যিহিষ্কেল 13:9 - Chakma Bible

⁹ মঅ আঢ্‌তানি সেবাবোত্যে ভাববাদীগুনো বিরুদ্ধে উদিবো যিগুনে মিজে দর্শন দেগন্ আর মিজে গোণা-পড়া গরন্। মঅ মানুচ্চুনো সমাজত্ তারা ন-থেবাক্ বা ইস্রায়েলর বংশ লিস্টি ভিদিরে তারা নাঙানি ন-থেবঅ, আর ইস্রায়েল দেজত্‌অ তারা ফিরি এই ন-পারিবাক্। সেক্কে তুমি হবর্ পেবা যে, মুয়ই প্রভু লগেপ্রভু।

যিহিষ্কেল 13:9 ပူးပေါင်းရင်းမြစ်များ

১ রাজাবলী 13:18

জোবত্‌ সে ভাববাদীবো কলঅ, “মুই তঅ ধোক্কেন্‌ ইক্কো ভাববাদী। লগেপ্রভুর কধামজিম্‌ ইক্কো স্বর্গদূতে মরে কোইয়্যেদে যেনে মুই তরে মঅ ঘরত্‌ ফিরেই নেযাং যেনে তুই হানা আর পানি হেই পারচ্‌।” মাত্তর্‌ তে তারে মিজে কধা কলঅ।

ইষ্রা 2:59

তেল্‌-মেলহ, তেল্‌-হর্শা, করূব, অদ্দন আর ইম্মেরর চাগালাত্তুন্ যিগুনে এচ্চ্যন্ তারা ইস্রায়েলীয় বিলিনে নিজোরে প্রমাণ গুরি ন পারিলাক্।

নহিমিয় 7:62

দলায়, টোবিয় আর নকোদর বংশর ছয়শঅ বিয়াল্লিশ জন।

গীতসংহিতা 101:7

ছলনাবলাগুনে মঅ ঘরত্ বজত্তি গুরি ন-পারিবাক্; মিজেকধা কোইয়্যেগুনে মঅ কামত্ অদে অদে থেই ন-পারিবাক্।

গীতসংহিতা 69:28

জেদাগুনোর নাঙানিত্তুন্ যেন তারার নাঙানি বাদ যায়, গোজেন ভক্তগুনোর্ নাঙানিত্তুন্ যেন তারার নাঙানি ন-থায়।

গীতসংহিতা 69:5

ও গোজেন, তুই দঅ মর্ ভুলো কধা হবর্ পাজ্; মঅ দুষ্‌ছান তইদু লুগেবার নেই।

গীতসংহিতা 87:6

লগেপ্রভু জাদ্‌তুনোর নাঙানি লিগিবার অক্তত্ এ কধাগান কবঅ, “ইবে সিয়োনত্ জর্মেয়্যে।”

গীতসংহিতা 95:11

সেনত্তে মুই রাগে শমক্ হেইনে কোইয়োঙে, “মর্ দিয়্যে জিরেবার জাগানত্ তারা যেই ন-পারিবাক্। ”

যিশাইয় 4:3

সেদিন্যে সিয়োনত্ যিগুনে বাগি থেবাক্, অত্তাৎ যিরূশালেমত্ যিগুনে বাঁজি থেবাক্ তারারে পবিত্র বিলিনে ডাগা অবঅ। যিরূশালেমত্ বাঁজি থেবাত্তে সেই মানুচ্চুনোর্ নাঙানি লেগা আঘে।

যিরমিয় 14:15

সেনত্তে যিদুক্কুন ভাববাদী মঅ নাঙে কধা কদন্ তারা পৌইদ্যেনে মুই লগেপ্রভু এ কধাগান কঙর্, মুই তারারে ন-পাদাং, তো তারা কদন্, কিত্তে যুদ্ধো বা ভাদরাত্ এ দেজত্ ন-এবঅ। সেই বেক্ ভাববাদীগুনে যুদ্ধোত্ বা ভাদরাদত্ ভস্ত ওই যেবাক্।

যিরমিয় 17:13

ও লগেপ্রভু, ইস্রায়েলর আজা, যিগুনে তরে ছাড়ি যেইয়োন তারার বেক্কুনোরে লাজত্ ফেলা অবঅ। তত্তুন্ যিগুনে ফিরি যেইয়োন তারার নাঙানি ধুল্যেলোই লেগা অবঅ, কিত্তে তারা জেদা পানির পয়নালা লগেপ্রভুরে ছাড়ি যেইয়োন।

যিরমিয় 23:20

মঅ রাগ্‌‌‌কান মঅ মনান নাঙে ভর্‌পুনং ন-অনা সং ফিরি ন-যেবঅ। তুমি আগামীদি সিয়েন গমেডালে বুঝি পারিবে।‌

যিরমিয় 4:9

লগেপ্রভু কোইয়্যেদে, “সেদিন্যে রাজা দাঙর্ পদত্ কামগুরিয়্যেগুনে সাহস আরেবাক্, আর ধর্মগুরুগুনে আর ভাববাদীগুনে আমক্ অবাক্।”

যিহিষ্কেল 11:10

তুমি যুদ্ধোত্ মুরিবে; ইস্রায়েলর দুযিত্ মুই তমারে বেক্কুনোরে সাজা দিম্। সেক্কে তুমি হবর্ পেবাদে, মুয়ই লগেপ্রভু।

