যিহিষ্কেল 11:9 - Chakma Bible

⁹ মুই শঅরত্তুন্ তমারে লোড়েইনে নিগিলে দিইনে বিদেশীগুনো আঢত্ তুলি দিম আর তমারে সাজা দিম্।

যিহিষ্কেল 11:9 ပူးပေါင်းရင်းမြစ်များ

ইষ্রা 9:7

আমা পূরোণিমানুচ্চুনোর্ সময়োত্তুন্ ধুরি আরাম্ভ গুরিনে এচ্চ্যে সং আমি বোউত্ পাপ গোজ্যেই। আমা পাপত্যেই আমার আর আমা রাজাগুনোর্ আহ্ আমা ধর্মগুরুগুনোর অন্য রাজাগুনোর্ আঢত্ মোজ্যন্, বন্দীদযা, লুদো খানা আর অসর্মান ওইয়োন, আর এজঅ সেই অবস্থাগান রোইয়্যে।

গীতসংহিতা 106:30

সেক্কে ধর্মগুরু পীনহস্ উদিনে ইয়েনরে যগাজ্যে সাজা দিলো, আর বানাগান্ (সাজুরেদে পিড়ে) থামেল।

গীতসংহিতা 106:41

তে অন্য জাদ্‌তুনো আদত্ তারারে তুলি দিলো; তারারে ঈচ্ গুরিয়্যেগুনে তারারে শাজন্ গরা ধুরিলাক্।

উপদেশক 8:11

অন্যেয় কামর্ সাজা যুনি যাদিমাদি দিয়্যে ন-অয় সালে মানুচ্চুনোর্ মনানি অন্যেয় গুরিবাত্তে পুরোপুরি যুক্কোল্ অয়।

যিরমিয় 29:20

“সেনত্তে তুমি বন্দীগুন, যিগুনোরে মুই যিরূশালেমত্তুন্ বাবিলোত্ পাধেই দুয়োং, তুমি বেক্কুনে মঅ কধানি শুনো।

যিরমিয় 39:6

বাবিলর্ রাজা রিব্‌লাদত্ সিদিকিয়র চোগো মুজুঙোত্ তা পুয়োগুনোরে মারে ফেলেল আর যিহূদার বেক্ রাজার চাগরুনোরে মারে ফেলেল।

যিহিষ্কেল 11:7

“সেনত্তে প্রভু লগেপ্রভু কোইয়্যেদে, ‘ঘেচ্চেকগুরি এ শঅরান্ রানি খাইদ্যে পিলে, মাত্তর্ যে মানুচ্চুনোরে তুই শঅরত্ মারে ফেল্যচ্ সিগুনে য়েরা; আর মুই সিয়েনত্তুন্ তমারে ধাবেইনে নিগিলেই দিম্।

যিহিষ্কেল 16:38

যে মিলেগুনে ব্যভিচের্ গরন আর যিগুনে লো ঝরান্ তারারে যে সাজাগান দিয়্যে অয় সেই সাজাগান মুই তরে দিম। মর্ রাগে আর মনর্ জ্বালাত্তে মুই তরে মরণর্ সাজা দিম।

যিহিষ্কেল 16:41

তারা তর্ ঘরানি পুড়ি ফেলেবাক্ আর ভালোক্কুন্ মিলের্ চোগো মুজুঙোত্ তরে সাজা দিবাক্। এবাবোত্যেগুরি তর্ বেশ্যেগিরি বন্ধ গুরি দিম; তর্ লাঙেগুনোরে তুই আর টেঙা-পোইজ্যে ন-দিবে।

যিহিষ্কেল 21:31

মঅ রাগ্‌‌‌‌‌কান মুই তমা উগুরে ঢালি দিম আর তমা বিরুদ্ধে মর্ অমকদ রাগর্ আগুনোত্ ফুন্ দিম। মুই তমারে এমন চিৎনপুজ্যে মান্‌‌‌‌‌‌‌জ্য আঢত্ তুলি দিম যিগুনে ভস্ত গুরিবার কামত্ কাবিল্।

যিহিষ্কেল 30:19

এবাবোত্যেগুরি মুই মিসররে সাজা দিম, আর সেক্কেনে তারা হবর্ পেবাক্, মুয়ই লগেপ্রভু।’ ”

যিহিষ্কেল 5:10

সিয়েনর ফলে তঅ ভিদিরে বাব্‌পুনে তারার্ পুয়ো-ঝিগুনোর য়েরানি হেবাক্ আর পুয়ো-ঝিগুনে তারার্ বাব্‌পুনোর্ য়েরানি হেবাক্। মুই তরে সাজা দিম্ আর তর্ বাঁজি থেইয়্যে মানুচ্চুনোরে চেরোকিত্তে ছিদি দিম্।

যিহিষ্কেল 5:15

মুই যেক্কে অমকদ অহুজি, রাগে আর অমকদ গেইল্‌‌‌লোই তরে সাজা দিম্ সেক্কে তর্ চেরোকিত্তে জাদ্‌‌‌তুনে তরে দেগিনে আমক্ অবাক্; তুই তারা ইধু অবে নিন্দে আর ঈচ্ গরা হেইয়্যে মানুচ্ আর এক্কো উজিয়ার কধা ধোক্ক্যেন।

যিহিষ্কেল 5:8

সেনত্তে মুই নিজে তঅ বিরুদ্ধে, আর তঅ জাদ্‌‌‌‌তুনোর চোগো মুজুঙোত্ মুই তরে সাজা দিম্।

যোহন 5:27

বাবে পুয়োবোরে মান্‌জ্যর্ বিচের গুরিবার্ খেমতা দিয়্যে, কিয়া তে মান্‌জ্যপুয়ো।

রোমীয় 13:4

তমা ভালেদিত্যে তে গোজেনর্ সেবাগুরিয়্যে ইজেবে কাম্ গরে। তুমি যুনি অন্যেয় গরঅ সালে দোরেয়ো, কিয়া অন্যেয় গুরিয়্যেগুনোরে সাজা দিবার্ অধিকার্ তার্ আঘে। তে দঅ গোজেনর্ সেবাগুরিয়্যে; যিগুনে অন্যেয় কাম্ গরন্ তারারে তে গোজেনর্ ওইনে সাজা দে।

দ্বি’লম্বর বিররণ 28:36

যিবেরে তুমি রাজা বানেইনে তমা উগুরে বোজেবা লগেপ্রভু তারে আর তমারে বোন্দী গুরি নেযেবাত্তে এমন্‌ এক্কো জাদর্‌ আদত্‌ ফেলেব যিবেরে তুমিয়ো ন-জান আর তমার পুরোণি মানুচ্চুনেয়ো ন-জানন্‌। সিয়েনত্ তুমি তক্তা আর পাত্তরর্‌ দেবেদামূত্তির পূজো গুরিবা।