যিহিষ্কেল 16:4 - Chakma Bible

⁴ যেদিন্যে তুই জোর্মেয়োচ্ সেদিন্যে তঅ নেইবো কাবা ন-অয়, তরে পানিলোই ধোইনে সাব্ গরা ন-অয়, তঅ কিয়্যেত্ নুন গুলি দেনা ন-অয় বা তরে কাবড়্‌লোই বেড়েইনে লুয়ো ন-অয়।

যিহিষ্কেল 16:4 ပူးပေါင်းရင်းမြစ်များ

পত্থম 15:13

সেক্কে লগেপ্রভু তারে কলঅ, তুই এ কধাগান হামাক্কায়্‌ হবর্‌ পাছ্‌, তঅ বংশর্‌ মানুচ্চুনে এন্‌ এক্কান্‌ দেজত্‌ যেই্‌নে বজত্তি গুরিবাক্‌ যিয়েন্‌ তারার্‌ নিজোর্‌ নয়। সিয়েনত্‌ তারা অন্যগুনোর্‌ চাগর্‌ ওইনে চেরশঅ বজর্‌ সং অত্যেচার্‌ ভোগ গুরিবাক্‌।

আবিলেচ্ 2:20

ও লগেপ্রভু, চাহ্, ভাবি চাহ্, তুই দঅ আর্ কারঅ উগুরে এবাবোত্যে বেবহার ন-গরচ্? মিলেগুনে কি তারার্ নিজো পুয়ো-ছাগুনোরে হেবাক্ যিগুনোরে তারা পালেয়োন? প্রভুর সুদ্ধো-সাংগ জাগানত্ কি ধর্মগুরু আর ভাববাদীগুনোরে মারে ফেলা অবঅ?

আবিলেচ্ 2:22

পরব দিনোত্ যেবাবোত্যে তুই মানুচ্চুনোরে এগত্তর্ গরচ্ সেবাবোত্যেগুরি মর্ চেরোকিত্তে তুই নানান্ বাবোত্যে অমকদ দর্ তুবেয়োচ্। লগেপ্রভুর রাগ দিনোত্ কনজনে রেহাই ন-পান্ বা বাঁজি ন-তান্; যিগুনোরে মুই পালেয়োং আর যত্তন্ গুরিদুং মর্ শত্রুগুনে তারারে ভস্ত গুরি দুয়োন্।

যিহিষ্কেল 16:3

তুই কঅ, প্রভু লগেপ্রভু যিরূশালেমানরে কোইয়্যেদে, তঅ ঘরান আর তঅ জর্মর জাগায়ান কনানীয়গুনোর দেজত্; তঅ বাপ্পো অলঅ ইমোরীয় আর মাবো হিত্তীয়।

যিহিষ্কেল 20:13

মাত্তর্ ইস্রায়েলর মানুচ্চুনে ধূল্যেচর-চাগালাত্ মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর মর্ যে রীদি-সুদোমানি পালেইলে মানুচ্ জিংকানি পান সিয়েনি তারা এলাফেলা গুরিলাক্; তারা মর্ দিয়্যে জিরেবার দিনুনোর্ পবিত্রতাগান রোক্ষ্যে ন-গুরিলাক্। সেনত্তে মুই কলুং, মুই তারা উগুরে মঅ রাগ্‌‌‌‌‌কান ঢালি দিইনে ধূল্যেচর-চাগালাত্ তারারে ভস্ত গুরি ফেলেম।

যিহিষ্কেল 20:8

মাত্তর্ তারা মঅ বিরুদ্ধে উল্লোমী গুরিলাক্, মঅ কধানি শুনিবাত্তে রাজি ন-অলাক্। যিদুক্কুন জঘন্য মূত্তি তারা ইধু গম্ লাগিদো সিগুন তারা দূর্ ন-গুরিলাক্ আর মিসরর মূত্তিগুন ন-ছাড়িলাক্। সেনত্তে মুই কলুং মিসরত্ মুই তারা উগুরে মঅ রাগ্‌‌‌‌কান আর অমকদ অহুজি অনাগান্ পুরোপুরি ঢালি দিম।

হোশেয় 2:3

আঃ ন-অলে মুই তারে লাংটা-বাংটা গুরি দিম আর তে তার্ জর্ম দিনোত্ যেবাবোত্যে লাংটা-বাংটা এলঅ সেবাবোত্যে গুরিম। মুই তারে ধূল্যেচর-চাগালা ধোক্ক্যেন গুরিম, উগুজ্যে ভূইয়ো ধোক্ক্যেন গুরি দিম আর পানি তিরেজে তারে মারে ফেলেম।

হোশেয় 2:5

তারার্ মাবো বেভিচের্ গোজ্যে; যে তারারে পেদত্ ধোজ্যে তে লাজ্ গরেপারা কাম্ গোজ্যে। তে কদঅ, মুই মঅ লাঙেগুনো পিজেদি যেইম্; তারা মরে হানা, পানি, পশম, মসীনা, তেল আর পানীয় দি থান্।

লূকে লেখ্যে গম্ হবর্ 2:12

এ কধাগান যে সত্য তমা ইধু সিয়েনর্ চিহ্নোগান অলঅ ইয়েন-তুমি কাবড়ত্ বেড়েয়্যে আর গোরু পিয়োঙত্ থোইয়্যে এক্কো চিগোন্ চিজিরে দেগিবা।”

লূকে লেখ্যে গম্ হবর্ 2:7

সিধু তার্ পত্তম পুয়োবোর্ জর্ম অলঅ, আর তে পুয়োবোরে কাবড়ত্ বেড়েইনে য়েমানর্ হের খাজাবোত্ থলঅ, কিয়া হোটেলত্ তারাত্তে কনঅ জাগা ন-এলঅ।

দ্বি’লম্বর বিররণ 15:15

মনত্‌ রাগেয়ো, মিসর দেজত্‌ তুমিয়ো চাগর এলা আর তমার গোজেন লগেপ্রভু তমারে উদ্ধোর গোজ্যে। সেনত্যে এচ্চ্যে মুই তমারে এ উগুমান দুয়োঙর্।

দ্বি’লম্বর বিররণ 5:6

মুই লগেপ্রভু তমার গোজেন। মিসর দেজর্‌ চাগর্‌ কাদানাত্তুন্‌ মুয়োই তমারে নিগিলেই আন্যং।

যিহোশূয় 24:2

যিহোশূয় বেক্‌ মানুচ্চুনোরে কলঅ, ইস্রায়েলীয়গুনোর গোজেন লগেপ্রভু কোইয়্যেদে, ভালোক্‌ দিন আগেন্দি তমা পূরোণি মানুচ্চুনে ইউফ্রেটিস গাঙর্‌ উইপারত্‌ বজত্তি গুরিদাক্‌ আর দেব-দেবেদাগুনোরে পূজো গুরিদাক্‌। তারা ভিদিরে এক্কো এলঅ‌ অব্রাহাম আর নাহোরর বাপ্পো তেরহ।