যিহিষ্কেল 16:6 - Chakma Bible

⁶ মুই তঅ মুজুঙেদি যেবার অক্তত্ তরে লোগানত্ ছদ্‌‌ফদাদে দেগিলুং। সেক্কে মুই তরে উগুম দিলুং যেন তুই তর্ লো-লোই বাঁজি থাচ্।

যিহিষ্কেল 16:6 ပူးပေါင်းရင်းမြစ်များ

যিশাইয় 14:19

মাত্তর্ তরে গাজর্ বাদ দিয়্যে ডেলা ধোক্ক্যেন্ গোর বারেদি ফেলেই দিয়্যে ওইয়্যে। তলোয়ার্‌লোই যিগুনোরে মারে ফেলেইনে গোরর্ বেগত্তুন্ তলে জাগানত্ পাদা ওইয়্যে তারা কিয়্যেগানিলোই তুই নাঢা যেইয়োচ্। তুই টেঙোই মাজ্যে মরাকিয়্যে ধোক্ক্যেন্ ওইয়োচ্।

যিশাইয় 51:23

মুই সেই গলচ্চো তঅ অত্যেচারিগুনো আঢত্ তুলি দিম, যিগুনে তরে কদাক্, ‘মাঢা নিগিরিনে পড়, যেনে আমি তঅ উগুরেদি আঢি যেই পারিই।’ তঅ উগুরেদি আঢি যেবাত্তে তুই তঅ পিঠ্‌তানরে ভূই আর পধ ধোক্ক্যেন গোজ্যস্।”

যিহিষ্কেল 16:22

তর্ বেক জঘন্য কামানিত্ আর তর্ সিনেলীত্ তুই তর্ চিগোন অক্তর্ কধানি ইদোত্ ন-তুলোচ্ যেক্কে তুই লাংটা-বাংটা এলে আর উট্যেবুট্যে নিজো লো-গান উগুরে ছদফদর্।

যিহিষ্কেল 16:5

কনজনে তরে মেয়্যেলি চোগেদি ন-দেগন্ বা তঅ উগুরে ইয়েনি গুরিবাত্তে কারঅ মনত্ দোয়্যেও ন-জাগে। তরে বরং খুলো মাদত্ ফেলেই রাগা ওইয়্যে, কিত্তে যেদিন্যে তুই জোর্মেয়োচ্ সেদিন্যে তরে ঈচ্ গরা ওইয়্যে।

যিহিষ্কেল 16:7

মুই তরে খেদর্ চারা ধোক্ক্যেন দাঙর্ গুরি তুলিলুং। তুই দাঙর্ ওই উদিনে হার্‌কোজ্যে গাবুর্ অলে, তঅ বুগ্‌কো দাঙর্ অলঅ, কেশ্ উদিলো, মাত্তর্ তুই লাংটা-বাংটা আর কাবড় ছাড়া এলে।

মীখা 7:10

সেক্কে আমা শত্রুগুনে সিয়েন দেগিনে অমকদ লাজেবাক্। তারা দঅ আমারে কদাক্, “তমার্ গোজেন লগেপ্রভু কুধু?” মাত্তর্ আমা চোগ্‌‌‌কুনে তারারে পত্তে দেগিবাক্; এন্ কি, পধ কাদা ধোক্ক্যেন তারারে টেঙোই মাড়া অবঅ।‌

মথি লেখ্যে গম্ হবর্ 5:13

তুমি পিত্‌‌থিমীর নুন্, মাত্তর্ যুনি নুনোর্ সুয়োত্তান্ বর্‍‍‍‍‍‍বাদ্ ওই যায় সালে কেধোক্ক্যেন্ গুরিনে সিয়েন আরঅ নুন্‌‌‍যো গরা যেবঅ? সেই নুনান্ আর কনঅ কামত্ ন-লাগে। সিয়েন বানা বারেদি ফেলে দিবার আর মান্‌‌জ্য টেঙোই উড়েদে ধোক্ক্যেন্ যগাজ্যে অয়।

যোহন 5:25

মুই তমারে ঘেচ্চ্যেক্‌গুরি কঙর্, এন্ অক্ত এজের্, বরং ইক্কিনে এচ্চ্যে, যেক্কে মরাগুনে গোজেন পুয়োবোর্ কধা রঅ শুনিবাক্ আর যিগুনে শুনিবাক্ সিগুনে জেদা অবাক্।

প্রেরিত্‌ 7:34

মিসর দেজত্ মঅ মানুচ্চুনো উগুরে যে অত্যেচার্ অর্ সিয়েন মুই দেক্ক্যং। মুই তারার্ কোজোলি গরানাগানি শুন্ন্যং আর তারারে উদ্ধোর্ গুরিবাত্যে লামি এচ্চ্যং। ইক্কিনে মুই তরে মিসর দেজত্ ফেরৎ পাধেম্।”

রোমীয় 9:15

“মর্ যিবেরে আওজ্ তারে দোয়্যে গুরিম, যিবেরে আওজ্ তারে মেয়্যে গুরিম।”

দ্বি’লম্বর বিররণ 9:4

তমার গোজেন লগেপ্রভু তমা মুজুঙোত্তুন্‌ তারারে ধাবেই দেনার্‌ পরেন্দি তমাত্তুন কনজনে যেন মনে মনে কই ন-পারন, মুই ধার্মিক বিলিনে লগেপ্রভু এ দেজ্‌ছান্‌ গজক্ গুরিবাত্তে মরে ইদু আন্যে। আসলে সিয়েন্‌ নয়; এ বেক্‌ জাদর্‌ মানুচ্চুনোর্‌ ভান্ন্যেই কামানিত্যেই লগেপ্রভু তমা মুজুঙোত্তুন্‌ তারারে ধাবেই দিবাত্তে যার্‌।

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

ফগদাং পেইয়্যে 14:20

শঅরর্ বারেদি আঙ্গুর মাড়িবার গাঢত্ সেই আঙ্গুরুন মাড়ানা অলে পরেদি সিগুনোত্তুন্ লো নিগিলি এলঅ আর ঘোড়াগুনোর জিম্ সোরেয়্যে সং উদিলো। সেক্কে প্রায় তিনশ কিলোমিটার সং বেক্‌ জাগানি লো-লোই ভুরি গেলঅ।