যিহিষ্কেল 16:17 - Chakma Bible

¹⁷ মর্ সনা-রূবোলোই বানেয়্যে গয়না, যিয়েনি মুই তরে দুয়োং, সেই দোল্ গয়নানি তুই নিজোত্তে মরদ মূত্তি বানেইনে সিগুনো সমারে সিনেলী গুরিদে।

যিহিষ্কেল 16:17 ပူးပေါင်းရင်းမြစ်များ

যিরমিয় 3:9

তার বেশ্যেমি কামানি তাইধু কিচ্ছু মনে ন অয় বিলি তে পাত্তর্ আর তক্তার দেবেদাগুনো সমারে বেশ্যেমি গুরিনে দেজ্‌ছানরে অসিজি গুরিলো।

যিহিষ্কেল 16:11

মুই গয়নালোই তরে সাজেলুং; তঅ আঢত্ হাড়ু, গত্তনাবোত্ নেগেলেচ্,

যিহিষ্কেল 16:12

নাগত্ নাগফুল, কানত্ কানদুল আর মাঢাবোত্ দোল্ এক্কো মুকুট দিলুং।

যিহিষ্কেল 16:13

এবাবোত্যেগুরি সোনা আর রূবোলোই তরে সাজা অলঅ; তঅ কাবড়-চুগোরানি এলদে পাদল্ মসীনার, রেশমর আর নক্‌শা গোজ্যে কাবড়র্। তঅ হানাগানি এলদে নিগুজ্ মোইদ্যে, মধু আর জলপাইয়র তেল। তুই জদবদে দোল্ ওইনে রাণী ধোক্ক্যেন্ অলে।

যিহিষ্কেল 16:16

তর্ কনঅ কনঅ কাবড়্‌লোই তুই পূজোর্ অজল্ জাগায়ান সাজেইনে সিয়েনত্ তর্ বেশ্যের্ কাম চালেয়োচ্। সেবাবোত্যে কাম গরানা তর্ কনদিন্‌অ উজিত্ ন-এলঅ।

যিহিষ্কেল 16:18

তর্ নক্‌শা গোজ্যে কাবড়-চুগোড়ানি তুই সিগুনোরে উরে দিদে আর তারা মুজুঙোত্ তুই মঅ তেলান্ আর আগর্‌বাট্টি উৎসর্ব গুরিদে।

হোশেয় 10:1

ইস্রায়েল এলদে এক্কান ছিদি যেইয়্যে লুদি; সিয়েনত্ বোউত্ গুলোগুলি ধোজ্যন্। সিয়েন ফলুন্ যেদক বাজ্যন্ সেদক্ বেশ্ সোংখ্যেদি তে পূজো বানেয়্যে; তা দেজত্ যেদক্ ভালেদি ওইয়্যে সেদক্ তে তার্ পূজোর পাত্তরুন দোলেডালে সাজেয়্যে।

হোশেয় 2:13

যেদক্ দিন সং তে বাল দেবেদাগুনোর্ নাঙে আগর্‌বাট্টি জ্বালেয়্যে আর আন্দিক্ আর গহনা-গাটি দিইনে নিজোরে সাজেইনে তা লাঙুনে ইন্দি যেইনে মরে ভুলি যেয়্যেগোই সেদক্ দিনোত্তে মুই তারে সাজা দিম। মুই লগেপ্রভু এ কধাগান কঙর্।