যিহিষ্কেল 11:21 - Chakma Bible

²¹ মাত্তর্ যিগুনোর মনানি বাজে মূত্তি আর জঘন্য মূত্তিগুনো ইন্দি, তারার্ কামর ফল মুই তারা উগুরে ঢালি দিম। মুই প্রভু লগেপ্রভু এ কধাগান কঙর্।”

যিহিষ্কেল 11:21 ပူးပေါင်းရင်းမြစ်များ

উপদেশক 11:9

ও গাবুজ্যে, তঅ গাবুজ্যে জিংকানিত্ তুই সুগি অ, গাবুজ্যে বয়জর্ দিনুনোত্ তঅ মনানে তরে হুজিয়ে রাগোক্। তঅ মনানর্ আওজ্ মজিম্ পধেদি যাহ্ আর তঅ চোগেদি যিয়েন্ গম্ লাগে সিয়েনই গর্, মাত্তর্ মনত্ রাগেচ্, এ বেক্ কামানিত্তে গোজেনে তঅ বিচের্ গুরিবো।

যিরমিয় 1:16

মঅ মানুচ্চুনে মরে ফেলেই যেইয়োন, তারা দেব-দেবেদাগুনোর নাঙে আগর্‌বাট্টি জ্বালেয়োন আর নিজো আঢে বানেয়্যে জিনিজোরে পূজো গোজ্যন্। তারার এই বেক্ পাজি কামানিত্তে মুই তারা বিরুদ্বে মর্ বিচেরর্ রায়য়ান দিম্।

যিরমিয় 16:11

সেক্কে তুই তারারে কবে, লগেপ্রভু কোইয়্যেদে, ‘ইয়েনর কারনান্ অলঅ তমা পুরোণি মানুচ্চুনে মরে ছাড়ি যেইয়োন আর দেব-দেবেদাগুনোর পিজেদি যেইনে তারারে সেবা আর পূজো গোজ্যন্। তারা মরে ছাড়ি যেইয়োন আর মর্ সুদোমানি অমান্য গোজ্যন্।

যিরমিয় 16:18

তারার পাজিগানিত্তে আর পাপ্পানিত্তে মুই তারারে দ্বিগুন ফল দিম, কিত্তে তারা মঅ দেজ্‌‍‍‍চানরে অসিজি গোজ্যন আর তারাত্তে জঘন্য মূত্তি আর পুজোলোই মর্ সেই অধিকারানরে পুরোন গোজ্যন‍।”

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

যিরমিয় 2:20

ভালোক্ দিন আগে তুই তর্ জুঙোল্ ভাঙিনে বান্ন্যেগান ছিনি ফেল্যচ্; তুই কোইয়োচ্চ্যে, মুই তরে সেবা ন-গুরিম্। তুই পত্তি অজল্ মুড়োত্ আর ডেলা পাদায় ছিদি পোজ্যে পত্তি য়্যেল্ গাজর্ তলে বেশ্যে ধোক্ক্যেন ঘুম্ যেইয়োচ্।

যিহিষ্কেল 11:18

“তারা সিদু ফিরি যেইনে বেক্ বাজে মূত্তি আর জঘন্য মূত্তিগুন দূর্ গুরি দিবাক্।

যিহিষ্কেল 14:3

ও মান্‌জ্যর্ পুয়োবো, এ মানুচ্চুনে তারার্ মন ভিদিরে মূত্তি থিদেবর্ গুরিনে পাপত্ পড়েদে ধোক্ক্যেন জিনিস তারা মুজুঙোত্ রাগেয়্যে। সেনত্তে মইধু যুনি তারা কনঅ কিজু পুযোর্ গরন সালে মুই তারারে জোব্ ন-দিম।

যিহিষ্কেল 16:43

তুই তর্ চিগোন সেময়োর্ দিনুন্ ইদোত্ ন-রাগাচ্, বরং এ কামানিলোই মরে কাঙেলেত্যে গোরেয়োচ্; সেনত্তে মুইয়ো তর্ কামর ফল তরে দিম। তর্ অন্য বেক্ ভান্ন্যেই কামর্ সমারে কি তুই এই জঘন্য কামানিয়ো মিজেচ্?

