যিহিষ্কেল 12:25 - Chakma Bible

²⁵ সেক্কে মুই লগেপ্রভু যিয়েনি কোম্ সিয়েনি ফলিবো, দিরি ন-অবঅ। ও উল্লোমী জাদ্‌তো, মুই যিয়েনি কঙর্ সিয়েনি তমা সময়োত্ ফোলেই দিম্। মুই প্রভু লগেপ্রভু এ কধাগান কঙর্।’”

যিহিষ্কেল 12:25 ပူးပေါင်းရင်းမြစ်များ

যিশাইয় 14:24

বেগত্তুন্ খেমতাবলা লগেপ্রভু শমক্ গুরি কোইয়্যেদে, “ঘেচ্চেকগুরি, মুই যেবাবোত্যেগুরি ঠিগ্ গোজ্যং সেবাবোত্যেগুরি ঘুদিবো, আর সিয়েন থির্ থেবঅ।

যিশাইয় 55:11

ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

যিরমিয় 1:11

সে পরেদি লগেপ্রভু মরে কলদে, “যিরমিয়, তুই কি দেগর্?” জোবত্ মুই কলুং, “মুই বাদাম গাজর্ এক্কো ডেলা দেগঙর্।”

যিরমিয় 16:9

কিত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই এ জাগানর্ মানুচ্চুনোর চোগো মুজুঙোত্ আর তারার জিংকানিত্ ফুত্তি আর হুজির রঅ আর নূয়ো বৌ-নূয়ো জামের্ মুয়োর্ কধানি বন্ধ গুরি দিম।

আবিলেচ্ 2:17

লগেপ্রভু তা পরিকল্পনা মজিম্ কাম গোজ্যে; যে কধানি তে বোউত্ আগেদি কোইয়্যে সে কধানি পূরোণ গোজ্যে। তে মেয়্যে ন-গুরিনে তরে মেলা মারি দিয়্যে; শত্রুরে তঅ বিরুদ্ধে তে ফুত্তি গুরিবাত্তে দিয়্যে, তর্ বিপক্কগুনোর্ বলানি বাড়েই দিয়্যে।

যিহিষ্কেল 12:26

পরেদি লগেপ্রভু মরে কলঅ,

যিহিষ্কেল 12:28

সেনত্তে তুই তারারে কঅ, প্রভু লগেপ্রভু কোইয়্যেদে, ‘মর্ কনঅ কধা ফলিবাত্তে আর দেরি নেই; মুই যিয়েনি কোম্ সিয়েনি ফলিবো। মুই প্রভু লগেপ্রভু এ কধাগান কঙর্।’”

যিহিষ্কেল 6:10

সেক্কে তারা হবর্ পেবাক্, মুয়ই লগেপ্রভু; তারা উগুরে এ দযাগান আনিবার কধা মুই অনত্তক্ ন-কং।’ ”

যিহিষ্কেল 7:13

যে কিন্যে আর বেস্যে তারা দ্বিজনে বাঁজি থেলেয়ো যে বেস্যে তে সেই ভূইয়ান আর ফিরি ন-পেবঅ, কিত্যে এ দর্শনান্ বেক মানুচ্চুনোত্তে, আর সিয়েন অবদে অবঅ। পাজি মানুচ্চুনো ভিদিরে একজনেয়ো তা জিংকানিগান রোক্ষ্যে গুরি ন-পারিবাক্।

দানিয়েল 9:12

আমার আর আমার শাজন্‌গুরিয়্যেগুনোর্ বিরুদ্ধে তুই যে কধানি কোইয়োচ্ সিয়েনি পূরোণ গুরিবাত্তে তুই আমা উগুরে দাঙর্ দযা আন্যচ্। যিরূশালেম উগুরে যিয়েনি গরা ওইয়্যে গোদা পিত্‌‌‌থিমীত্ আর কনজাগাত্ সেবাবোত্যে গরা ন-অয়।

হবক্‌‌‌‌কূক 1:5

জোবত্ লগেপ্রভু কোইয়্যেদে, “তুমি জাদ্‌তুনো ইন্দি রিনি চঅ, সেক্কে তুমি এক্কুবারে আমক্ অবা, কিত্যেই তমা সময়োত্ মুই এমন্ এক্কান্ কিজু গুরিবাত্তে যাঙর্ যিয়েনর্ কধা তমারে কলেয়ো তুমি বিশ্বেজ্ ন-গুরিবা।‌ ‌ ‌

হবক্‌‌‌‌কূক 2:3

কিত্যে এ দর্শনানর্ কধাগান পূরোণ অবার্ সময় এজঅ বাগী আঘে, মাত্তর্ সিয়েন যাদিমাদি উজেই এজের্ আর সে দর্শনান্ মিজে প্রমান্ ন-অবঅ। দিরি অলেয়ো সিয়েনত্তে বাজ্জেই থাগঅ; সিয়েন ঠিগ্ সময়োত্ হামাক্কায় পূরোণ অবঅ। তুই এ কধাগান লেগ্:

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

গণাণা 11:23

জোবত্‌ লগেপ্রভু মোশিরে কলঅ, “লগেপ্রভুর খেমতাগান কি এদক্‌ কম? মর্‌ কধাগান্‌ তইদু হামাক্কায়্‌ লাগিবো না-কি সিয়েন্‌ তুই এবারত্‌ দেগিবে।”

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

লূকে লেখ্যে গম্ হবর্ 21:13

আর সেক্কে মঅ পৌইদ্যেনে সাক্ষি দিবাত্তে তমার্ সুযোগ অবঅ।

লূকে লেখ্যে গম্ হবর্ 21:33

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।