যিহিষ্কেল 12:6 - Chakma Bible

⁶ পযাপিরানি তারা চোগো মুজুঙোত্ কানাত্ তুলি নিবে আর আন্ধার ভিদিরে সিয়েনি নিগিলেবে। তঅ চোগ্‌কুন নাঢি রাগেবে যেনে তুই তঅ দেজর্ মাদিগান ন-দেগচ্, কিত্যে ইস্রায়েল জাদত্তে মুই তরে এক্কান চিহ্নো ধোক্ক্যেন গোজ্যং।”

যিহিষ্কেল 12:6 ပူးပေါင်းရင်းမြစ်များ

২ শমূয়েল 15:30

ইন্দি দায়ূদে কানদে কানদে জৈতুন মুড়োবো উগুরে উদো ধুরিলো। তে মাঢাবো ঢাগিনে জদা ছাড়া আঢের্‌। মানুচ্চুনেয়ো বেক্কুনে তা লগে মাধাগুন ঢাগিনে কানদে কানদে উগুরে উদো ধুরিলাক্।

২ রাজাবলী 7:5

ইয়েন্‌ কোইনে সাজ্যেন্যের্‌ আগেন্দি তারা অরামীয়গুনোর তাম্বুলোত্‌ গেলাক্‌। তাম্বুলোর্‌ ঢাগেন্দি যেইনে চেলাক্‌ সিয়েনত্‌ এক্কো মানুচ্‌অ নেই।

ইয়োব 24:17

তারাত্তে বেন্যে সময়ান ঘুর্‌ঘুজ্যে আন্ধার ধোক্ক্যেন্; দর্‌‌গরেপারা আন্ধার সমারে তারার পরাণে পরাণ আগন্।

যিশাইয় 8:18

এইয়্যে চাহ্, মুই আর সেই পুয়োগুন যিগুনোরে লগেপ্রভু মরে দিয়্যে। বেগত্তুন্ খেমতাবলা লগেপ্রভু, যিবে সিয়োন মুড়োবোত্ বজত্তি গরে আমি তার আওজ্ মজিম্ চিহ্নো আর আমক্ অবার্ লক্ষণ ওইয়্যেই।

যিহিষ্কেল 12:13

মুই তাত্তে জাল্ পাদিম্ আর তে মঅ ফালত্ পড়িবো। মুই তারে বাবিলীয়গুনোর দেজত্ বাবিলোত্ নেযেম, মাত্তর্ তে সিয়েন রিনি ন-চেবঅ; সিয়োদোই তে মুরি যেবঅ।

যিহিষ্কেল 12:5

তারা চোগো মুজুঙোত্ দেবালত্ গাদ্ খুড়িনে তঅ পযাপিরানি সিবে ভিদিরেদি নিগিলেবে।

যিহিষ্কেল 24:24

যিহিষ্কেলে তমা ইধু এক্কান চিহ্নো ধোক্ক্যেন অবঅ; তে যিয়েনি গোজ্যে তুমি ঠিগ্ সেবাবোত্যে গুরিবা। যেক্কে ইয়েনি ঘুদিবো সেক্কে তুমি হবর্ পেবা, মুয়ই প্রভু লগেপ্রভু।”

যিহিষ্কেল 4:3

সে পরেদি লুয়োর্ এক্কান পাত নিইনে সিয়েন তর্ আর শঅরর্ সংমোধ্যে দেবাল ধোক্ক্যেন রাগা আর তঅ মুয়োন সিয়েন ইন্দি ফিরেই রাগা। সেক্কে শঅরান ঘিরে ওইয়্যে বুঝো যেবঅ; এধোক্ক্যেনগুরি তুই দেগেবেদে যে, শঅরান ঘিরে ওইয়্যে। ইয়েন অবদে ইস্রায়েল জাদত্তে এক্কান চিহ্নো।

সখরিয় 3:8

ও দাঙর্ ধর্মগুরু যিহোশূয়, তুই শুন আর তঅ মুজুঙোত্ বৈই থেইয়্যে তর্ সমাজ্যে-ধর্মগুরুগুনে শুনোদোক্। মুই যে সেই চারাবোরে, অত্তাৎ মর্ চাগর্‌বোরে আনিবে এই ধর্মগুরুগুন অলাক্ তার চিহ্নো।

১ শমূয়েল 28:8

এ কধাগান শুনিনে শৌল অন্যবাবোত্যে কাবড়-চুগোড়্ উরিনে নিজোর্‌ পরিচয়ান্‌ গুমুরোত্ রাগেইনে রোদোত্‌ দ্বিজন মান্‌জ্যরে লগে নেযেইনে সে মিলেবো ইদু গেলঅ। তে সেই মিলেবোরে কলঅ, “তুই মন্ত্র পুরিনে মরা মানজ্যর্‌ আত্মা সমারে উদোলোলি গুরিনে মুই যিবের্‌ নাঙান্‌ কোম্‌ তারে ইদু তুলি আন্‌।”