যিহিষ্কেল 13:14 - Chakma Bible

¹⁴ যে দেবালান্ ভাববাদীগুনে চিবিদি গুলিনে নাঢি দুয়োন্ সিয়েন মুই ভাঙিনে মাদি সমারে সং গুরি দিম যেনে সিয়েনর গোড়াগান খুলো পড়ি থায়। সিয়েন ভাঙি পড়িবার অক্তত্ তা তলাগান্দোই তারায়ো ভস্ত ওই যেবাক্। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 13:14 ပူးပေါင်းရင်းမြစ်များ

গীতসংহিতা 11:3

কিত্তে কর্, “যুনি দুনিয়ে-সংসারর্ বেক্ আজল্ গোড়াগান ভাঙি ফেলা অয় সালে গোজেন ভক্তগুনোর্ গুরিবার আর্ কিচ্চু নেই”?

উপদেশক 3:3

মারে ফেলেবার্ সময় আর গম্ গুরিবার সময়, ভাঙি ফেলেবার্ সময় আর বানেবার্ সময়,

যিশাইয় 28:17

মুই ন্যায়বিচেরানরে মাবর্ দুড়ি আর সততাগানরে ওলনদুড়ি গুরিম্; শিলোঝরানে তমারে আশ্রয় জাগা ধোক্ক্যেন্ মিজেগানরে ভস্ত গুরি দিবো, আর বান পানিগানে তমার পোল্যে থেবার্ জাগায়ান ভাজেই নেযেব।

যিশাইয় 30:13

সেনত্তে এ পাপ্‌পান তমাত্তে এক্কান অজল্, ফাদা মারা আর ভাঙি পুড়িবোদে দেবাল ধোক্ক্যেন্ অবঅ, যিয়েন অদাদত্ এক সময়ো ভিদিরে ভাঙি পুরিবো।‌‌

যিরমিয় 14:15

সেনত্তে যিদুক্কুন ভাববাদী মঅ নাঙে কধা কদন্ তারা পৌইদ্যেনে মুই লগেপ্রভু এ কধাগান কঙর্, মুই তারারে ন-পাদাং, তো তারা কদন্, কিত্তে যুদ্ধো বা ভাদরাত্ এ দেজত্ ন-এবঅ। সেই বেক্ ভাববাদীগুনে যুদ্ধোত্ বা ভাদরাদত্ ভস্ত ওই যেবাক্।

যিরমিয় 23:15

“সেনত্তে মুই বেগত্তুন্ খেমতাবলা লগেপ্রভুর ভাববাদীগুনো পৌইদ্যেনে কঙর্, মুই তারারে তিদে হানা আর বিষবলা পানি হাবেম, কিত্তে যিরূশালেমর ভাববাদীগুনো ইত্তুন গোজেন উগুরে ভোক্তিনেইয়্যে বেক্ দেজ্‌চান ছিদি যেইয়্যে‍‍‍‍‍‍‍।”

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

যিহিষ্কেল 13:15

সেই দেবালান্ আর সিয়েনরে যিগুনে চিবিদিলোই নাঢি দুয়োন তারা উগুরে মুই মঅ রাগ্‌কান পুরোপুরি ঢালি দিম। মুই মানুচ্চুনোরে কোম্, সেই দেবালান্ নেই আর যিগুনে সিয়েন চিবিদি গুল্যন্,

যিহিষ্কেল 13:21

তমা মাঢাগুন নাঢিবার কাবড়ানি মুই ফাদিনে তমা আঢত্তুন্ মঅ মানুচ্চুনোরে উদ্ধোর্ গুরিম; তারা আর তমা আঢত্ শিগের ধোক্ক্যেন্ ধরা ন-পড়িবাক্। সেক্কে তুমি হবর্ পেবা যে, মুয়ই লগেপ্রভু।

যিহিষ্কেল 13:23

সেনত্তে তুমি আর মিজে দর্শন ন-দেগেবা বা গোণা-পড়ায়ো ন-গুরিবা। তমা আঢত্তুন্ মুই মঅ মানুচ্চুনোরে উদ্ধোর গুরিম। সেক্কে তুমি হবর্ পেবা যে, মুয়ই লগেপ্রভু।’”

যিহিষ্কেল 13:9

মঅ আঢ্‌তানি সেবাবোত্যে ভাববাদীগুনো বিরুদ্ধে উদিবো যিগুনে মিজে দর্শন দেগন্ আর মিজে গোণা-পড়া গরন্। মঅ মানুচ্চুনো সমাজত্ তারা ন-থেবাক্ বা ইস্রায়েলর বংশ লিস্টি ভিদিরে তারা নাঙানি ন-থেবঅ, আর ইস্রায়েল দেজত্‌অ তারা ফিরি এই ন-পারিবাক্। সেক্কে তুমি হবর্ পেবা যে, মুয়ই প্রভু লগেপ্রভু।

যিহিষ্কেল 14:8

মুই সে মানুচ্চোর বিপক্ষে থিয়্যেম্ আর তারে এক্কান উদাহরন আর এক্কান দাগঅ কধা ধোক্ক্যেন গুরিম। মঅ মানুচ্চুনো ভিদিরেত্তুন্ মুই তারে কাবি ফেলেম। সেক্কে তুমি হবর্ পেবা যে, মুয়ই লগেপ্রভু।

মীখা 1:6

সেনত্তে লগেপ্রভু কত্তে, “শমরিয়াগানরে মুই খুলো মাদর্ ভস্তর্ খুর্ বানেম, আর সিয়েন অবঅ আংগুর গাজ লাগেবার জাগা। মুই তা পাত্তরুন কলগত্ ফেলেই দিম আর তা গোড়াগান খুলো রাগেম।

হবক্‌‌‌‌কূক 3:13

তঅ মানুচ্চুনোরে উদ্ধোর্ গত্তে, তর্ অভিষেগ্ গোজ্যে মানুচ্চোরে রোক্ষ্যে গত্তে তুই নিগিলি এলে। তুই পাজিগুনোর্ দেজর্ নেতাবোরে আঘাত্ গুরিলে, তা দেজ্‌চানরে পুরোপুরি গুরিনে ভস্ত গুরি দিলে।

লূকে লেখ্যে গম্ হবর্ 6:49

যে মঅ কধাগান শুনে অদচ সেবাবোত্যেগুরি কাম্ ন-গরে তে এমন্ এক্কো মান্‌‌‌‌‌জ্য ধোক্ক্যেন, যে মাদি উ‌‌‌‌‌‌‌‌‌‌গুরে গড়াগান্ ন-গাড়েইনে ঘরান্ বানেল। যেরেদি পানিবান যেক্কে সে ঘরান উগুরে এইনে পড়িলো সেক্কে সে ঘরান্ পড়িনে এক্কুবারে ভস্ত ওই গেলঅ।”