যিহিষ্কেল 16:10 - Chakma Bible

¹⁰ মুই তর্ কিয়্যেনত্ নক্‌শা গোজ্যে কাবড় দিলুং আর টেঙত্ শুগর চামর্ দোল্ জদা পিনেলুং। মুই তঅ মাঢাবোত্ পাদল্ মসীনা কাবড় উরেই দিলুং আর রেশম কাবড়লোই তরে ঢাগি দিলুং।

যিহিষ্কেল 16:10 ပူးပေါင်းရင်းမြစ်များ

পত্থম 41:42

সে পরেদি ফরৌণে নিজো আদত্তুন্‌ সীলমর দিয়্যে আংদিক্কো খুলিনে যোষেফ আদত্‌ পিনেই দিলো। তে তারে দোল কাবর্‌ পিনে দিনেই তা গত্তনাত্‌ এক্কো সোনার নেগেলেস্‌ দিলো।

গীতসংহিতা 45:15

হুজি আর পরব্ গত্তে গত্তে তারারে নেযা অবঅ; তারা রাজঘরত্ যেইনে সুমিবাক্।

যাত্রা 25:5

রাঙা রং-গোজ্যে ভেড়া ছাগলর চাম্‌ আর ডলপিনোর চাম্‌; বাবলা তক্তা;

যাত্রা 26:14

সিয়েনর্ উগুরেন্দিগান ঢাগি দিবাত্তেই রাঙা রঙ্‌ গোজ্যে ভেড়ার্‌ চাম্‌বোই এক্কান ঢাগনি বানেই দিয়্যে পুরিবো, আর সিয়েনর্‌ উগুরেন্দিগান্‌ ঢাগি দিয়্যে পুরিবো ডলপিনর চামর্‌ ঢাগনি দিইনে।

যাত্রা 26:36

তাম্বুল দোরানত্তেয়ো এক্কান পর্দা বানা পুরিবো। সিয়েন অবদে য়েল্, বিগুনি আর রাঙা রংয়র সুদো আর পাগেয়্যে মসীনা সুদোলোই সিলেয়্যে নক্‌সা গোজ্যে জিনিস।

যাত্রা 28:5

পোজাক্‌ বানেবার্‌ কামত্‌ তারা সনা আর য়েল্, বিগুনি আর রাঙা রংয়র্‌ সুদো আর মসীনা সুদো বেবহার্‌ গুরিবাক্।

গম্ উপদেজ্ 31:22

বিচ্চোনত্তে তে চাদর্ বানায়; তে নিজেয়ো মসীনার কাবড় আর মংগা বিগুনো রঙর্ কাবড় উরে।

যিশাইয় 3:23

আনা, মসীনা ভিদিরে কাবড়ান্, পাগড়ি আর ওড়নাগানি কাড়ি নিবো।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিহিষ্কেল 16:13

এবাবোত্যেগুরি সোনা আর রূবোলোই তরে সাজা অলঅ; তঅ কাবড়-চুগোরানি এলদে পাদল্ মসীনার, রেশমর আর নক্‌শা গোজ্যে কাবড়র্। তঅ হানাগানি এলদে নিগুজ্ মোইদ্যে, মধু আর জলপাইয়র তেল। তুই জদবদে দোল্ ওইনে রাণী ধোক্ক্যেন্ অলে।

যিহিষ্কেল 16:18

তর্ নক্‌শা গোজ্যে কাবড়-চুগোড়ানি তুই সিগুনোরে উরে দিদে আর তারা মুজুঙোত্ তুই মঅ তেলান্ আর আগর্‌বাট্টি উৎসর্ব গুরিদে।

যিহিষ্কেল 16:7

মুই তরে খেদর্ চারা ধোক্ক্যেন দাঙর্ গুরি তুলিলুং। তুই দাঙর্ ওই উদিনে হার্‌কোজ্যে গাবুর্ অলে, তঅ বুগ্‌কো দাঙর্ অলঅ, কেশ্ উদিলো, মাত্তর্ তুই লাংটা-বাংটা আর কাবড় ছাড়া এলে।

যিহিষ্কেল 26:16

সেক্কে সাগর পাড় দেজ্‌‌‌‌‌‌‌‌চানির রাজাগুনে তারার্ সিংহাসনত্তুন্ লামিনে তারার্ রাজপোশাক্ আর নক্‌‌‌‌‌‌‌‌সা গোজ্যে পোজাক্কানি খুলি ফেলেবাক্। অমকদ দরে তারা মাদিত্ বুজিবাক্, আমিঝে গির্‌‌‌‌‌‌‌‌গিরেবাক্ আর তরে দেগিনে আমক্ অবাক্।

যিহিষ্কেল 27:16

তর্ বানেয়্যে ভালোক্কানি পযাপিরাত্তে সিরিয়া তঅ লগে বেবসা গুরিদো; তঅ পযাপিরানির বদলে তারা দিদাক্ চিবিদি পাত্তর্; বিগুনি কাবড়, নক্‌শা তুল্যে কাবড়, পাদল্ মসীনার কাবড়, প্রবাল আর পদ্মরাগমণি।

যিহিষ্কেল 27:7

মিসরর্ দোল্ নক্‌‌‌‌‌‌‌‌সা মসীনা কাবড়্‌লোই তর্ পালান্ বানা ওইয়্যে আর সিয়েন্দোই মান্‌‌‌‌‌‌জ্যে তরে চিনিদাক্। ইলীশাত্তুন্ আন্যে য়েল্ আর বিগুনি কাবড়ানি এলঅ তাম্বুল্।

লূকে লেখ্যে গম্ হবর্ 15:22

মাত্তর্ তা বাবে তা চাগরুনোরে কলঅ, যাদিমাদি গুরি বেগত্তুন্ গম্ সুলুম্মো আনিনে তারে উরে দো। তা আঢত্ আন্দিক্ আর ঠেঙত্ জদা পিনেই দুয়ো,

ফগদাং পেইয়্যে 18:12

তারার সেই জিনিচ্চানি ভিদিরে আঘে-সনা, রূবো, মংগা পাথর আর মুক্তা; কচি মসীনার্ কাবড়, বিগুনী রংয়র্ কাবড়, রেশমী আর রাঙা কাবড়; নানান্ বাবোত্যে তুম্‌বাচ্‌ গাজ আর এদো দাতর্ বানেয়্যে নানান্ বাবোত্যে জিনিচ্‌; ভারী মংগা গাজ্‌চোই বানেয়্যে আর পিদোল, লুয়ো আর মার্বেল পাথরলোই বানেয়্যে নানান্ জিনিচ্‌;

ফগদাং পেইয়্যে 19:8

চোক্‌‌চোক্যে, সাব্ আর নিগুজ্ কুজি কাবড় তারে পিনিবাত্যে দিয়্যে ওইয়্যে। সেই কাবড়ান অলঅ গোজেন মানুচ্চুনোর ধর্ম লক্কণ।”

ফগদাং পেইয়্যে 21:2

যেরেদি মুই সেই পবিত্র শঅরানরে, অত্তাৎ নুয়ো যিরূশালেমানরে স্বর্গ ভিদিরেত্তুন্ আর গোজেন ইত্তুন লামি এত্তে দেগিলুং। বৌরে যেধোক্ক্যেন গুরি তা জামেইবোত্যে সাজা অয়, এই শঅরানরেয়ো ঠিগ্ সেধোক্ক্যেন গুরি সাজা ওইয়্যে।