যিহিষ্কেল 12:19 - Chakma Bible

¹⁹ তুই দেজ মানুচ্চুনোরে কঅ, ইস্রায়েল দেজর্ যিরূশালেম আদাম্মেগুনো পৌইদ্যেনে প্রভু লগেপ্রভু কোইয়্যেদে, ‘তারা দোরে দোরে তারার্ হানাগানি হেবাক্ আর হতভম্ব ওইনে পানি হেবাক্, কিত্যে সিদুগোর্ আদাম্মেগুনোর অত্যেচারর্ কারনে তারার্ দেজ্‌চান খালি ওইনে পড়ি থেবঅ।

যিহিষ্কেল 12:19 ပူးပေါင်းရင်းမြစ်များ

গীতসংহিতা 107:34

আর ফসল জর্মেয়্যে ভূইয়ানিরে গরে নুনো খলা। যিগুনে সিদু বজত্তি গরন তারার পাজিগানির কারনে তে ইয়েনি গরে।

গীতসংহিতা 24:1

পিত্‌‌থিমী আর তা ভিদিরে বেক্কানি লগেপ্রভুর; জগদৎ আর তা ভিদিরে যিগুনে বজত্তি গরন্ তারায়ো তার্;

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিরমিয় 10:22

শুন, হবর্ এচ্চ্যে! যিহূদার শঅরানি মানুচ্ নেইয়্যে আর শিয়েলুনোর থেবার ঘর বানেবাত্তে উত্তোর দেজ্‌‍‍‍চানিত্তুন অমকদ গন্ডগুলোর রঅ এজের্।

যিরমিয় 18:16

সেনত্তে তারা দেজ্‌চান পুরি থেইয়্যে ভূই আর এক্কান জনমর্ ঈচ্ গরেদে জিনিস ওইনে থেবঅ; যিগুনে সে কুরেদি যেবাক্ তারা আমক্ ওইনে মাঢাবো লারেবাক্।‌‌‍‍

যিরমিয় 25:11

এ দেজ্‌‌‌চান ভস্তর্ জাগা আর ফেলা যেইয়্যে ভূই ওই যেবঅ আর এ জাদ্‌‌‌তুনে সত্তুর বজর ধুরি বাবিলো রাজার চাগর্ ওই থেবাক্।

যিরমিয় 32:28

সেনত্তে মুই এ শঅরানরে বাবিলীয়গুনো আর তারার রাজা নবূখদ্‌নিৎসরর আঢত্ তুলি দিবাত্তে যাঙর্। তে সিয়েন গজক্ গুরিবো।

যিরমিয় 33:10

“তুমি এ জাগান পৌইদ্যেনে কোই থাগঅ, ‘ইয়েন এক্কান ফেলা যেইয়্যে ভূই; ইয়েনত্ মানুচ্ বা য়েমান কিচ্চু নেই।’ মাত্তর্ যিহূদার যে শঅরানি আর যিরূশালেমর যে পথ্‌তানি খালি পড়ি আঘে, সিয়েনত্ মানুচ্ বা য়েমান বজত্তি ন-গরন সিয়েনত্ আরঅ ফুত্তি আর হুজির্ রঅ বা নেগ-মোগোর্ রঅ শুনো যেবঅ; যিগুনে লগেপ্রভুর ঘরত্ ভালেদি উৎসর্বত্তে জিনিস আনিবাক্ তারার্ রঅগুনো শুনো যেবঅ। তারা কবাক্, ‘বেগত্তুন্ খেমতাবলা লগেপ্রভুরে সাধুবাদ্ দুয়ো, কিত্তে লগেপ্রভু মংগলময়, তার অমকদ কোচ্‌‍‍‍পানা জিংকানিবরত্তে থিদেবর্।’ আগ ধোক্ক্যেন মুই এ দেজর্ অবস্থাগান ফিরেম্।

