যিহিষ্কেল 13:22 - Chakma Bible

²² যে গম্ মানুচ্চুনোরে মুই দুঘ্ ন-দুয়োং, মিজে কধা কোইনে তুমি তারারে আশানেইয়্যে ন গোজ্য আর পাজি মানুচ্চুনোরে তুমি উচ্চোমি দুয়ো যেনে তারা পরাণানি বাজেবাত্তে ভান্ন্যেই পধত্তুন্ ন-ফিরোন্।

যিহিষ্কেল 13:22 ပူးပေါင်းရင်းမြစ်များ

যিশাইয় 28:15

তুমি বাড়্‌বো গুরিনে কঅ, “আমি মরণ সমারে, মরণ জাগা সমারে এক্কো চুক্তি গোজ্জ্যেই। ভস্তর্ চাবুক্ যেক্কে জোরে লামি এবঅ সেক্কে সিয়েন্ আমা ইদু ন-এবঅ, কিত্তে আমি মিজেগানরে আমার্ আশ্রয় জাগা আর ছলনাগানরে আমার্ লুগেবার জাগা গোজ্জ্যেই।”

যিরমিয় 23:14

ইয়েন বাদেয়ো যিরূশালেম ভাববাদীগুনো ভিদিরে এ দর্‌গরেপারা বেপারান দেখ্যং, তারা সিনেলী গরন আর মিজে জিংকানি কাদান্। তারা অন্যেয়গুরিয়্যেগুনোর আঢ্‌তানি এমন দরমর গরন যিয়েনত্তে কনজনে সে পাজিগানিত্তুন ন-ফিরোন। তারা বেক্কুনে মইধু সদোম আর ঘমোরা মানুচ্চুনো ধোক্ক্যেন।‍‍‍‍‍‍‍‍‍‍‍‍

যিরমিয় 23:17

যিগুনে মরে ঈচ্ গরন তারা ইধু সেই ভাববাদীগুনে এ কধাগান কন, ‘লগেপ্রভু কোইয়্যেদে, তমার শান্তি অবঅ’; আর যিগুনে নিজোর মন একগেয়েমীলোই চলন তারা তারারে কন, ‘তমার কনঅ দযা ন-অবঅ।’

যিরমিয় 23:9

যেরেদি ভাববাদীগুনো পৌইদ্যেনে লগেপ্রভুর কধানি শুনিনে মঅ মনান যেন ভিদিরে ভিদিরে ভাঙি পোজ্যে আর মর্ বেক আড়ুন গির্‌গিরেদন। লগেপ্রভু আর তার পবিত্র কধানিত্তে মুই মাত্তল ধোক্ক্যেন, আংগুর-রস হেইনে অমকদ মাত্তল ওইয়্যে মানজ্য ধোক্ক্যেন ওইয়োং।‍‍‍

যিরমিয় 28:16

সেনত্তে লগেপ্রভু কোইয়্যেদে, ‘মুই তরে পিত্‌থিমীর উগুরেত্তুন সোরেই দিবাত্তে যাঙর্। এ বজরত্ তুই মুরি যেবে, কিত্তে তুই লগেপ্রভুর বিরুদ্ধে উল্লোমির কধা ফগদাং গোজ্যস্।’ ”

যিরমিয় 29:31

“তুই বেক বন্দীগুনো ইধু এ হবরান পাধেই দে, নিহিলামীয় শমরিয় পৌইদ্যেনে লগেপ্রভু কোইয়্যেদে, ‘মুই শময়িয়রে ন-পাদাং, তো তে তমা ইধু নিজোরে ভাববাদী ইজেবে দেগেইনে মিজে কধালোই তমারে বিশ্বেজ্ গোরেয়্যে।

যিরমিয় 29:32

মুই হামাক্কায় নিহিলামীয় শময়িয় আর তা বংশধরুনোরে সাজা দিম। এ জাদ্‌‌‌তো ভিদিরে তার কনজন ন-থেবাক্ আর মুই মঅ মানুচ্চুনোত্তে যেদক্কানি ভালেদি গুরিম সিয়েনঅ তে ন-দেগিবো, কিত্তে তে মঅ বিরুদ্ধে উল্লোমী ফগদাং গোজ্যে। মুই লগেপ্রভু এ কধাগান কঙর্।’ ”

