যিহিষ্কেল 14:13 - Chakma Bible

¹³ ও মান্‌‌জ্য পুয়োবো, ধুরিচ্, অবিশ্বেজি ওইনে কনঅ দেজ্ মঅ বিরুদ্ধে পাপ গুরিলো আর মুই তা বিরুদ্ধে আঢ্ বাবেইনে তা হানার যোগানানি বন্ধ গুরিলুং আর ভাদরাত্ পাধেইনে তা মানুচ্ আর এ্যামানুনোরে মারে ফেলেলুং।

যিহিষ্কেল 14:13 ပူးပေါင်းရင်းမြစ်များ

ইষ্রা 9:6

ও মর্ গোজেন, তইন্দি মর্ মুয়োন তুলোদে ভারী লাজাঙর্, কিত্যে আমা পাপ্পানি আমা মাঢা উগুরে উঠ্যেগোই আর আমা ‍দুষ্‌‌চানি আগাজত্ লুম্মেগোই।

যিশাইয় 24:20

পিত্‌‌‌থিমীগান মাত্তল ধোক্ক্যেন আলেব, বোইয়্যেরত্ দুলেদে ভাঙা ঘর ধোক্ক্যেন দুলিবো। তা পাপ ভারান্ তা উগুরে এদক্ অবদে যে, তে পড়িবো; তে আর কনদিন্অ উদি ন-পারিবো।

যিশাইয় 3:1

ইক্কিনে চঅ, যেদক্কানি জিনিস আর মানুচ্চুনো উগুরে বিশ্বেজ্ গরন্ সেই বেক যিরূশালেমান্ আর যিহূদাত্তুন্ বেগত্তুন্ খেমতাবলা প্রভু লগেপ্রভু দূর্ গুরি দিবাত্তে যার্। তে তারার্ বেক হানাগানি আর পানিগান দূর্ গুরি দিবো।

যিরমিয় 32:43

যে দেজ্‌‌চান পৌইদ্যেনে তুমি কধা, ‘ইয়েন এক্কান উগুজ্যে ভুই, ইয়েনত্ মানুচ্ বা য়েমান কিচ্চু নেই, কিত্তে ইয়েন বাবিলীয়গুনো আঢত্ তুলি দিয়্যে ওইয়্যে,’ সে দেজত্ আরঅ ভূই বেজা-কিনে অবঅ।

যিরমিয় 36:29

ইয়েনি বাদেয়ো তুই যিহূদার রাজা যিহোয়াকীমরে কঅ, লগেপ্রভু কোইয়্যেদে, ‘তুই বোইবো পুড়ি দিইনে কিত্তে পুজোর্ গরর্ যিরমিয় এ বোইবো ভিদিরে লেখ্যেদে, বাবিলোর রাজা হামাক্কায় এইনে এ দেজ্‌‌চান ভস্ত গুরিবো আর মানুচ্ আর য়েমান দুনোগুন শেজ্ গুরি দিবো?

যিরমিয় 52:6

চের্ মাজত্ নয় দিনোত্ শঅরত্ ভাদরাদর্ অবস্থা এদক্ বেশ্ অলঅ যে, মানুচ্চুনোর্ হেবাত্তে কিচ্চু ন-এলঅ।

যিরমিয় 7:20

সেনত্তে প্রভু লগেপ্রভু কোইয়্যেদে, “মর্ বেজার্ অনা আর রাগ এ জাগায়ান উগুরে, মানুচ্ আর এ্যামানুনো উগুরে, মাদর্ গাজপালা আর মাদি উগুরে গুলোগুলি উগুরে ঢালা অবঅ, আর সেই রাগ্‌কান জুলিবো, ন-মুরিবো।”

আবিলেচ্ 1:20

ও লগেপ্রভু, চাহ্, মুই কেধোক্ক্যেন দুঘ্ পাঙর্! মঅ ভিদিরেয়ো যন্ত্রণা অর্। মঅ মনান্ যাগুলুগ্ ওইয়্যে, কিত্যে মুই অমকদ উল্লোমী ওইয়োং। শঅর বারেদি তলোয়ারানিয়ে পরাণানিরে নেযার্, আর ভিদিরে আগেদে বানা মরণান্।

আবিলেচ্ 1:8

যিরূশালেমানে অমকদ পাপ গোজ্যে, সেনত্তে তে অসিজি ওই যেইয়্যে। যিগুনে তারে সর্মান গুরিদাক্ তারা বেক্কুনে তারে ঈচ্ গত্তন্, কিত্তে তারা তার্ লাংতা-বাংতা অবস্থাগান্ দেখ্যন; তে ভঅনিজেস্ ফেলার্ আর মুয়োন লুগোর্।

