যিহিষ্কেল 16:11 - Chakma Bible

¹¹ মুই গয়নালোই তরে সাজেলুং; তঅ আঢত্ হাড়ু, গত্তনাবোত্ নেগেলেচ্,

যিহিষ্কেল 16:11 ပူးပေါင်းရင်းမြစ်များ

পত্থম 24:22

উট্‌তুনোরে পানি হাবানা থুম্‌ গরানার্‌ পরেদি তে প্রায় ছয় গ্রাম গুয়োর্ এক্কো সোনার্‌ নাক্‌ফুল আর দ্বিয়েন আদত্তে একশঅ কুড়ি গ্রাম গুয়োর্‌ দ্বিয়েন সোনার্‌ হারু নিগিলেনে রিবিকারে দিইনে কলঅ,

পত্থম 24:47

সে পরেদি মুই তারে পুযোর্‌ গুরিলুং, তুই কার্ ঝি? তে কলঅ, মুই নাহোর আর মিল্‌কার পুয়ো বথূয়েল ঝি। “এ কধাগান শুনিনে মুই তা নাগত্‌ নাক্‌ফুল আর দ্বি আদত্‌ হারু পিনেই দিলুং।

পত্থম 24:53

সে পরেদি তে সোনা আর রুবোর্‌ অলংকার আর কাবড়-চুগোড় নিগিলেনে রিবিকারে দিলো, আর রিবিকার ভেই আহ্‌ মাবোরেয়ো বোউত্‌ মংগা মংগা পযাপিরা দিলো।

পত্থম 35:4

সেক্কে তারা ইধু যিদুক্কুন্‌ দেবেদা মুত্তি এলাক্ সিগুন্‌ তারা যাকোব আঢত্‌ তুলি দিলাক্। সে লগে কান সনাগানিয়ো দিলাক্। যাকোবে সিয়েনি নিইনে শিখিম শঅর ইধু দাঙর্ গাজ তলে মাদিত্ গারে রাগেল।

পত্থম 41:42

সে পরেদি ফরৌণে নিজো আদত্তুন্‌ সীলমর দিয়্যে আংদিক্কো খুলিনে যোষেফ আদত্‌ পিনেই দিলো। তে তারে দোল কাবর্‌ পিনে দিনেই তা গত্তনাত্‌ এক্কো সোনার নেগেলেস্‌ দিলো।

ইষ্টের 2:17

অন্য মিলেগুনোত্তুন্‌ ইষ্টেররে রাজা বেশ্‌ কোচ্‌পেলঅ আর তে অন্য গাবুজ্যে মিলেগুনোত্তুন্‌ রাজার ইদু বেশ্‌ দোয়্যে-মেয়্যে আর কোচ্‌পানা পেলঅ। সেনত্তেই রাজা তা মাদাথ্‌ মুকুট পিনেই দিলো আর বষ্টীর জাগানত্‌ ইষ্টেররে রাণী বানেল।

ইয়োব 42:11

তার ভেই আর বোনুনে আর যিগুনে তারে আগে চিনিদাক্ তারা বেক্কুনে এইনে তা ঘরত্ তা সমারে হানা-বিনে গুরিলাক্। লগেপ্রভু তা উগুরে যে দুঃকানি আন্যে সিয়েনিত্তে তারা তারে বুঝেলাক্। তারা পত্তিজনে তারে এককট্টা রুবো আর সোনার এক্কান কান দুল্ দিলাক্।

যাত্রা 32:2

জোবত্‌ হারোণে তারারে কলঅ‌, “তমার মোক্কুনোর আর পূঅ-ঝিগুনোর্‌ কানর্‌ সনার্‌ কান্‌ফুলানি খুলি আনিনে মরে দুয়ো।”

যাত্রা 35:22

মরদ আর মিলেগুনো ভিদিরে যিগুনোর্‌ মনত্ আওজ্ অলঅ তারা নানা বাবোত্যে সনার গহনায়ো আনিলাক্। সিয়েনি ভিদিরে এলঅ‌ কাবড় আক্‌সো রাগেবার পিন্‌, কান্‌ ফুল, আংদি আর অন্য বাবোত্যে গহনা। লগেপ্রভুর্‌ নাঙে দোলন-উৎসর্বত্তেই তারা এদক্কানি দিলাক্।

