যিহিষ্কেল 16:18 - Chakma Bible

¹⁸ তর্ নক্‌শা গোজ্যে কাবড়-চুগোড়ানি তুই সিগুনোরে উরে দিদে আর তারা মুজুঙোত্ তুই মঅ তেলান্ আর আগর্‌বাট্টি উৎসর্ব গুরিদে।

যিহিষ্কেল 16:18 ပူးပေါင်းရင်းမြစ်များ

যিরমিয় 1:16

মঅ মানুচ্চুনে মরে ফেলেই যেইয়োন, তারা দেব-দেবেদাগুনোর নাঙে আগর্‌বাট্টি জ্বালেয়োন আর নিজো আঢে বানেয়্যে জিনিজোরে পূজো গোজ্যন্। তারার এই বেক্ পাজি কামানিত্তে মুই তারা বিরুদ্বে মর্ বিচেরর্ রায়য়ান দিম্।

যিহিষ্কেল 14:14

এ অবস্থাত্ সিয়েনত্ যুনি নোহ, দানিয়েল আর ইয়োব-এ তিনজন মানুচ্ থেদাক্ সালে তারার্ সততাগানত্তে তারা বানা নিজোরে রোক্ষ্যে গুরি পারিদাক্। মুই প্রভু লগেপ্রভু এ কধাগান কঙর্।

যিহিষ্কেল 16:10

মুই তর্ কিয়্যেনত্ নক্‌শা গোজ্যে কাবড় দিলুং আর টেঙত্ শুগর চামর্ দোল্ জদা পিনেলুং। মুই তঅ মাঢাবোত্ পাদল্ মসীনা কাবড় উরেই দিলুং আর রেশম কাবড়লোই তরে ঢাগি দিলুং।

যিহিষ্কেল 16:17

মর্ সনা-রূবোলোই বানেয়্যে গয়না, যিয়েনি মুই তরে দুয়োং, সেই দোল্ গয়নানি তুই নিজোত্তে মরদ মূত্তি বানেইনে সিগুনো সমারে সিনেলী গুরিদে।

যিহিষ্কেল 16:19

মুই তর্ হেবাত্তে তরে যে নিগুজ্ মোইদ্যে, জলপাই তেল আর মধু দুয়োং সিয়েনি তুই তারা মুজুঙোত্ তুম্বাজ্ ইজেবে থদে। মুই প্রভু লগেপ্রভু কঙর্, ইয়েনি বেক্কানি ঘোট্যে।

যিহিষ্কেল 23:41

সে পরেদি তারা দোল্ বিচ্ছোনত্ বজিনে তা মুজুঙোত্ এক্কান টেবিল্ পাদিনে সিয়েন উগুরে মর্ আগর্‌বাট্টি আর তেলান্ রাগেলাক্।

যিহিষ্কেল 27:16

তর্ বানেয়্যে ভালোক্কানি পযাপিরাত্তে সিরিয়া তঅ লগে বেবসা গুরিদো; তঅ পযাপিরানির বদলে তারা দিদাক্ চিবিদি পাত্তর্; বিগুনি কাবড়, নক্‌শা তুল্যে কাবড়, পাদল্ মসীনার কাবড়, প্রবাল আর পদ্মরাগমণি।

হোশেয় 2:7

তে তার্ লাঙেগুনো পিজেদি যেবঅ মাত্তর্ তারারে ধুরি ন-পারিবো; তে তারারে তোগেব মাত্তর্ ন-পেবঅ। সেক্কে তে কবঅ, মুই মর্ পত্তম্ নেক্কো ইধু ফিরি যেইম্, কিত্যে সেক্কে মুই ইত্তুন্ বেশ্ গমে এলুং।

দ্বি’লম্বর বিররণ 32:38

কুদু সেই দেব-দেবেদাগুন যিগুনে তারার ডালি দিয়্যে য়েমানর তেলানি হেইয়োন, হেইয়োন তারার ঢালন-উৎসর্বর আংগুর-রস? ইক্কিনে তারা এইনে তমারে সাহায্য গুরিবাক, আর তমারে আশ্রয় দিবাক্‌।