যিহিষ্কেল 14:12

সে পরেদি লগেপ্রভু মরে কোইয়্যেদে,

যিহিষ্কেল 14:17

ধর, মুই সেই দেজ বিরুদ্ধে যুদ্ধো আনিনে কলুং, দেজর্ বেক্ জাগানিত্ যুদ্ধো ওক্, আর মুই সিদুগো মানুচ্চুন আর এ্যামানুনোরে মারে ফেলেলুং।

যিহিষ্কেল 14:19

আরঅ ধর, মুই সেই দেজ ভিদিরে ভানা পাধেলুং আর সিয়েনর মানুচ্ আহ্ এ্যামানুনোরে মারে ফেলানার মাধ্যমে মঅ রাগকান্ সিয়েন উগুরে ঢালি দিলুং।

যিহিষ্কেল 14:21

“ইক্কিনে মুই প্রভু লগেপ্রভু কঙর্, মুই যেক্কে যিরূশালেমর মানুচ্ আর এ্যামানুন মারে ফেলেবাত্তে সিয়েন বিরুদ্ধে যুদ্ধো, ভাদরাত্, ঝার্‌বো য়েমান আর ভানা-এ চেরান্ দর্‌গরেপারা সাজা পাদেম্ সেক্কে কত্তমান না ভান্ন্যেই অবঅ!

যিহিষ্কেল 15:8

দেজ্‌চান মুই মানুচ্ নেইয়্যে গুরিম, কিত্তে তারা অবিশ্বেজি ওইয়োন্। মুই প্রভু লগেপ্রভু এ কধাগান কঙর্।”

যিহিষ্কেল 20:27

“সেনত্তে ও মান্‌‌জ্যর পুয়োবো, তুই ইস্রায়েলীয়গুনোরে কঅ, প্রভু লগেপ্রভু কোইয়্যেদে, ‘তমা পুরোণি মানুচ্চুনে অবিশ্বেজর্ কাম গুরিনে মরে অগমান গোজ্যন্।

যিহিষ্কেল 25:13

সেনত্তে মুই প্রভু লগেপ্রভু কঙর্, ইদোম বিরুদ্ধে মুই মঅ আঢ্‌‌‌‌‌‌তানি বাড়েম আর সিদুগোর্ বেক মানুচ্চুন আর এ্যামানুন্ মারে ফেলেম। মুই সিয়েন ভস্তর্ জাগা গুরি রাগেম আর তৈমনত্তুন্ দদান সং মান্‌‌‌‌‌‌জ্যে যুদ্ধোত্ মুড়িবাক্।

যিহিষ্কেল 4:16

সে পরেদি তে মরে কলঅ, ও মান্‌‌‌‌‌‌জ্যর পুয়োবো, মুই যিরূশালেমর হানার্ যুগেই দেনাগান বন্ধ গুরি দিম। মানুচ্চুনে ভান্ন্যেই চিন্তেলোই মাবিনে হানা হেবাক্ আর হতাশালোই মাবিনে পানি হেবাক্,

যিহিষ্কেল 5:16

তরে ভস্ত গুরিবাত্তে মুই তঅ উগুরে মর্ ভাদরাদর্ দর্‌‌‌গরেপারা সেল্‌‌‌লো মারিম। মুই তঅ উগুরে সেই ভাদরাদ্ আরঅ বাড়েই দিম্ আর তর্ হানার যুগেই দেনাগান বন্ধ গুরি দিম্।

যিহিষ্কেল 6:14

ইস্রায়েলীয়গুনে যিয়েনত্ থেদাক্ সাৎ মুই তারা বিরুদ্ধে মঅ আঢ্‌‌‌‌তানি বাবেই দিম্ আর ধূল্যেচর-চাগালাত্তুন্ দিব্‌‌‌‌লা সং পুরো দেজ্‌‌‌‌চান মানুচ্ নেইয়্যে আর ভস্ত ওইয়্যে জাগা বানেম্। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 9:9

তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’

দানিয়েল 9:5

আমি পাপ গোজ্যেই, অন্যেয় গোজ্যেই। আমি ভান্ন্যেই কাম্ গোজ্যেই, উল্লোমি গোজ্যেই। আমি তর্ উগুম আর সুদোম পদত্তুন্ সুরি যেইয়্যেই।

লেবীয় 26:26

মুই তমারে হানার্‌ অভাব-অনটনত্‌ ঘোদেম্‌। সেক্কে দশজন মিলের্‌ রুটি সেঁক্‌কে এক্কোত্তুন্‌ বেশ্‌ চুলো ন-লাগিবো, আর হেবার্‌ অক্তত্‌ তুমি রুটি মাবি মাবি দিবা। তুমি পেট ভুরি হেই ন-পেবা।