গম্ উপদেজ্ 1:9

সিয়েনি অবঅ তঅ মাঢাবোত্ বেড়েবার দোল্ মালাছড়া আর গত্তনার নেগেলেচ্ ধোক্ক্যেন।

গম্ উপদেজ্ 25:12

সনার দুল্ বা গম্ সনার নেগেলেচ্ যেধোক্ক্যেন্, সেধোক্ক্যেন্ বাধ্য মান্‌‍জ্যর কানত্ জ্ঞানী মান্‌‍জ্যর সংশোধনর কধা।

গম্ উপদেজ্ 4:9

তে তঅ মাঢা উগুরে দোল্ মালাছড়া দিবো আর দোল্ মুকুট বক্‌শিজ্ দিবো।”

পরমগীত 1:10

তঅ গালানর্ দ্বিকিত্তেদি কান দুলুন্ দুলোদন্, সেক্কে তঅ গালান্ দোল্ লাগের্ আর নেগেলেচ্চো তঅ গত্তনাবোত্ দোল্ গুরি মানেয়্যে।

পরমগীত 4:9

মর্ পরাণি, মর্ বৌবো, তুই মঅ মনান্ চুর্ গোজ্যস্; তর্ এক চোগো ইজিরেলোই, তঅ নেগেলেজর্ এক্কো মানেক্কোই তুই মঅ মনান্ চুর্ গুরি নেযেয়োচ্।

যিশাইয় 28:5

সেদিন্যে বেগত্তুন্ খেমতাবলা লগেপ্রভু তার্ বাঁজি থেইয়্যে মানুচ্চুনোত্তে এক্কো বাঈনী গোজ্যে মুকুট আর এক্কো দোল্ মালা অবঅ।

যিশাইয় 3:19

কানর্ দুল, হারু, জালি পর্দা,

যিশাইয় 3:21

আংটি আর নাক্ফুল,

আবিলেচ্ 5:16

আমা মাঢাত্তুন্ মুকুট পড়ি যেইয়্যেগোই। অভিশাব্ পোড়োক্ আমার্, কিত্যেই আমি পাপ গোজ্যেই!

যিহিষ্কেল 16:17

মর্ সনা-রূবোলোই বানেয়্যে গয়না, যিয়েনি মুই তরে দুয়োং, সেই দোল্ গয়নানি তুই নিজোত্তে মরদ মূত্তি বানেইনে সিগুনো সমারে সিনেলী গুরিদে।

যিহিষ্কেল 23:40

ইয়েনিবাদে অহলা আর অহলীবা দূর দেজত্তুন্ মানুচ্চুনোরে আনিবাত্তে মানুচ্ পাদেল। সেই মানুচ্চুনে আজলে পর্ তারা নিজোত্তে গাদিলাক্, চোগোত্ কাজল্ গুলিলাক্ আর গয়না পিনিনে নিজোরে সাজেলাক্।

যিহিষ্কেল 23:42

তারার্ চেরোকিত্তে এলঅ চিদেচজ্জা নেইয়্যে, রঅ চাজ্যে মানুচ্চুনোর জোল্। তারা ভিদিরে এলাক্ চিগোন মনর্ মানুচ্ আর ধূল্যেচর-চাগালার মদখুরুন্। তারা সেই দ্বিবোন আঢত্ বালা পিনেলাক্ আর তারা মাঢাত্ দিলাক্ দোল্ মুকুট।

দানিয়েল 5:16

ইক্কিনে মুই শুনিলুং যে, তুই গুমুরো বিষয়র্ ভেদ্‌তান্ কোই দিদে আর দরমর সমস্যার সমাধান দি পারচ্। তুই যুনি এ লেগাগান পড়িনে মরে সিয়েনর ভেদ্‌তান্ কোই দি পারচ্ সালে তরে বিগুনো রঙ কাবড় উরো অবঅ আর গত্তনাত্ সনার নেগেলেচ্ দিয়্যে অবঅ আর তুই এই রেজ্যর্ তিনজন রাজা ভিদিরে একজনর পোজিশন্ পেবে।”