যিরমিয় 33:12

এই ফেলাযেইয়্যে ভূইয়ানি, যিয়েনত্ মানুচ্ আর য়েমান কিচ্চু নেই, সিয়েনত্ আর সিদুগোর্ বেক শঅরানিত্ আর আদামানিত্ আরঅ গরগ্‌‍‍‍কুনোর ভেড়াগুনোত্তে চোরেয়্যে ভূই অবঅ।‍‍

যিরমিয় 4:27

লগেপ্রভু কোইয়্যেদে, “পুরো দেজ্‌‌‍চান ভস্ত ওই যেবঅ, যুনিয়ো মুই সিয়েন পুরোপুরি গুরিনে ভস্ত অবাত্তে ন-দিম্।‍

যিরমিয় 6:7

কূয়ো পানি যেবাবোত্যেগুরি নিত্য নাল্ আঢে সেবাবোত্যেগুরি তে তার পাজিগানি নিত্য চালু রাগায়। সিয়েন ভিদিরে অত্যেচার আর ভস্ত অনার্ রঅ শুনো যায়; তার অসুগ কধা আর আঘাত্‌‌‌‌‌‌তানি নিত্য মঅ মুজুঙোত্ আঘে।‌‌‌

যিহিষ্কেল 36:3

সেনত্তে মুই প্রভু লগেপ্রভু কঙর্, তুমি যেনে অন্য জাদ্‌‌‌‌‌তুনোর গজগত্ এজ আর মানুচ্চুনোর ইংসে আর নিন্দের্ মানুচ্ অ সেনত্তে তারা চেরোকিত্তেত্তুন্ তমারে ভস্ত আর গিলি ফেল্যন্।

যিহিষ্কেল 4:16

সে পরেদি তে মরে কলঅ, ও মান্‌‌‌‌‌‌জ্যর পুয়োবো, মুই যিরূশালেমর হানার্ যুগেই দেনাগান বন্ধ গুরি দিম। মানুচ্চুনে ভান্ন্যেই চিন্তেলোই মাবিনে হানা হেবাক্ আর হতাশালোই মাবিনে পানি হেবাক্,

যিহিষ্কেল 6:14

ইস্রায়েলীয়গুনে যিয়েনত্ থেদাক্ সাৎ মুই তারা বিরুদ্ধে মঅ আঢ্‌‌‌‌তানি বাবেই দিম্ আর ধূল্যেচর-চাগালাত্তুন্ দিব্‌‌‌‌লা সং পুরো দেজ্‌‌‌‌চান মানুচ্ নেইয়্যে আর ভস্ত ওইয়্যে জাগা বানেম্। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 7:23

“শিগোল্ ঠিগ্ গরা আঘে, কিত্যে দেজ্‌‌চান লো ঝোড়েয়্যেলোই আর শঅরান্ অত্যেচারে ভুরি যেইয়্যে।

মীখা 7:13

পিত্‌‌‌থিমীত্ বজত্তি গুরিয়্যেগুনোর পাজিগানির কারনে পিত্‌‌‌থিমীগান মানুচ্ নেইয়্যে অবাক্।

সখরিয় 7:14

মুই নচিন্যে জাদ ভিদিরে তারারে ছিদিই দুয়োং। ইয়েনর্ পরেদি তারা দেজ্‌‌চান এমন মানুচ্ নেইয়্যে ওই পোজ্যন, সিয়েনত্ কনজনে যানা-এযানা ন-গুরিদাক্। এবাবোত্যেগুরি তারা সেই দোল্ দেজ্‌‌চানরে মানুচ্ নেইয়্যে গোজ্যন্।”

১ করিন্হীয় 10:26

কিয়া পবিত্র বোইবোর্ কধা মজিম, “পিত্‌থিমী আর তা ভিদিরে বেক্কানি প্রভুর।”

১ করিন্হীয় 10:28

মাত্তর্ যুনি কেঅ তমারে কয়, ইয়েন মূত্তিবো ইধু উৎসর্ব গরা ওইয়্যে, সালে যে সিয়েন কোইয়্যে তাত্যে আর বিবেগত্যে সিয়েন ন-হেইয়ো।