যিহিষ্কেল 16:62 - Chakma Bible

⁶² মুই তত্তে মর্ সুদোমান থিদেবর্ গুরিম, আর তুই হবর্ পেবেদে যে, মুয়ই লগেপ্রভু।

যিহিষ্কেল 16:62 ပူးပေါင်းရင်းမြစ်များ

যিরমিয় 24:7

মুয়ই যে লগেপ্রভু সিয়েন হবর্ পেবার মনান্ মুই তারারে দিম। তারা মর্ মানুচ্ অবাক্ আর মুই তারার গোজেন ওম্, কিত্তে বেক্ মনান্ দিইনে তারা মইধু ফিরি এবাক্।

যিহিষ্কেল 16:60

তো তর্ কম বয়জত্ তত্তে মুই যে সুদোমান থিদেবর্ গোজ্যং সিয়েন মুই মনে গুরিম আর তত্তেই এক্কান উমরর্ সুদোম থিদেবর্ গুরিম।

যিহিষ্কেল 20:37

মঅ লুদিক্কো তলেদি তমাত্তুন যাহ্ পুরিবো; মর্ সুদোমর্ দুড়িগান্দোই মুই তমারে বানিম।

যিহিষ্কেল 34:25

“‘মুই তারাত্তে ভালেদির্ এক্কান বেবস্থা থিদেবর্ গুরিম আর দেজত্তুন্ চিৎনপুজ্যে য়েমানুনোরে শেজ্ গুরিম যেনে তারা গমেডালে ধূল্যেচর-চাগালাত্ বজত্তি গত্তে আর ঝার-জংগলত্ ঘুমেই পারন্।

যিহিষ্কেল 37:26

মুই তারাত্তে এক্কান ভালেদির্ বেবস্থা থিদেবর্ গুরিম; সিয়েন অবঅ এক্কান্ উমরর্ বেবস্থা। মুই তারারে খেমতাবলা গুরিম আর তারারে জনেদি বাড়েই দিম আহ্ মঅ ঘরান্ মুই উমরত্তে তারা ভিদিরে থিদেবর্ গুরিম।

যিহিষ্কেল 39:22

সেদিন্যেত্তুন্ ধুরি ইস্রায়েলীয়গুনে হবর্ পেবাক্, মুয়ই তারার গোজেন লগেপ্রভু।

যিহিষ্কেল 6:7

আর তমা ভিদিরে তমা মানুচ্চুনে মুরিনে পড়ি থেবাক্। ইয়েনি অনার্ পরেদি তুমি হবর্ পেবা যে, মুয়ই লগেপ্রভু।

দানিয়েল 9:27

সাত বজরত্তে বোউত্ মান্‌‌‌‌‌‌‌জ্য লগে সেই শজন্‌গুরিয়্যেবো মিলে-মিলি গুরিবো, মাত্তর্ সাত বজরর্ সংমোধ্যে তে য়েমান আর শোজ্য উৎসর্ব গরানা বন্ধ গুরি দিবো। সেই ভস্তগুরিয়্যেবো উগুরে ঠিগ্ গোজ্যে সাজা পুরোপুরিভাবে ঢালি ন-দেনা সং উবোসনা-ঘর ভিদিরে যে সর্বনাশা ঘিনেইদ্যে জিনিস্ রাগেবে।”

যোয়েল 3:17

লগেপ্রভু কত্তে, সেক্কে তুমি হবর্ পেবা যে, মুয়ই তমার্ গোজেন লগেপ্রভু; মুই সিয়োনত, মর্ সুদ্ধো-সাংগ মুড়োবোত্ বজত্তি গরং। যিরূশালেমান সুদ্ধো-সাংগ অবঅ; বিদেশীগুন আর কনদিন্‌অ সিদু ন-যেবাক্।