দানিয়েল 5:29

সেক্কে বেল্‌‌‌শৎসরর উগুমে দানিয়েলরে বিগুনো রংয়র্ কাবড় উরেই দিয়্যে অলঅ আর তা গত্তনাবোত্ সনার্ নেগেলেচ্ পিনে অলঅ। তারে রেজ্যর্ তিনজন রাজা ভিদিরে একজনর্ পোজিশন দিবার কধা ফগদাং গরা অলঅ।

দানিয়েল 5:7

সেক্কে রাজা রঅ ছাড়ি ছাড়ি ডাগিনে ভূদো ওঝা, জ্যোতিষী আর গোণোক্ক্যেগুনোরে আনিবাত্তে কলঅ। তে বাবিলর সেই সল্লাদিয়্যেগুনোরে কোইয়্যেদে, “যে কনজনে এই লেগাগান মাদেইনে সিয়েনর ভেদ্‌তান্ মরে কোই দি পারিবো তারে বিগুনো কাবড় উরেই দিয়্যে অবঅ আর গত্তনাবোত্ সনার নেগেলেচ্ দিয়্যে অবঅ আর তারে রেজ্যর তিনজন রাজা ভিদিরে একজনর্ পোজিশন্ দিয়্যে অবঅ ।”

হোশেয় 2:13

যেদক্ দিন সং তে বাল দেবেদাগুনোর্ নাঙে আগর্‌বাট্টি জ্বালেয়্যে আর আন্দিক্ আর গহনা-গাটি দিইনে নিজোরে সাজেইনে তা লাঙুনে ইন্দি যেইনে মরে ভুলি যেয়্যেগোই সেদক্ দিনোত্তে মুই তারে সাজা দিম। মুই লগেপ্রভু এ কধাগান কঙর্।

লেবীয় 8:9

সে পরেদি কবঙান্‌ হারোণর্‌ মাদা উগুরে রাগেইনে পবিত্র মুকুট্টো, অত্তাৎ সেই সনার্‌ পাত্তান্‌ কবঙানর্‌ মুজুঙেন্দি বোজেই দিলো। বেক্কানি মোশি লগেপ্রভুর্ উগুম মজিম গুরিলো।

গণাণা 31:50

সেনত্তেই আমি পত্তিজনে যিদুক্কুন্‌ সনার বাজু, হারু, সীলমহ্‌র মারিবার্‌ আংটি, কানফুল আর গত্তনার্‌ হার পেইয়্যেই, আমার্‌ পাপ ঢাগি দিবার আজাই আমি সিগুন্‌ লগেপ্রভু ইদু উৎসর্ব গুরিবাত্তে আন্যেই।”

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।

ফগদাং পেইয়্যে 4:10

সেক্কে সেই চব্বিচ্‌জন নেতা সিংহাসনর অধিকারী, অত্তাৎ যিবে উমরত্যে জেদা আঘে তারে মাঢা নিগুরিনে সালাম গরন্। এই নেতাগুনে সেক্কে সেই সিংহাসনান মুজুঙোত্ তারার মুকুট্‌তুন খুলি থোইনে কদন্দে,

ফগদাং পেইয়্যে 4:4

সেই সিংহাসনানর চেরোকিত্যেদি আরঅ চব্বিচ্চান সিংহাসন এলঅ, আর সেই সিংহাসনানিত্ চব্বিচ্‌জন নেতা বৈ এলাক্। তারার পোজাগ্‌কানি এলঅ ধুব্ আর তারার মাঢাত্ সনার মুকুট এলঅ।

বিচের গুরিয়্যেগুন 8:24

তে আর কলঅ, “মাত্তর্‌ মর্‌ এক্কান কোজোলী আঘে। তমার্‌ লুদেয়্যে ভাগত্তুন্‌ তুমি পত্তিজনে মরে এক্কানত্‌ ধরে কানফুল দুয়ো।” তে এ কধাগান কলঅ, কিত্যে মিদিয়নীয়গুনে অলাক্‌ ইশ্মায়েলর বংশর মানুচ্‌ আর সেক্কে দিনোত্‌ ইশ্মায়েলীয়গুনোর কানত্‌ সোনার কানফুল পিনিবার আওজ্ এলঅ।