যিহিষ্কেল 14:4 - Chakma Bible

⁴ সেনত্তে তুই তারারে কঅ, প্রভু লগেপ্রভু কোইয়্যেদে, কনঅ ইস্রায়েলীয় যুনি তা মন ভিদিরে মূত্তি থিদেবর্ গুরিনে পাপত্ পড়েদে ধোক্ক্যেন জিনিস নিজো মুজুঙোত্ রাগায় আর সে পরেদি ভাববাদীগুনো ইধু এজে, সালে মুই লগেপ্রভু নিজে তার ভালোক্কুন মূত্তি ইজেবে তারে জোব্ দিম।

যিহিষ্কেল 14:4 ပူးပေါင်းရင်းမြစ်များ

২ রাজাবলী 1:16

তে রাজারে কলঅ, “লগেপ্রভু এ কধাগান কোইয়্যে, ‘পুযোর্‌ গুরিবাত্তে ইস্রায়েলত্‌ কি কনঅ গোজেন্‌ নেই, তুই ইক্রোণর দেবেদা বাল্‌-সবূবোর ইদু মানুচ্‌ পাদেয়োচ্‌? তুই এ কামান্‌ গোজ্যস্‌ বিলিনে তুই যে বিচ্ছোনানত্‌ পুরি আগচ্‌ সিয়েনত্তুন্‌ আর ন-উদিবে। তুই ঘেচ্ছেকগুরি মুরি যেবে।’”

যিশাইয় 3:11

হায়! পাজিগুন্! তারা উগুরে দজা এবঅ। তারা যিয়েনি গোজ্যন্ তারা সিয়েনির পাওনাগান্ পেবাক্।

যিশাইয় 66:4

সেনত্তে মুইয়ো তারা উগুরে সাজার্ বেবস্থাগান্ বেঈ নেযেম্ আর তারা যিয়েনি দরান্ সিয়েনি তারা উগুরে আনিম, কিত্তে মুই ডাগিলে কনজনে জোব্ ন-দুয়োন, মুই কধা কলে কনজনে ন-শুনোন্। মঅ চোগেদি যিয়েনি ভান্ন্যেই সিয়েনি তারা গোজ্যন্, আর মরে যিগুনে অহুজি গরন সেনত্তে তারা বেঈ লোইয়োন।”

যিহিষ্কেল 14:3

ও মান্‌জ্যর্ পুয়োবো, এ মানুচ্চুনে তারার্ মন ভিদিরে মূত্তি থিদেবর্ গুরিনে পাপত্ পড়েদে ধোক্ক্যেন জিনিস তারা মুজুঙোত্ রাগেয়্যে। সেনত্তে মইধু যুনি তারা কনঅ কিজু পুযোর্ গরন সালে মুই তারারে জোব্ ন-দিম।

যিহিষ্কেল 14:6

সেনত্তে তুই তারারে কঅ, প্রভু লগেপ্রভু কোইয়্যেদে, তুমি মন ফিরো। তমা মূত্তিগুনোত্তুন্ ফিরো আর বেক্ জঘন্য কামানি ছাড়।

যিহিষ্কেল 14:7

কনঅ ইস্রায়েলীয় বা ইস্রায়েল দেজত্ বজত্তি গুরিয়্যে কনঅ বিদেশী যুনি মত্তুন্ ফারগ্ ওই যান আর তা মনত্ মূত্তি থিদেবর্ গুরিনে পাপত্ পড়েদে ধোক্ক্যেন জিনিস তা মুজুঙোত্ রাগায় আর সে পরেদি মইধু পুযোর্ গুরিবাত্তে কনঅ ভাববাদী ইধু এজন্, সালে মুই লগেপ্রভু নিজেই তারে জোব্ দিম।

যিহিষ্কেল 2:7

তারা উল্লোমী বিলিনে মঅ কধা নয়ো শুনি পারন্, মাত্তর্ তারা শুনোদোক্ বা ন-শুনোদোক্ তুই তারা ইধু মঅ কধানি কবে।

যিহিষ্কেল 3:4

তে সে পরেদি মরে কলঅ, “ও মান্‌‌‌‌জ্যর্ পুয়োবো, তুই ইক্কিনি ইস্রায়েলীয়গুনো ইধু যেইনে মঅ কধানি কঅ।

যিহিষ্কেল 44:12

মাত্তর্ তারা মূত্তিগুনো মুজুঙোত্ মানুচ্চুনোরে সেবা গোজ্যন্ আর ইস্রায়েল জাদরে পাপত্ ফেল্যন, সেনত্তে মুই প্রভু লগেপ্রভু শমক্ গোজ্যং, তারার্ পাপর্ ফল তারাত্তুন ভুগো পড়িবো।

সফনিয় 1:3

মানুচ্ আর য়েমান, আগাজ পেগ্‌কুন আর সাগরর মাছ্‌চুন মুই শেজ্ গুরি দিম। মুই পাজিগুনোর্ অধপতন ঘোদেম্। পিত্‌‌‌‌থিমীর উগুরেত্তুন্ মুই মানুচ্চুনোরে ভস্ত গুরি দিম।