যিহিষ্কেল 12:24 - Chakma Bible

²⁴ ইস্রায়েল মানুচ্চুনো ভিদিরে মিজে দর্শন আর হুজি গুরিবার্ গণানা-ঝাড়ি দেনা আর ন-থেবঅ।

যিহিষ্কেল 12:24 ပူးပေါင်းရင်းမြစ်များ

১ রাজাবলী 22:17

জোবত্‌ মীখায় কলদে, “মুই চেলুং, ইস্রায়েলীয়গুনে বেক্কুনে গরক্‌নেইয়্যে ভেড়া ধোক্ক্যেন্ মুড়োবো উগুরে ছিদি পোজ্যন্‌। সেনত্তে লগেপ্রভু কলঅ, ‘ইগুনোর্‌ কনঅ গিরোজ্‌ নেই, সেনত্তে তারা গমেডালে যে যার্‌ ঘরত্‌ যাদোক্‌।’”

গম্ উপদেজ্ 26:28

মিজে কধা কোইয়্যেবো তা জিলান্দোই যিগুনোরে আঘাত্ গোজ্যে তারারে তে ঘিনেই, আর খোসামুদে মুয়োন অন্যগুনোর দজা ডাগি আনে।

আবিলেচ্ 2:14

তর্ ভাববাদীগুনোর্ দর্শনানি মিজে আর বাজে; তর্ বন্দীদজাগান্ যেনে দূর্ ওই যায় সেনত্তে তারা তঅ পাপ্‌‌পানি দেগেই ন-দুয়োন্। আগাম্ কধা ইজেবে তারা যিয়েনি তমারে কোইয়োন সিয়েনি মিজে; সিয়েনি তমারে ভুল পধেদি চালেয়্যে।

যিহিষ্কেল 13:23

সেনত্তে তুমি আর মিজে দর্শন ন-দেগেবা বা গোণা-পড়ায়ো ন-গুরিবা। তমা আঢত্তুন্ মুই মঅ মানুচ্চুনোরে উদ্ধোর গুরিম। সেক্কে তুমি হবর্ পেবা যে, মুয়ই লগেপ্রভু।’”

যিহিষ্কেল 13:6

তারার্ দর্শনান্ মিজে আর তারার্ গোণানা-পড়িদেনাগানি ঠিগ্ নয়। তারা কন্দে, মুই এ কধানি কঙর্, অদচ মুই তারারে ন-পাদাং; তো তারা আজা গরন তারার্ কধানি ফলিবো।

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

১ থিষলনীকীয় 2:5

তুমি কোই পারঅ আমি কনদিন্অ বিগিদি গুরিনে কধা ন-কোই, আর লুভ্‌পানরে নাঢি থোইনেয়ো যে ছলনা গুরিনে কনঅ কধা আমি ন-কোই, গোজেনে তার্ সাক্ষী।