যিহিষ্কেল 12:13 - Chakma Bible

¹³ মুই তাত্তে জাল্ পাদিম্ আর তে মঅ ফালত্ পড়িবো। মুই তারে বাবিলীয়গুনোর দেজত্ বাবিলোত্ নেযেম, মাত্তর্ তে সিয়েন রিনি ন-চেবঅ; সিয়োদোই তে মুরি যেবঅ।

যিহিষ্কেল 12:13 ပူးပေါင်းရင်းမြစ်များ

ইয়োব 18:10

তাত্তেই মাদিত্‌ হেবা লুগেয়্যে থেবঅ; তা পথ্‌তানত্‌ ফাল্‌ পাত্যে থেবঅ।

ইয়োব 19:6

সালে জানি লঅ, গোজেনে মঅ উগুরে অন্ন্যেই গোজ্যে; নিজো জাল্লোই তে মরে ঘিজ্যে।

গীতসংহিতা 11:6

তে পাজিগুনোরে দজা পাদেব; তারার্ ভাগ্যত্ আগেদে আগুন, ধোক্‌‌‌ধোক্যে‌ আঙারা আর আগুনো ধোক্ক্যেন্ বোইয়্যের্।

গীতসংহিতা 66:11

তুই আমারে জালত্ ফেল্যচ্ আর আমা পিদোত্ অমকদ ঘুয়োর্ বুধি চাপি দুয়োচ্।

যিরমিয় 24:8

“মাত্তর্ এই বজং ডোমোর, যিগুন এদক্ বজং যে, হা ন-যায়, সিগুনো ধোক্ক্যেন গুরি মুই যিহূদার রাজা সিদিকিয়, তার রাজার্ চাগর্ আর যিরূশালেমর যে মানুচ্চুনে দেজত্ রোইয়োন বা মিসরত্ বজত্তি গত্তন তারা লগে ভান্ন্যেই বেবহার গুরিম।

যিরমিয় 32:5

বাবিলোর রাজা সিদিকিয়রে বাবিলোত্ নেযেবে আর যেদক্কন সং মুই তাইন্দি মনযোগ ন-দিম্ সেদক্ ভিলোন সং তে সিদু থেবঅ। সেনত্তে বাবিলীয়গুনো সমারে যুদ্ধো গুরিলেয়ো তুমি ফোলেই ন-পারিবা। ”

যিরমিয় 34:3

তুই তা আঢত্তুন্ রেহাই ন-পেবে; তরে ঘেচ্চেকগুরি ধুরিনে তা আঢত্ দিয়্যে অবঅ। তুই নিজো চোগেদি বাবিলো রাজারে দেগিবে; তে তর্ মুয়োমি ওইনে তঅ সমারে কধা কবঅ, আর তুই বাবিলোত্ যেবে।

যিরমিয় 37:17

সে পরেদি রাজা সিদিকিয় মানুচ্ পাধেইনে তারে রাজঘরত্ ডাগি আনিনে ভিদিরে ভিদিরে পুযোর্ গুরিলো, “লগেপ্রভুর কনঅ কধা আঘে নাকি?” জোবত্ যিরমিয় কলঅ, “অয়, আঘে। তরে বাবিল রাজার আঢত্ তুলি দিয়্যে অবঅ।”

যিরমিয় 39:7

সে পরেদি তে সিদিকিয়র চোগ্‌কুন্ তুলি ফেলেইনে তারে বাবিলোত্ নেযেবাত্তে পিদল শিগোল্লোই বানিলাক্।

যিরমিয় 50:24

ও বাবিল, মুই তত্তে এক্কো ফাল্ পাত্যং আর তুই হবর্ ন-পেইনে সিয়েনত্ ধরা পোজ্যস্; তরে পাহ্ যেইয়্যে আর ধরাও ওইয়্যে, কিত্তে তুই মঅ বিরুদ্ধে থিয়্যেয়োচ্।

আবিলেচ্ 1:13

তে উগুরেত্তুন্ মঅ আড়্‌গড়াগুনো ভিদিরে আগুন পাদেয়্যে। মঅ টেঙানিত্তে তে জাল বিজেয়্যে আর মরে পিজেদি ফিরদে বাধ্য গোজ্যে। তে মরে মানুচ্ নেইয়্যে গোজ্যে, গদাদিন্নো বল্‌‌‌পোজ্যে গুরি রাগেয়্যে।

আবিলেচ্ 3:47

আমি দর্, ফাল্, দজা আর ভস্ত অনার্ মুয়োত্ পোজ্যেই।”

যিহিষ্কেল 1:3

বাবিলীয়গুনোর্ দেজত্ কবার গাঙ পাড়ত্ বুষির পুয়ো ধর্মগুরু যিহিষ্কেল ইধু, অত্তাৎ মইধু লগেপ্রভুর কধানি ফগদাং অলঅ। সিয়েনত্ লগেপ্রভুর আঢ্‌‌‌তানি মঅ উগুরে এলঅ।

যিহিষ্কেল 12:6

পযাপিরানি তারা চোগো মুজুঙোত্ কানাত্ তুলি নিবে আর আন্ধার ভিদিরে সিয়েনি নিগিলেবে। তঅ চোগ্‌কুন নাঢি রাগেবে যেনে তুই তঅ দেজর্ মাদিগান ন-দেগচ্, কিত্যে ইস্রায়েল জাদত্তে মুই তরে এক্কান চিহ্নো ধোক্ক্যেন গোজ্যং।”

যিহিষ্কেল 17:16

মুই প্রভু লগেপ্রভু মর্ জিংকানির দিব্য দিইনে কঙর্, তারে যে রাজাবো সিংহাসনত্ বোজেল, যিবের্ শমক্তানরে তে ঈচ্ গুরিলো, আর যিবের্ চুক্তি তে ভাঙি ফেলেল তে সেই রাজার দেজত্ বাবিলোত্ মুরি যেবঅ।

যিহিষ্কেল 17:20

মুই তাত্তে মঅ জালান্ পাদিম্ আর তে মঅ ফালত্ ধরা পড়িবো। তে মঅ উগুরে অবিশ্বেজি ওইয়্যে বিলিনে মুই তারে বাবিলোত্ নেযেম আর সিদু তারে সাজা দিম।

যিহিষ্কেল 32:3

মুই প্রভু লগেপ্রভু কঙর্, মানুচ্চুনোর এক্কো দাঙর্ দল নিইনে মুই তঅ উগুরে মঅ জালান্ ফেলেম; তারা মঅ জালান্দোই তরে টানি তুলিবাক্।

হোশেয় 7:12

তারা যেক্কে যেবাক্ সেক্কে মুই তারা উগুরে মঅ জালান্ ফেলেম; আগাজ পেগ্‌‌‌‌‌‌‌‌‌কুনো ধোক্ক্যেন গুরি মুই তারারে টানিনে লামেম্। ইস্রায়েলীয়গুনো ইধু যেবাবোত্যে কুয়ো ওইয়্যে সেবাবোত্যেগুরি মুই তারারে সাজা দিম।