যিহিষ্কেল 14:9 - Chakma Bible

⁹ “‘যুনি সেই ভাববাদীবো তারে কনঅ জোব্ দে সালে হবর্ পেবাদে যে, মুই লগেপ্রভু জোব্ দিবাত্তে তারে ভুলেয়োং। সে পরেদি সেই ভাববাদীবোর বিরুদ্ধে মুই আঢ্ বাবেম্ আর মঅ মানুচ্চো ইস্রায়েলীয়গুনো ভিদিরেত্তুন্ তারে ভস্ত গুরিম।

যিহিষ্কেল 14:9 ပူးပေါင်းရင်းမြစ်များ

২ বংশধর 18:22

ইয়েনত্তে লগেপ্রভু ইক্কিনে তর্‌ এ ভাববাদীগুনোর্‌ মুয়োত্‌ মিজে কধা কবার্‌ আত্মাগান্‌ দিয়্যে। তর্‌ নাশ অবাত্তে লগেপ্রভু রায় দিয়্যে।”

ইয়োব 12:16

বল্‌ আর জ্ঞানান তার্‌; যিবেরে ছলনা গরা ওইয়্যে আর যিবে ছলনা গরে তারা দ্বিজনে তা আধত্‌ তলে।

যিশাইয় 10:4

তুমি দঅ বন্দীগুনো ভিদিরে থেবা বা মরাগুনোর্ সমাজ্যে অবা; তমার্ গুরিবার আর্ কিচ্চু ন থেবঅ। ইয়েনি অলেয়ো তা রাগ্‌কান ন-থামেব; এজঅ তা আঢ্‌তান তুল্যে আঘে।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিশাইয় 63:16

ও লগেপ্রভু, তুই দঅ আমা বাপ্। যুনিয়ো অব্রাহামে আমারে হবর্ ন-পায় বা যাকোবে আমারে স্বিগের্ ন-গরে, তো তুয়ই আমা বাপ্; তুই উমরর্ উদ্ধোর্ গুরিয়্যে-ইয়েনই তর্ নাঙান।

যিশাইয় 66:4

সেনত্তে মুইয়ো তারা উগুরে সাজার্ বেবস্থাগান্ বেঈ নেযেম্ আর তারা যিয়েনি দরান্ সিয়েনি তারা উগুরে আনিম, কিত্তে মুই ডাগিলে কনজনে জোব্ ন-দুয়োন, মুই কধা কলে কনজনে ন-শুনোন্। মঅ চোগেদি যিয়েনি ভান্ন্যেই সিয়েনি তারা গোজ্যন্, আর মরে যিগুনে অহুজি গরন সেনত্তে তারা বেঈ লোইয়োন।”

যিশাইয় 9:12

পূগেত্তুন্ ধুরি অরামীয়গুনে আর পোজিমেত্তুন্ ধুরি পলেষ্টীয়গুনে মুয়োনি আ গুরিনে ইস্রায়েলরে গিলি ফেলেব। ইয়েনি অলেয়ো তা রাগ্‌কান ন-থামেব। এজঅ সং তা আঢ্‌‌‌‌তান তুল্যে আঘে।‌

যিশাইয় 9:17

সেনত্তে প্রভু গাবুজ্যেগুনোরে নিইনে কনঅ ফুত্তি ন-পেবঅ, আর মা-বাপ নেইয়্যেগুনোরে, রানি মিলেগুনো উগুরে তে কনঅ দোয়্যে ন-গুরিবো; কিত্তে বেক্কুনে গোজেন উগুরে ভোক্তি নেইয়্যে আর পাজি, বেক্কুনে বজং কধা কন্। ইয়েনি অলেয়ো তা রাগ্‌কান ন-থামেব; এজঅ সং তা আঢ্‌তান তুল্যে আঘে।‌‌

যিশাইয় 9:21

মনঃশি ইফ্রয়িমর আর ইফ্রয়িম মনঃশির য়েরা হেবাক্, আর তারা এক সমারে যিহূদা বিরুদ্ধে উদিবাক্। এজঅ সং তা আঢ্‌‌‌‌তান তুল্যে আঘে।

