যিহিষ্কেল 16:5 - Chakma Bible

⁵ কনজনে তরে মেয়্যেলি চোগেদি ন-দেগন্ বা তঅ উগুরে ইয়েনি গুরিবাত্তে কারঅ মনত্ দোয়্যেও ন-জাগে। তরে বরং খুলো মাদত্ ফেলেই রাগা ওইয়্যে, কিত্তে যেদিন্যে তুই জোর্মেয়োচ্ সেদিন্যে তরে ঈচ্ গরা ওইয়্যে।

যিহিষ্কেল 16:5 ပူးပေါင်းရင်းမြစ်များ

পত্থম 21:10

এ অবস্থা দেগিনে তে অব্রাহামরে কলঅ, “পুয়োবো সুমুত্তো সে চাগরানীবোরে নিগিলেই দুয়ো, কিত্তে সে পুয়োবো মঅ পুয়ো ইস্‌হাক লগে ধন-সোম্বোত্তির গিরোজ্ ওই ন-পারিবো।”

যাত্রা 1:22

পরেদি ফরৌণে তা মানুচ্চুনো উগুরে এই উগুমান্‌ জারি গুরিলো, “ইব্রীয়গুনো ভিদিরে কনঅ পূয়োর্ জর্ম অলে তুমি তারে নীল গাঙত্‌ ফেলেই দিবা, মাত্তর্‌ মিলেগুনোরে বাঁজেই রাগেবা।”

যিশাইয় 49:15

সেনত্তে লগেপ্রভু কোইয়্যেদে, মাবো কি তার্ দুধো পুয়োবোরে ভুলি যেই পারে? যে পুয়োবোরে তে জর্ম দিয়্যে তারে কি তে মেয়্যে ন-গুরিবো? এমন্অ ওই পারে, মাবো ভুলি যেই পারে মাত্তর্ মুই কনদিন্অ তরে ভুলি ন-যেম্।।

যিরমিয় 22:19

গাধারে যেবাবোত্যেগুরি গোর্ দিয়্যে অয় সেবাবোত্যেগুরি তারে গোর্ দিয়্যে অবঅ; তারে টানিনে যিরূশালেমর গেদো বারেদি ফেলেই দিয়্যে অবঅ।”

আবিলেচ্ 2:11

কানদে কানদে মঅ চোগ্‌কুন চিবে চিবে ওইয়োন, মঅ ভিদিরেয়ো যন্ত্রণা অর্; মঅ মানুচ্চুন ভস্ত ওইয়োন, আর ঝি-পুয়োগুনে আহ্ চিগোন গুরোগুনে শঅরর্ খুলো জাগানিত্ অজ্ঞান ওইনে পড়ি আগন্। সেনত্তে মঅ মনান্ যেন মাদিত্ ঢুলি পোজ্যে।

আবিলেচ্ 2:19

উদ্, রেদোর্ বেন্যে পোত্যে কানি উদ্; লগেপ্রভুর মুজুঙোত্ পানি ধোক্ক্যেন গুরি ঢালি দে তঅ মনান্। তর্ ঝি-পুয়োগুনে যিগুনে পেট্‌পরায় পধে পধে অজ্ঞান ওইয়োন্, তারার্ জিংকানিগানি বাঁজেবাত্তে তা নাঙে তঅ আঢ্‌‌তান তুল।”

আবিলেচ্ 4:10

দোয়্যেলু মিলেগুনে নিজো আঢে তারার্ পুয়ো-ছাগুনোরে হানা রানি দেদন্। মঅ মানুচ্চুনোর্ ভস্ত অবার্ সময় তারার্ পুয়ো-ছাগুন তারার্ হানা ওইয়োন্।

আবিলেচ্ 4:3

শিয়েলুনেয়ো নিজো ছঅগুনোরে বুগো দুধ হাবান্, মাত্তর্ মঅ মানুচ্চুন ধূল্যেচর-চাগালার্ উট পেক্কুনো ধোক্ক্যেন্ চিৎনপুজ্যে ওইয়োন্।

যিহিষ্কেল 16:6

মুই তঅ মুজুঙেদি যেবার অক্তত্ তরে লোগানত্ ছদ্‌‌ফদাদে দেগিলুং। সেক্কে মুই তরে উগুম দিলুং যেন তুই তর্ লো-লোই বাঁজি থাচ্।

যিহিষ্কেল 2:6

মাত্তর্ ও মান্‌‌‌জ্য পুয়োবো, তুই তারার আর তারা কধানিলোই ন-দোরেচ্। যুনিয়ো তারা হের্ আর কাদাগাজ ধোক্ক্যেন তঅ চেরোকিত্তে থেবাক্ আর বিছেগুনো ভিদিরে তুই বজত্তি গুরিবে তো ন-দোরেচ্। তারারে দেগিনে বা তারা কধানি শুনিনে তুই ন-দোরেচ্; তারা দঅ উল্লোমী জাদ্।

গণাণা 19:16

যুদ্ধোত্‌ বা এনেবাদে মুরি যেইনে খোলা মাদত্‌ পড়ি আগন্‌ এধোক্ক্যেন কাররে যুনি কনজনে ধরন্‌ সালে তে সাত দিন সং অসিজি অবস্থায় থেবঅ। কনজনে যুনি মান্‌জ্যর্‌ হাড়্‌ বা গোর্ ধরন্‌ সালে তেয়ো সাত দিন সং অসিজি অবস্থায় থেবঅ।

দ্বি’লম্বর বিররণ 32:10

তে তারে এক ধূল্যেচর-চাগালাত্‌ পেলঅ, পেলঅ গুজুরোনিলোই ভরা এক মানুচ্‌ নেইয়্যে জাগাত্‌। তে তারে ঘিরি রাগেল, যত্তন্‌ গুরিলো; তারে চোগো মানেগ ধোক্ক্যেন গুরি চুগি দিইনে রাগেল,