যিরমিয় 34:16

মাত্তর্ ইক্কিনে তুমি ঘুরি যেইয়ো আর মরে অসর্মান গোজ্য; তুমি যিদুক্কুন চাগর্ আর চাগরানিরে তারার আওজ্ মজিম যেবাত্তে উদ্ধোর্ গুরি দুয়ো তুমি পত্তিজনে তারারে আরঅ ফিরেই আনিনে চাগর্-চাগরানি বানেয়ো।

যিরমিয় 34:22

মুই তারারে উগুম দিইনে এ শঅরত্ ফিরেই আনিম। তারা এ শঅর বিরুদ্ধে যুদ্ধো গুরিবাক্ আর সিয়েন গজক্ গুরিনে পুড়ি দিবাক্। মুই যিহূদার শঅরানিরে ভস্ত গুরিনে মানুচ্ নেইয়্যে গুরিম।”

যিরমিয় 4:10

সেক্কে মুই কলুং, “হায়, হায়! ও প্রভু লগেপ্রভু, তুই এ মানুচ্চুনোরে আর যিরূশালেমানরে পুরোপুরি ছলনা গুরি কোইয়োচ্, ‘তমার শান্তি অবঅ,’ মাত্তর্ আমা গত্তনা ইধু তলোয়ার বাজেয়ে রোইয়্যে।”

যিরমিয় 6:14

তারা মঅ মানুচ্চুনোর ঘা গানি এমন্ গুরি বানি দুয়োন যেন সিয়েন এমন কিজু নয়। তারা কন্দে, ‘শান্তি, শান্তি,’ আজলে শান্তি নেই।

যিরমিয় 8:11

তারা মঅ মানুচ্চুনোর ঘা গানি এমনগুরি বানি দুয়োন যেন সিয়েন বিশেষ কিজু নয়। তারা কন্দে ‘শান্তি, শান্তি,’ মাত্তর্ আজলে শান্তি নেই।

যিহিষ্কেল 13:16

অত্তাৎ ইস্রায়েলর সেই ভাববাদীগুনে যিগুনে যিরূশালেম মানুচ্চুনো ইধু কধা কোইয়োন আর শান্তি ন-থেলেয়ো শান্তির দর্শনান্ দেখ্যন তারায়ো নেই। মুই প্রভু লগেপ্রভু এ কধাগান কঙর্।’”

যিহিষ্কেল 18:21

মাত্তর্ যুনি এক্কো পাজি মানুচ্ তার বেক পাপ্পানিত্তুন্ ফিরিনে মর্ বেক সুদোমানি পালায় আর ন্যায় আর ঠিগ্ কাম গরন সালে হামাক্কায় বাঁজিবো, ন-মুরিবো।

যিহিষ্কেল 18:27

মাত্তর্ যুনি এক্কো পাজি মানুচ্ তার ভান্ন্যেয়ত্তুন্ ফিরিনে ন্যায় আর গম্ কাম গরে, সালে তে তা পরাণান্ বাঁজেব।

যিহিষ্কেল 9:4

তে তারে কলঅ, “তুই যিরূশালেম শঅরান ভিদিরেদি যাহ্ আর সিয়েন ভিদিরে যেদক্কানি জঘন্য কাম গরা ওইয়্যে সেনত্তে যিগুনে ভঅ নিজেস্ ফেলেইনে ফবাদন্ তারা কবালত্ এক্কান গুরি চিহ্নো দুয়ো।”

আমোষ 5:12

মুই হবর্ পাং তমা অন্যেয়ানি কত্তমান বেশ্ আর তমা পাপ্‌‌‌পানি কি জঘন্য! তুমি দঅ গম্ মানুচ্চুনো উগুরে অত্যেচার গরঅ আর ঘুষ হঅ; শঅর গেদোত্ তুমি নাঢা মানুচ্চুনোরে ন্যায়বিচের্ পেবাত্তে ন-দুয়ো।