যিহিষ্কেল 12:7 - Chakma Bible

⁷ মরে যিয়েনি উগুম গরা অলঅ সেবাবোত্যে মুই কাম্ গুরিলুং। দূরোত্ বন্দী ওই যাইদ্যে ধোক্ক্যেন গুরি মুই মর্ পযাপিরানি দিনোত্ নিগিলেই আনিলুং। সে পরেদি সাজোন্যে আঢ্‌‌তোই দেবাল গাত্তো খুড়িলুং। তারা চোগো মুজুঙোত্ আন্ধারত্ মর্ পযাপিরানি মুই কানা উগুরে লোইনে আঢা ধল্লুং।

যিহিষ্কেল 12:7 ပူးပေါင်းရင်းမြစ်များ

যিহিষ্কেল 12:3

“সেনত্তে ও মান্‌‌‌জ্যর পুয়োবো, তুই যেন দূরোত্ বন্দী ওই যর্ সেবাবোত্যেগুরি তর্ পযাপিরানি বানি নেযা আর তারা চোগো মুজুঙোত্ দিনোত্ আদা মার্; তুই যিয়েনত্ আগচ্ সিয়েনত্তুন্ অন্য জাগাত্ যাহ্। তারা যে উল্লোমী জাদ্ অয়ত তারা সিয়েন বুঝি পারিবাক্।

যিহিষ্কেল 12:8

বেন্যেমাদান্ লগেপ্রভু মরে কলঅ,

যিহিষ্কেল 2:8

ও মান্‌‌‌জ্যর পুয়োবো, মুই তরে যিয়েনি কং সিয়েনি শুন্। সে উল্লোমী জাদ্‌‌‌তো ধোক্ক্যেন্ তুই উল্লোমী ন-ওচ্। তুই আঃ গর্, মুই তরে যিয়েনি দুয়োঙর্ সিয়েনি হা।”

যিহিষ্কেল 24:18

মুই বেন্যেমাঢান্ মানুচ্চুনো সমারে কধা কলুং আর সাজোন্যে মঅ মোক্কো মুরি যেইয়্যে। পরেদি বেন্যেমাঢান্ মুই লগেপ্রভুর উগুম মজিম্ কাম গুরিলুং।

যিহিষ্কেল 37:10

সেনত্তে তার উগুম মজিম্ মুই আগাম্ কধা কলুং আর সেক্কে তারা ভিদিরে নিজেস্ চোমেল; তারা জেদা ওইনে টেঙোই ভর্ দিইনে উদিনে থিয়্যেল। তারা এলাক্ এক্কো দাঙর্ সৈন্যদল।

যিহিষ্কেল 37:7

মরে যেবাবোত্যেগুরি উগুম্ দিয়্যে ওইয়্যে মুই সেবাবোত্যেগুরি আগাম্ কধা কলুং। আগাম্ কধা কবার্ অক্তত্ খট্‌খট্‌ রঅ উয়া ধুরিলো আর আড়ুন্ পত্তিবো নিজো নিজো আড় লগে এগত্তর্ অলাক্।

মার্ক 14:16

সেক্কে শিচ্চ্যগুনে যেইনে শঅরত্ সোমেলাক্, আর যীশু যেবাবোত্যে কোইয়্যে বেক্কানি সেবাবোত্যে দেগিলো আর উদ্ধোর্-পরবর্ হানাগান্ যুক্কোল্ গুরিলাক্।

যোহন 15:14

যেদক্কানি উগুম্ মুই তমারে দুয়োং সিয়েনি যুনি তুমি পালঅ সালে তুমি মঅ সমাজ্যে।

প্রেরিত্‌ 26:19

রাজা আগ্রিপ্প, ইয়েনত্যে স্বর্গত্তুন্ এ দর্শনর্ মাধ্যমে মরে যিয়েনি কুয়ো ওইয়্যে সিয়েনির অবাধ্য মুই ন-অং।