যিহিষ্কেল 12:20

মানুজে ভরা শঅরানি ভস্তর্ জাগা ওই থেবঅ আর দেজচান মানুচ্ নেইয়্যে অবঅ। সেক্কে তুমি হবর্ পেবা যে, মুয়ই লগেপ্রভু।’ ”

যিহিষ্কেল 13:14

যে দেবালান্ ভাববাদীগুনে চিবিদি গুলিনে নাঢি দুয়োন্ সিয়েন মুই ভাঙিনে মাদি সমারে সং গুরি দিম যেনে সিয়েনর গোড়াগান খুলো পড়ি থায়। সিয়েন ভাঙি পড়িবার অক্তত্ তা তলাগান্দোই তারায়ো ভস্ত ওই যেবাক্। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 13:23

সেনত্তে তুমি আর মিজে দর্শন ন-দেগেবা বা গোণা-পড়ায়ো ন-গুরিবা। তমা আঢত্তুন্ মুই মঅ মানুচ্চুনোরে উদ্ধোর গুরিম। সেক্কে তুমি হবর্ পেবা যে, মুয়ই লগেপ্রভু।’”

যিহিষ্কেল 20:38

তমা ভিদিরে যিগুনে মঅ বিরুদ্ধে থান্ আর উল্লোমী গরন মুই তারারে দূর্ গুরি দিম। তারা যে দেজত্ বজত্তি গত্তন্ যুনিয়ো সিয়োত্তুন মুই তারারে নিগিলেই আনিম তো তারা ইস্রায়েল দেজত্ চোমেই ন-পারিবাক্। সেক্কে তারা হবর্ পেবাক্ যে, মুয়ই লগেপ্রভু।

দানিয়েল 12:1

“সেই সময়োত্ তঅ মানুচ্চুনোরে রোক্ষ্যে গুরিয়্যে দাঙর্ স্বর্গদূত মীখায়েলে তমা তপ্পে থিয়্যেব। এমন এক্কো দুঘো সময় এবঅ যিবে তঅ জাদর্ আরাম্ভত্তুন্ ধুরি সেই সময় সং কনদিন্‌অ ন-অয়। মাত্তর্ সেই সময় তঅ মানুচ্চুনো ভিদিরে যিগুনোর নাঙানি বোইয়ো ভিদিরে লেখ্যে থেবঅ তারা উদ্ধোর্ পেবাক্।

হোশেয় 4:5

ধর্মগুরুগুন, তুমি দিনোত্ আর রেদোত্ উজোত্ খর্ আর তমা লগে উজোত্ খাদন্ ভাববাদীগুনে। সেনত্তেই মুই তমা মাবো ইস্রায়েলরে ভস্ত গুরি দিম।

হোশেয় 9:3

তারা লগেপ্রভুর দেজত্ ন-থেবাক্; ইফ্রয়িমে মিসরত্ ফিরি যেবঅ আর আসিরিয়ার অসিজি হানা হেবঅ।

মীখা 3:5

যিদুক্কুন ভাববাদী মঅ মানুচ্চুনোরে ভান্ন্যেই পধেদি নেযেয়োন তারারে যুনি কনজনে হেবাত্তে দুয়োন্ সালে তারা “শান্তি” কোইনে ফগদাং গরন্; মাত্তর্ যুনি হেবাত্তে ন-দুয়োন সালে তারা তা বিরুদ্ধে যুদ্ধো গুরিবাত্তে যুক্কোল্ অন্। সেনত্তে লগেপ্রভু সেই ভাববাদীগুনোরে কত্তে,

মীখা 3:6

“তমাত্তে রেত্ এজের্, তুমি কনঅ দর্শন ন-পেবা; তমাত্তে আন্ধার্ এজের্, তুমি গোণেইনে কিচ্ছু কোই ন-পারিবা। তমাত্তে বেলান্ ডুবিবো আর দিনোত্ আন্ধার্ ওই যেবঅ।”

লূকে লেখ্যে গম্ হবর্ 10:20

মাত্তর্ ভান্ন্যেই আত্মাগুনে তমা কধা শুনোন্ বিলি হুজি ন-ওইয়ো বরং স্বর্গত্ তমা নাঙান্ লেগা ওইয়্যে বিলি হুজি ওইয়ো।”

ফিলিপীয় 4:3

আর মর্ আজল্ সমাজ্জ্যে, মুই তরেয়ো কোজোলি গরঙর্-তুই এই মিলেগুনোরে সাহায্য গর্। তারা খ্রীষ্টর্ পৌইদ্যেনে গম হবরত্যে মঅ লগে আর ক্লীমেন্ত আর মর্ অন্য সমাজ্জ্যেগুনো সমারে দুঘ্ গোজ্জ্যন্। ইগুনোর্ নাঙানি জিংকানি-বোইবোত্ লেগা আঘে।

ইব্রীয় 12:23

পত্তম পুয়োর্ অধিকার পেইয়্যে মানুচ্‌ ইজেবে যিগুনোর্ নাঙানি স্বর্গত্ লেগা আঘে তারারে দিইনে বানেয়্যে মন্ডলী ইধু এচ্চ্য; যিবে বেক্‌ মানুচ্চুনোর্ বিচেরক্ সেই গোজেন ইধু এচ্চ্য; যিদুক্কুন মান্‌জ্যে পরিপূরোণান্ পেইয়োন সেই বেক্ নিদ্দুজি মানুচ্চুনোর্ আত্মার্ ইধু এচ্চ্য;

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।