যিহিষ্কেল 16:47 - Chakma Bible

⁴⁷ তুই যে তারার্ চালচলন আর জঘন্য অভ্যেস ধোক্ক্যেন চোল্যস্ বানা সিয়েন নয় বরং তর্ বেক আচার-বেবহারে তুই কানক্কণ্ ভিদিরে তারাত্তুন্‌অ বেশ্ আরঅ জঘন্য ওইয়োচ্।

যিহিষ্কেল 16:47 ပူးပေါင်းရင်းမြစ်များ

১ রাজাবলী 16:31

নবাটর পূঅবো যারবিয়ামে যেদক্কানি পাপ গোজ্যে সিয়েনিরে তে সামান্য বেপার্‌ বিলিনে মনে গুরিদো। বানা সিয়েনি নয়, তে সীদোনীয়গুনোর রাজা ইৎবালর ঝি ঈষেবলরে লল আর বাল দেবেদার সেবা আর পূজো গরা ধুরিলো।

২ রাজাবলী 21:16

ইয়েনবাদে মনঃশি এত নিদ্দুযি মান্‌জ্যর লো ঝোরেয়্যে, সে লো-গানিলোই যিরূশালেমর এক দুযিত্তুন্‌ অন্য দুযি সং তজিমপুরো ওই যেইয়্যে। তে যিহূদার মানুচ্চুনোরে দিইনে পাপ গোরেয়্যে যিয়েনত্তে তারা লগেপ্রভুর চোগেন্দি যিয়েনি বজং সিয়েনি গোজ্যন্‌।

২ রাজাবলী 21:9

মাত্তর্‌ মানুচ্চুনে সে কধাগান ন-শুনিলাক্‌। মনঃশি তারারে বজং পধেন্দি নেযেল; সেনত্তে যিদুক্কুন্‌ জাদরে লগেপ্রভু ইস্রায়েলীয়গুনো মুজুঙোত্তুন্‌ ভস্ত গুরি দিলো তারাত্তুন্‌অ বেশ্‌ তারা আরঅ বজং কাম্‌ গরা ধুরিলাক্‌।

যিরমিয় 3:7

মুই মনে গোজ্যংগে ইয়েনি গুরিবার পরেদি তে মইধু ফিরি এবঅ, মাত্তর্ তে ন-এজে আর তার অবিশ্বেজি বোন যিহূদা সিয়েন দেখ্যে।

যিরমিয় 3:8

ভান্ন্যেই পধেদি যেইয়্যে ইস্রায়েলরে মুই ছুড়্ কাগোজ্ দুয়োং আর তার বেক্ বেশ্যেমি কামানিত্তে তারে দূর্ গুরি দুয়োং। মাত্তর্ মুই দেগিলুং তার অবিশ্বেজি বোন যিহূদার কনঅ দর্ নেই; তেয়ো যেইনে বেশ্যেমি গুরিলো।

যিহিষ্কেল 16:48

মঅ কধাগান সত্য যে, তর্ যিগুনে আর তুই যিয়েনি গোজ্যস্ তর্ বোন্নো সদোমে আর তা ঝিগুনে কনদিন্‌অ সিয়েনি ন-গরন। মুই প্রভু লগেপ্রভু এ কধাগান কঙর্।

যিহিষ্কেল 16:51

তুই যেদক্কানি পাপ গোজ্যস্ তার্ অদ্দেক্‌অ শমরিয়া ন-গরে। তুই তারাত্তুন বেশ্ আরঅ জঘন্য জঘন্য কাম গোজ্যস্। তুই ইয়েনি যেদক্কানি কাম গোজ্যস্ সিয়েনি দেগিনে তর্ বোনুনোরে বরং ধার্মিক মনে ওইয়্যে।

যিহিষ্কেল 16:52

তর্ অসর্মানান তত্তুন্ মানি নেযা পড়িবো, কিত্যে তর্ কামানিয়ে তঅ বোনুনোর তপ্পে সাক্ষি দের্। তর্ পাপ্পানি তারাত্তুন্‌অ বেশ্ জঘন্য বিলিনে মনে অয়। সেনত্তে তুই লাজেস্ আর তর্ অসর্মানান্ মানি নেযা, কিত্যে তুই তর্ বোনুনোরে ধার্মিক প্রমান গোজ্যস্।

যিহিষ্কেল 8:17

তে মরে কলঅ, “ও মান্‌‌জ্যর পুয়োবো, তুই ইয়েন দেগিলে? যিহূদার মানুচ্চুনে যে জঘন্য কাম্ ইধু গত্তন্ সিয়েন গরানা তারার্ তপ্পে কি এক্কান সামান্য বেপার? তারা অত্যেচারে দেজ্‌‌চান ভোরেই ফেলেয়োন আর আমিঝে মর্ অহুজিগান জাগেই তুল্যন্। চঅ, তারা মরে কি অমকদ অগমান গোজ্যন্।

১ করিন্হীয় 5:1

শুনো যাত্তে, তমা ইধু সিনেলীর্ পাপ আঘে, আর সেই সিনেলীগান এদক্ বেশ্ ওইয়্যেদে, অযিহূদীগুনেয়ো সিয়েনি ন-গরন্। এন্‌ কি, একজনে তার্ সাদাঙা মাবোরে নিজো মোগো ধোক্ক্যেন গুরি থোইয়্যে।