যিরমিয় 14:15

সেনত্তে যিদুক্কুন ভাববাদী মঅ নাঙে কধা কদন্ তারা পৌইদ্যেনে মুই লগেপ্রভু এ কধাগান কঙর্, মুই তারারে ন-পাদাং, তো তারা কদন্, কিত্তে যুদ্ধো বা ভাদরাত্ এ দেজত্ ন-এবঅ। সেই বেক্ ভাববাদীগুনে যুদ্ধোত্ বা ভাদরাদত্ ভস্ত ওই যেবাক্।

যিরমিয় 4:10

সেক্কে মুই কলুং, “হায়, হায়! ও প্রভু লগেপ্রভু, তুই এ মানুচ্চুনোরে আর যিরূশালেমানরে পুরোপুরি ছলনা গুরি কোইয়োচ্, ‘তমার শান্তি অবঅ,’ মাত্তর্ আমা গত্তনা ইধু তলোয়ার বাজেয়ে রোইয়্যে।”

যিরমিয় 6:14

তারা মঅ মানুচ্চুনোর ঘা গানি এমন্ গুরি বানি দুয়োন যেন সিয়েন এমন কিজু নয়। তারা কন্দে, ‘শান্তি, শান্তি,’ আজলে শান্তি নেই।

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

যিহিষ্কেল 13:9

মঅ আঢ্‌তানি সেবাবোত্যে ভাববাদীগুনো বিরুদ্ধে উদিবো যিগুনে মিজে দর্শন দেগন্ আর মিজে গোণা-পড়া গরন্। মঅ মানুচ্চুনো সমাজত্ তারা ন-থেবাক্ বা ইস্রায়েলর বংশ লিস্টি ভিদিরে তারা নাঙানি ন-থেবঅ, আর ইস্রায়েল দেজত্‌অ তারা ফিরি এই ন-পারিবাক্। সেক্কে তুমি হবর্ পেবা যে, মুয়ই প্রভু লগেপ্রভু।

যিহিষ্কেল 14:10

তারা দ্বি’জনে তারার্ অন্যেয়র্ সাজা পেবাক্; সেই ভাববাদীবোর্ আর সেই সল্লা গুরিবাত্তে এচ্চ্যে মানুচ্চোর সং সং সাজা অবঅ।

যিহিষ্কেল 14:5

ইস্রায়েলীয়গুনোর মনানি আরঅ জিদিই নিবাত্তে মুই ইয়েন গুরিম, কিত্তে তারা বেক্কুনে তারার্ মূত্তিগুনোত্তে মরে ছাড়ি যেইয়োন।

যিহিষ্কেল 16:27

সেনত্তে মুই তঅ বিরুদ্ধে মঅ আঢ্‌তানি বাবেইনে তঅ সোম্বোত্তিগানি কোমেই দুয়োং। তঅ শত্রুগুনোর, অত্তাৎ পলেষ্টীয়গুনোর মিলেগুন, যিগুনে তর্ জঘন্য খাচ্চ্যদত্তে লাজ্ পেইয়োন মুই তারা আঢত্ তরে তুলি দুয়োং।

যিহিষ্কেল 20:25

সেনত্তে যেদক্কানি সুদোম গম্ নয় আর যে রীদি-সুদোমর্ মাধ্যমে তারা জিংকানি ন-পেবাক্ সেই বেক্কুনো আদত্ মুই তারারে ইরি দিলুং।

হোশেয় 9:7

ইস্রায়েল যেন হবর্ রাগায়, সাজার্ দিন্নো এই যেইয়্যে, ইজেব-নিকেশর্ দিন্নো এইচ্চ্যে। তারার্ পাপ জনেদি বোউত্ আর তারা গোজেনরে এদক্ ঈচ্ গরনদে যে, তারা ভাববাদীগুনোরে বেদমা আর গোজেনর আত্মায় পেইয়্যে মান্‌জ্যরে পাগল্ মনে গরন্।

সখরিয় 13:3

তো যুনি কনজনে ভাববাদী ইজেবে কধা কন্ সালে তা নিজোর্ মা-বাবে তারে কবাক্, তত্তুন্ মরা পুরিবো, কিত্যে তুই লগেপ্রভুর নাঙে মিজে কধা কোইয়োচ্। তে ভাববাদী ইজেবে কধা কলে পরেদি তা নিজো মা-বাবে তারে আত্যের্‌লোই মারে ফেলেবাক্।‌‌‌