যিহিষ্কেল 13:13 - Chakma Bible

¹³ “‘মর্ রাগে মুই ঝড় বোইয়্যের্ খুলি দিম। মর্ অমকদ বেজারে মুই দাঙর্ দাঙর্ শিল্ আর ন-থামেয়্যে ঝড় দিইনে সিয়েন ভস্ত গুরি দিম।

যিহিষ্কেল 13:13 ပူးပေါင်းရင်းမြစ်များ

ইয়োব 38:22

তুই কি তুষার ভান্ডালত্ চোমেয়োচ্ বা শিলোর কুড়্ দেখ্যচ্?

ইয়োব 38:23

সিয়েনি মুই দুঘো দিনুনোত্তে থুবেই রাগেয়োং, থুবেই রাগেয়োং যুদ্ধো আর লাড়ে বাজেবার দিনুনোত্তে।

গীতসংহিতা 105:32

তে ঝড় ধোক্ক্যেন্ গুরি তারা উগুরে শিল্ ফেলেল, পুরো দেজত্ ঝিমিলেনি গরা ধুরিলো।

গীতসংহিতা 107:25

একপল্লা তা কধালোই অমকদ ঝড় অলঅ, সেক্কে দাঙর্ দাঙর্ তুবোল্ উদিলো।

গীতসংহিতা 148:8

ও ঝিমিলেনিগান আর শিলুন, তুষার আর কুয়োগানি আর তা উগুমান পালেয়্যে ঝড় বোইয়্যেরান্, গোজেনরে নাঙ্ গিনো।

যিশাইয় 30:30

লগেপ্রভু জদবদে রাগ্, পুড়ি ফেলাইদ্যে আগুন, অমকদ ঝড় আর শিল পড়ানার্ মাধ্যমে তার্ খেমতাবলা রবো মানুচ্চুনোরে শুনেব আর তা সাজা দিবার্ আঢ্‌‍‌তান দেগেব।

যিরমিয় 23:19

চঅ, মঅ রাগ্‌কান ঝড় ধোক্ক্যেন ফাদি পুরিবো আর পাজিগুনো মাঢা উগুরে ঘুরি ঘুরি পড়িবো টুত্যেবোইয়্যের ধোক্ক্যেন।

আবিলেচ্ 2:1

হায়, লগেপ্রভু কিবাবোত্যেগুরি তার্ রাগে সিয়োন-ঝিবোরে আন্ধারত্ ঢাগি ফেলেয়্যে! ইস্রায়েলর সয়সাগোজ্যেগানি তে আগাজত্তুন্ পিত্‌‌থিমীত্ ফেলেই দিয়্যে। তার্ রাগ্ উঠ্যেদে দিন্নোত্ তা টেঙানি রাগেবার জাগায়ানরে তে ইদোত্ ন-রাগায়।

আবিলেচ্ 2:3

অমকদ রাগে তে ইস্রায়েলর বেক্ খেমতাগান বর্‌বাত্ গুরি দিয়্যে। শত্রুগুনে উজেই এবাত্তে চেলেয়ো তার্ খেমতাবলা আঢ্‌তানি তে গুজেই থোইয়্যে। চেরোকিত্তে বেক্কানি পুড়ি যেইয়্যে আগুনো জিলো ধোক্ক্যেন্ তে যাকোব ভিদিরে জুলি উঠ্যে।

আবিলেচ্ 2:4

শত্রু ধোক্ক্যেন্‌গুরি তে তার্ ধনুগান টান্যে, তার্ খেমতাবলা আঢ্‌তানি ঠিগ্ গোজ্যে। যিগুনোরে দেগিনে তারা হুজি অদাক্ তারারে তে মারে ফেলেয়্যে। সিয়োন-ঝিবোর্ তাম্বুলো ভিদিরে তে আগুনো ধোক্ক্যেন্‌গুরি তা রাগ্‌কান ঢালি দিয়্যে।

যিহিষ্কেল 1:4

মুই রিনি চেইনে দেগিলুং উত্তোরেত্তুন্ এক্কান তুট্যে বোইয়্যের্ এজের্, এক্কান দাঙর্ মেঘ ভিদিরে ঝিমিলের্ আর চেরোকিত্তেদি পোত্‌‌‌পোত্যে পহ্‌‌‌রে ঘিজ্যে। সে ঝিমিলেনিগান সংমোধ্যে দোগ্‌দোক্যে ধাতু ধোক্ক্যেন কিজু ঝিমিত্ ঝিমিত্ গরের্।

যিহিষ্কেল 13:12

সে দেবালান যেক্কে ভাঙি পড়িবো সেক্কে মান্‌জ্যে কি তারারে পুযোর্ ন-গুরিবাক্ যে, তারা যে চিবিদি গুলিনে দেবালান্ ঢাক্যন্ সেই চিবিদিগান গেল কুদু?

লেবীয় 26:28

সালে মুইয়ো অমকদ বেজার্ ওইনে তমা বিপক্ষে চলিম আর তমার পাপর্‌ সাতগুন্‌ সাজা দিম।

যোনা 1:4

সেক্কে লগেপ্রভু সাগরত্ এক্কান দাঙর্ বোইয়্যের্ পাধেই দিলো। সেক্কে এমন দর্‌‌‌গরেপারা এক্কান ঝড় অলঅ, জাহাজ্‌‌‌চান ভাঙি যাইদ্যে ধোক্ক্যেন অলঅ।

হগয় 2:17

মুই খেত-খেত্তি শুগেই যেইয়্যে রুগ্ আর ছুমো রুগ্ আর শিলো ঝড়ে তমা আঢর্ বেক কামানিরে আঘাত্ গোজ্যং, মাত্তর্ তো তুমি মইন্দি ন-ফিরো।

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।

ফগদাং পেইয়্যে 16:21

আগাজত্তুন্ মান্‌জ্য উগুরে দাঙর্ দাঙর্ পাত্তর ধোক্ক্যেন শিল পড়া ধুরিলাক্। সিগুনোর্ এক এক্কো মাবেদি এলাক্ ছত্রিশ কেজি। সেক্কে মানুচ্চুনে শিলো আঘাদত্তে গোজেনরে নিন্দে গরা ধুরিলাক্, কিয়া সেই শিলোর আঘাত্‌তো দর্‌গরেপারা এলঅ।

ফগদাং পেইয়্যে 8:7

পত্তম স্বর্গদূত্‌তো তা তূরীবো বাজেইলে পরেদি লো মিজেইয়্যে শিল আর আগুন পিত্‌থিমীত ফেলা অলঅ। সেক্কে তিন ভাগর এক ভাগ পিত্‌থিমী, তিন ভাগর এক ভাগ গাজ্‌-বাজ্ আর বেক্‌ য়্যেল্‌ ঘাস্‌চানি পুড়ি গেলঅ।