইনে ন-যেবঅ বা ভস্ত ন-গুরিবো, বা শমক্‌ খেইনে তমা পুরোণি মানুচ্চুনোত্তে যে সুদোমানি থিদেবর্ গোজ্যে সিয়েনি ভুলি ন-যেবা।

রূত 3:9

তে তারে পুজোর গুরিলো, “কন্না তুই?” রূতে কলঅ, “মুই তর্‌ চাগরানি রূত। তুই তঅ কাবড় তলে তর্‌ এই চাগরানিবোরে আশ্রয় দে, কিত্যে তুই মর্‌ কাম ভারান্ লোইয়্যে কুদুম্মোগুনো ভিদিরেত্তুন এক্কো।”

১ শমূয়েল 12:22

লগেপ্রভু তার দাঙর্‌ নাঙানত্তে তার মানুচ্চুনোরে কনদিনঅ ছাড়ি ন-যেবঅ, কিত্যে তে নিজোর্ আওজ্‌‌লোই তমারে তার নিজোর মানুচ্‌ ইজেবে নেযেয়্যে।