যিহিষ্কেল 11:23 - Chakma Bible

²³ লগেপ্রভুর মহিমাগান শঅর ভিদিরেত্তুন্ উদিনে শঅরর্ পূগেদি মুড়োমুড়ি উগুরে যেইনে থামেল।

যিহিষ্কেল 11:23 ပူးပေါင်းရင်းမြစ်များ

যিহিষ্কেল 1:28

ঝড় দিনোত্ মেঘ ভিদিরে রান্‌‌জোনি ধোক্ক্যেন তা চেরোকিত্তে সেই পহ্‌‌রান্ দেগা যার্। যিয়েন দেগা গেলঅ সিয়েন এলদে লগেপ্রভুর মহিমা ধোক্ক্যেন্। মুই সিয়েন দেগিনে মাদিত্ মাঢা নিগিরি পড়িলুং আর একজনরে কধা কদে শুনিলুং।

যিহিষ্কেল 10:18

সে পরেদি লগেপ্রভুর মহিমাগান্ লগেপ্রভুর ঘরর ফ্রেমানি উগুরেত্তুন্ যেইনে করূব্‌পুনো উগুরে থামেল।‌‌

যিহিষ্কেল 10:4

সে অক্তত্ লগেপ্রভুর মহিমাগান্ করূব্‌পুনো উগুরেত্তুন উদিনে উবোসনা-ঘরর্ ফ্রেমানি ইন্দি গেলঅ। উবোসনা ঘরান্ মেঘ্‌কোই ভুরি গেলঅ, আর সেক্কে লগেপ্রভুর মহিমাগানর্ পহ্‌রে উদোনান্ ভরা এলঅ।

যিহিষ্কেল 43:2

আর মুই পূগেদিত্তুন্ ইস্রায়েল গোজেনর মহিমাগান্ এত্তে দেগিলুং। তার্ মুয়ো রবো এলদে জোরে বেঈ যেইয়্যে পানি গঙার গুজুরোনি ধোক্ক্যেন্ আর তার মহিমালোই পিথ্‌‌‌‌‌‌তিমীগান জোল্‌‌‌‌‌‌জোল্যে ওই উদিলো।

যিহিষ্কেল 43:4

লগেপ্রভুর মহিমাগান পূগেদি গেদো ভিদিরেদি উবোসনা-ঘরত্ সোমেল।

যিহিষ্কেল 8:4

আর সিয়েনত্ মঅ মুজুঙোত্ এলঅ ইস্রায়েলর গোজেনর মহিমাগান্, যিয়েনি মুই কলগত্ দর্শনর ভিদিরেদি দেখ্যং।

যিহিষ্কেল 8:6

তে মরে কলঅ, “ও মান্‌‌‌‌জ্যর পুয়োবো, তারা যিয়েনি গত্তন্ সিয়েনি কি তুই দেগর্? ইস্রায়েলীয়গুনে ইয়েনত্ কি অমকদ জঘন্য কাম গোজ্যন্ যিয়েনত্তে মত্তুন্ মঅ সুদ্ধো-সাংগ জাগানত্তুন্ দূরোত্ সুরি যাহ্ পুরিবো। মাত্তর্ ইয়েনর পরেদিয়ো তুই আর জঘন্য কাম দেগিবে।”

যিহিষ্কেল 9:3

সেক্কে ইস্রায়েলর্ গোজেনর যে মহিমাগান্ করূব্‌‌‌পুনো উগুরে এলঅ সিয়েনি সিয়োত্তুন্ উদিনে উবোসনা-ঘরর ফ্রেমান ইধু গেলঅ। লগেপ্রভু মসীনার কাবড় উজ্যে সেই মানুচ্চোরে ডাগিলো।

সখরিয় 14:4

সেদিন্যে তে এইনে যিরূশালেমর পূগেদি জৈতুন মুড়োবো উগুরে থিয়্যেব; সেক্কে জৈতুন মুড়োবো পূগেন্দিত্তুন্ পোজিমেদি ফাদি যেবঅ আর অদ্দেক্ উত্তোরে আহ্ অদ্দেক্ দোগিণে সুরি যেইনে এক্কান দাঙর্ কলগর্ সিরিস্‌টি গুরিবো।

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।