যিহিষ্কেল 20:16

তারা মর্ রীদি-সুদোমানি এলাফেলা গোজ্যন আর মর্ সুদোমানি অমান্য গোজ্যন আর মর্ দিয়্যে জিরেবার দিনুনোর পবিত্রতাগান রোক্ষ্যে ন-গরন্, কিত্তে তারার মনর্ টানান এলদে মূত্তিপূজো ইন্দি।

যিহিষ্কেল 20:31

এজঅ সং যেক্কে তুমি মূত্তি মুজুঙোত্ তমা ঝি-পুয়োগুনোরে আগুনোত্ পুড়িনে উৎসর্ব গরঅ সেক্কে সেই বেক্ মূত্তিগুন্দোই তুমি নিজোরে অসিজি গুরি থাগঅ। ও ইস্রায়েলীয়গুন, মুই কি তমারে মর্ আওজ্‌চান জানিবাত্তে দিম? মর্ জিংকানি নাঙে, মুই কনমতে মর্ আওজ্‌চান তমারে জানিবাত্তে ন-দিম।

যিহিষ্কেল 20:38

তমা ভিদিরে যিগুনে মঅ বিরুদ্ধে থান্ আর উল্লোমী গরন মুই তারারে দূর্ গুরি দিম। তারা যে দেজত্ বজত্তি গত্তন্ যুনিয়ো সিয়োত্তুন মুই তারারে নিগিলেই আনিম তো তারা ইস্রায়েল দেজত্ চোমেই ন-পারিবাক্। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 22:31

সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”

যিহিষ্কেল 7:3

ইক্কিনে সে সময়ান তঅ উগুরে লুম্মেগি আর তঅ বিরুদ্ধে মুই মঅ রাগ্‌‌‌কান ঢালি দিম। তঅ চালচলন মজিম্ মুই তঅ বিচের্ গুরিম আর তর্ বেক জঘন্য কামানিত্তে তরে সাজা দিম।

যিহিষ্কেল 7:4

মুই তঅ ইন্দি মেয়্যেলি চোগে রিনি ন-চেম্ বা তরে রেহাইঅ ন-দিম্; তর্ চালচলন আর তঅ ভিদিরে জঘন্য কামানিত্তে মুই ঘেচ্চেকগুরি তরে সাজা দিম্। সেক্কে তুই হবর্ পেবেদে, মুয়ই লগেপ্রভু।’”

যিহিষ্কেল 7:8

মুই যাদিমাদি তমা উগুরে মঅ রাগ্‌‌‌‌‌কান পুরোপুরি ঢালি দিম্। তমা চালচলন মজিম্ মুই তমারে বিচের্ গুরিম আর তমার্ বেক জঘন্য কামানিত্তে সাজা দিম।

যিহিষ্কেল 9:10

সেনত্তে মুই তারারে মেয়্যেলী চোগেদিয়ো ন-চেম্, রেহাইঅ ন-দিম; তারা যিয়েনি গোজ্যন্ সিয়েনর ফল মুই তারা উগুরে ঢালি দিম্।”

ইব্রীয় 10:38

আর যে মানুচ্চোরে মুই নিদ্দুজি বিলিনে মানি লোইয়োং তে বিশ্বেজর্ মাধ্যমে জিংকানি পেবঅ; মাত্তর্ কেঅ যুনি ফিরি যায় সালে তা উগুরে মুই হুজি ন-ওম্।”

যিহূদা 1:19

এ মানুচ্চুনে দলাদলি সৃট্টি গরন্ আর তারা নিজোর আওজ্ মজিম চলন্। তারার্ মনভিদিরে পবিত্র আত্মা নেই।