যিহিষ্কেল 16:30 - Chakma Bible

³⁰ “‘মুই প্রভু লগেপ্রভু কঙর্, তুই কদক্ মন-মরা, কিত্তে তুই বেগেয়্যে বেশ্যে ধোক্ক্যেন্ এ কামানি গোজ্যস্।

যিহিষ্কেল 16:30 ပူးပေါင်းရင်းမြစ်များ

গীতসংহিতা 78:37

তারার মনানি তা উগুরে থির্ ন-এলঅ; তার সুদোমানি উগুরে তারা বিশ্বেজি ন-এলাক্।

গম্ উপদেজ্ 7:21

মন ভুলেয়্যে কধাবাত্তালোই তে তারে ভান্ন্যেই পধেদি নেযেল, মিদে কধালোই তারে ভুলেই নেযেল,

গম্ উপদেজ্ 9:13

বুদ্ধি নেইয়্যে মিলে ধোক্ক্যেন যে রঅ ছাড়ে তে কনঅ মানা ন-মানে, তার জ্ঞান নেই।

যিশাইয় 1:3

গোরুবো তা গিরোজ্‌ছোরে চিনে, গাধাবোয়ো তা গিরোজ্‌ছোর ঘাস খাজাবো চিনে; মাত্তর্ ইস্রায়েলে তা গিরোজ্‌ছোরে ন-চিনে, মঅ মানুচ্চুনে মরে ন-বুঝোন্।”

যিশাইয় 3:9

তারা মুয়ো চেঙারাগানিয়ে তারা বিরুদ্ধে স্বাক্ষি দে; তারা সদোম ধোক্ক্যেন্ তারার্ পাপ কামানি ফগদাং গরন, ন-ঢাগন্। হায়, সেই মানুচ্চুন! তারা নিজো উগুরে ভস্ত অনাগান্ ডাগি আন্যন্।

যিরমিয় 3:1

লগেপ্রভু কোইয়্যেদে, যুনি কনঅ মান্‌জ্যে তা মোক্কোরে ছাড়ি দে আর সে মিলেবো তারে ছাড়িনে অন্য মান্‌জ্যরে লয়, সালে সে মরত্তোর্ কি আরঅ সেই মিলেবো ইধু ফিরি যেবার সুদোম্ আঘে? যুনি যায় সালে সে দেজ্‌চান পুরোপুরি অসিজি ওই যেবঅ। মাত্তর্ তুই দঅ ভালোক্কুনো সমারে থেইনে বেশ্যে ধোক্ক্যেন জিংকানি কাদেয়োচ্; ইক্কিনে তুই কেধোক্ক্যেন গুরিনে মইধু ফিরি এবে?‌‌‌‌‌

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিহিষ্কেল 16:29

সে পরেদি তুই তর্ ব্যভিচারর কাম বাড়েইনে বণিক্‌কুনোর দেজ্ বাবিল সমারেয়ো ব্যভিচের্ গুরিলে, মাত্তর্ ইয়োত্‌অ তর্ ঈল্ ন-অলঅ।

হোশেয় 9:1

ও ইস্রায়েল, অন্য জাদ্‌‌‌তুনো ধোক্ক্যেন তুই হুজির্ উৎসব ন-গুরিচ্। তুই দঅ তর্ গোজেনরে ছাড়িনে তা উগুরে অবিশ্বেজি ওইয়োচ্; পত্তি খামারত্ তুই বেশ্যের্ পাওনা পেইনে হুজি ওইয়োচ্।