যিহিষ্কেল 14:17 - Chakma Bible

¹⁷ ধর, মুই সেই দেজ বিরুদ্ধে যুদ্ধো আনিনে কলুং, দেজর্ বেক্ জাগানিত্ যুদ্ধো ওক্, আর মুই সিদুগো মানুচ্চুন আর এ্যামানুনোরে মারে ফেলেলুং।

যিহিষ্কেল 14:17 ပူးပေါင်းရင်းမြစ်များ

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 33:12

এই ফেলাযেইয়্যে ভূইয়ানি, যিয়েনত্ মানুচ্ আর য়েমান কিচ্চু নেই, সিয়েনত্ আর সিদুগোর্ বেক শঅরানিত্ আর আদামানিত্ আরঅ গরগ্‌‍‍‍কুনোর ভেড়াগুনোত্তে চোরেয়্যে ভূই অবঅ।‍‍

যিরমিয় 47:6

তুমি ইয়েন কোইনে কানি উদো, ‘ও লগেপ্রভুর তলোয়ারান, আর কয়দিন পরে তুই জিরেবে? তঅ খাপত্ তুই ফিরি যাহ্; থামা, অলর্ অ।’

যিরমিয় 47:7

মাত্তর্ মুই তারে উগুম দুয়োং সেনত্তে কিবাবোত্যেগুরি তে জিরেব? মুয়ই দঅ তারে অস্কিলোন আর সাগর পারানি আক্রমণ গুরিবাত্তে উগুম দুয়োং।”

যিহিষ্কেল 14:13

ও মান্‌‌জ্য পুয়োবো, ধুরিচ্, অবিশ্বেজি ওইনে কনঅ দেজ্ মঅ বিরুদ্ধে পাপ গুরিলো আর মুই তা বিরুদ্ধে আঢ্ বাবেইনে তা হানার যোগানানি বন্ধ গুরিলুং আর ভাদরাত্ পাধেইনে তা মানুচ্ আর এ্যামানুনোরে মারে ফেলেলুং।

যিহিষ্কেল 14:18

মঅ জিংকানিগানর্ নাঙে কঙর্, সিয়েন ভিদিরে সেই তিনজন মানুচ্ থেলেয়ো তারা নিজো ঝি-পুয়োগুনোরে রোক্ষ্যে গুরি ন-পারিদাক্। তারা নিজে বানা রোক্ষ্যে পেদাক্।

যিহিষ্কেল 21:8

লগেপ্রভু মরে আরঅ কলঅ,

যিহিষ্কেল 25:13

সেনত্তে মুই প্রভু লগেপ্রভু কঙর্, ইদোম বিরুদ্ধে মুই মঅ আঢ্‌‌‌‌‌‌তানি বাড়েম আর সিদুগোর্ বেক মানুচ্চুন আর এ্যামানুন্ মারে ফেলেম। মুই সিয়েন ভস্তর্ জাগা গুরি রাগেম আর তৈমনত্তুন্ দদান সং মান্‌‌‌‌‌‌জ্যে যুদ্ধোত্ মুড়িবাক্।

যিহিষ্কেল 29:8

সেনত্তে মুই প্রভু লগেপ্রভু কঙর্, মুই তঅ বিরুদ্ধে যুদ্ধো আনিনে তঅ মানুচ্চুনোরে আর য়েমানুনোরে মারে ফেলেম।

যিহিষ্কেল 33:2

ও মান্‌জ্যর পুয়োবো‌‌‌‌‌, তঅ জাদর্ মানুচ্চুনোরে কঅ, লগেপ্রভু কোইয়্যেদে, ধুরিচ্, মুই কনঅ দেজর্ বিরুদ্ধে যুদ্ধো আনিলুং। সেক্কে দেজর্ মানুচ্চুনে তারা মানুচ্চুনো ভিদিরেত্তুন্ একজনরে বেঈ লোইনে তারে তারার্ চুগিদার নেযেলাক্।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

যিহিষ্কেল 5:17

তঅ বিরুদ্ধে মুই ভাদরাদ্ আর চিৎনপুজ্যে য়েমান পাধেই দিম্; তারা তরে পুয়ো-ছা নেইয়্যে গুরিবাক্। ভানা আর লো ঝরানা তঅ মাধ্যমে যেবঅ আর মুই তঅ বিরুদ্ধে যুদ্ধো আনিম। মুই লগেপ্রভু এ কধাগান কলুং।”

হোশেয় 4:3

ইয়েনত্তে দেজ্‌চানে আবিলেচ্ গরের আর যিগুনে দেজ ভিদিরে বজত্তি গত্তন্ তারা শেজ্ ওই যাদন আর য়েমান, পেগ্ আর মাছ মুরি যাদন্।

লেবীয় 26:25

মর্‌ সুদোম ভাঙানাত্যে মুই তমা উগুরে যুদ্ধো আনিম। শত্রুগুনে দেগিনে যেক্কে তুমি শঅরত্‌ যেইনে চুমিবা সেক্কে তমা ইধু মুই ভানা পাদেই দিম, আর সেক্কে তুমি শত্রুর আঢত্ যেইনে পুরিবা।

সফনিয় 1:3

মানুচ্ আর য়েমান, আগাজ পেগ্‌কুন আর সাগরর মাছ্‌চুন মুই শেজ্ গুরি দিম। মুই পাজিগুনোর্ অধপতন ঘোদেম্। পিত্‌‌‌‌থিমীর উগুরেত্তুন্ মুই মানুচ্চুনোরে ভস্ত গুরি দিম।