যিহিষ্কেল 13:18 - Chakma Bible

¹⁸ প্রভু লগেপ্রভু কোইয়্যেদে, অভিশাব্ পোজ্যে মিলেগুন! তুমি দঅ মান্‌জ্য আঢত্ তাবিজ আর মাঢাগুন নাঢিবাত্তে নানান্ বাবোত্যে কাবড় বানঅ যেনে তুমি সেই মানুচ্চুনোরে বশ্ গুরি পার। তুমি কি মঅ মানুচ্চুনোর পরাণানি শিগের্ গরর্ আর নিজো পরাণানি রোক্ষ্যে গরর্?

যিহিষ্কেল 13:18 ပူးပေါင်းရင်းမြစ်များ

গম্ উপদেজ্ 6:26

কিত্তে বেশ্যেবো যেরেদি তরে হানা দুঘোত্ ফেলেব, আর বেশ্যেবো তঅ দোল্ জিংকানিগান শিগের্ গুরিবো।

যিরমিয় 4:10

সেক্কে মুই কলুং, “হায়, হায়! ও প্রভু লগেপ্রভু, তুই এ মানুচ্চুনোরে আর যিরূশালেমানরে পুরোপুরি ছলনা গুরি কোইয়োচ্, ‘তমার শান্তি অবঅ,’ মাত্তর্ আমা গত্তনা ইধু তলোয়ার বাজেয়ে রোইয়্যে।”

যিরমিয় 6:14

তারা মঅ মানুচ্চুনোর ঘা গানি এমন্ গুরি বানি দুয়োন যেন সিয়েন এমন কিজু নয়। তারা কন্দে, ‘শান্তি, শান্তি,’ আজলে শান্তি নেই।

যিহিষ্কেল 13:10

যেক্কে কনঅ সুগ্-শান্দি নেই সেক্কে ভাববাদীগুনে কবাক্, সুগ্-শান্দি আঘে, আর এবাবোত্যেগুরি তারা মঅ মানুচ্চুনোরে ভান্ন্যেই পধেদি নেযেয়োন। তারা যেন মানুচ্চুনোর বানেয়্যে এধোক্ক্যেন দেবাল উগুরে চিবিদি দিয়্যে যিয়েন দরমর নয়।

যিহিষ্কেল 13:16

অত্তাৎ ইস্রায়েলর সেই ভাববাদীগুনে যিগুনে যিরূশালেম মানুচ্চুনো ইধু কধা কোইয়োন আর শান্তি ন-থেলেয়ো শান্তির দর্শনান্ দেখ্যন তারায়ো নেই। মুই প্রভু লগেপ্রভু এ কধাগান কঙর্।’”

যিহিষ্কেল 13:20

“‘সেনত্তে মুই প্রভু লগেপ্রভু কঙর্, তুমি যে তাবিজ্ দিইনে পেগো ধোক্ক্যেন্‌গুরি মানুচ্চুনোরে ধর মুই সিয়েনর বিপক্ষে। তমা আঢত্তুন্ মুই সিয়েনি ছিনি ফেলেই দিম। পেগো ধোক্ক্যেন্‌গুরি যে মানুচ্চুনোরে তুমি ধর তারারে মুই ইরি দিম্।

যিহিষ্কেল 13:21

তমা মাঢাগুন নাঢিবার কাবড়ানি মুই ফাদিনে তমা আঢত্তুন্ মঅ মানুচ্চুনোরে উদ্ধোর্ গুরিম; তারা আর তমা আঢত্ শিগের ধোক্ক্যেন্ ধরা ন-পড়িবাক্। সেক্কে তুমি হবর্ পেবা যে, মুয়ই লগেপ্রভু।

যিহিষ্কেল 22:25

সেই দেজ মানুচ্চুনে কুজুরোমি গরন্; তারা গুজুরি উদোন্দে সিংহ ধোক্ক্যেন শিগের্ গরন। তারা মানুচ্চুনোরে গিলোন, ধন-সম্পদ আর মংগা মংগা জিনিস নেযান্ আর দেজ ভিদিরে ভালোক্কুন্ মিলেরে রানি বানেয়োন্।

ইফিষীয় 4:14

মান্‌জ্যে পাজি বুদ্ধি খাদেইনে অন্যগুনোরে ভুল্ পধেদি নেযেবাত্যে যে ভুল্ শিক্ষ্যেনি দুয়োন, সেই ভুল্ শিক্ষ্যেনি ভিদিরে আমি বৈয়্যেরে দুলি উঠ্যে তুবোল ধোক্ক্যেন ইন্দি উন্দি ন-দুলিবোং।

২ তীমথিয় 4:3

এন্‌ অক্ত এবঅ যেক্কে সত্য শিক্ষ্যেনি মান্‌জ্যর সোজ্জ্য ন-অবঅ, বরং নিজো আওজ্‌চান পূরোণ গুরিবাত্যে তারা ভালোক্কুন্ মাষ্টর্ তুবেবাক্ যিগুনে তারারে হুজি গরেদে ধোক্ক্যেন শিক্ষ্যে দিবাক্।

২ পিতর 2:14

তারার চোগ্‌কুন্ পরপাগোল্যেলোই ভরা আর তারা পাপ-কাম গরানা কনঅ দিনঅ ন-থামান। যিগুনে চুলুবুলু সিগুনোরে তারা লুভ্ দেগেইনে ভুল পধেদি নেযান্। তারার্ মনানি বানা লুভ গুরিবাত্যে শিক্ষ্যে। তারা উগুরে অভিশাব্ আঘে। তারা উজু পথ্‌তান ফেলেইনে ভুল পধেদি যেইয়োন।