মুই তারারে আর তারার পুরোণি মানুচ্চুনোরে যে দেজ্চান দুয়োং সে দেজত্ যেদক্ ভিলোন সং তারা এক্কুবারে ভস্ত ওই ন-যান সেদক্ ভিলোন সং মুই তারা ভিদিরে যুদ্ধো, ভাদরাত আর ভানা পাদেম্।”
সেক্কে ইস্রায়েলীয়গুনে আর মত্তুন্ ভান্ন্যেই পধেদি ন-যেবাক্ আর তারার্ বেক পাপ্পানিলোই নিজোরে আর অসিজি ন-গুরিবাক্। তারা মঅ মানুচ্ অবাক্ আর মুই তারার্ গোজেন ওম্। মুই প্রভু লগেপ্রভু এ কধাগান কঙর্।”
ও মান্জ্য পুয়োবো, ধুরিচ্, অবিশ্বেজি ওইনে কনঅ দেজ্ মঅ বিরুদ্ধে পাপ গুরিলো আর মুই তা বিরুদ্ধে আঢ্ বাবেইনে তা হানার যোগানানি বন্ধ গুরিলুং আর ভাদরাত্ পাধেইনে তা মানুচ্ আর এ্যামানুনোরে মারে ফেলেলুং।
